الوسم: July

الحمدلله امس رجعت من الهند وكانت سفرة لمدة اسبوعين بس كانت سفرة علاج ليدتي وما صورت الا شي بسيط وما يستاهل اني احط الصور

المهم في الصيف شهر 7 لعام 2024 سرت الهند منطقة حيدراباد ومنها الى مدينة اوتي الجبلية

وخذت كم صورة وقلت انزلهم لكم

مع انه متأخره وايد بما انه كانت السفرة في الصيف ،، لكن ظروف العمل والدراسه كانت أقوى ،، والحين في اجازة وقلت خلني احط موضوع بسيط

ما اذكر تفاصيل الرحلة لكن بحطلكم الصور بتعليقات خفيفة

—

بسم الله

اوتي منطقة جبلية معروفه بالخضار والبراد ومرتفعات الشاي والوصول لها يكون عن طريق البر من مدينة بنقلور

وفالطريق وانتوا سايرين لها في غابات وفيها حيوانات منها فيله ، غزلان ، ثعالب ، قرود ، أغنام ، طاؤوس الخ وفي حيوانات مفترسه ما تطلع الا على الفجر او فالليل

القرود لعوزتنا في كل مكان ،، الصغاريه عندنا وايد يخافون من القرود هههههههه

مزارع الشاي وكان وقت التصوير المسا فما كان تصويري حلو

والبرد كان مقطعني وما اروم امسك الكيمرا عدل واصور خخخخخخ

في مدينة اوتي شي بحيرة معروفه كل حد يزور اوتي لازم يودونه هالبحيرة هههههه
وطبعا مراكب صغيرة ولفه فالبحيرة وعيشوا الجو

هذي المدينة البسيطة

شباب يستهبلون عالغنم ههههههه

الأتو العجيب ،، أحبه بسبب الهواء النقي اللي اييني وانا راكبتنه ههههههههه

مسكينه تترزق

دخلنا حديقة مش ولا بد منها وهذي بعض اللقطات منها

مافيها غير المساحات الخضرا والاشجار الكبيرة والقديمة

وطبعا الهنود يتسدحون عالحشيش ويسوون افلام هندية ويتصورون

فوكس بسيط على بعض الزهور

شجرة طويلة ما شاء الله

Kuch Kuck Hota Hai
ههههههههههه يوم اشوف المساحات الخضرة اتذكر الافلام الهندية

اسم الحديقة ،، مصورة الشق الثاني من الاسم هههههههه

شريت من عندنا زهرة عشان فالمقابل اصورها

شكله مشهي

مرتفعات

صور مزارع الشاي

مزارع الشاي

هذي البقعة يقولون مزرعة شاي ممثلة هندية اسمها (ممتاز) ما ادريبها حيه ولا ميته ولا مال اي زمن

وفوق ورا هالمزرعة ،، شي مصنع الشاي باسمها ،، بس ما سرناله عسبة الصغاريه

فالمزرعة مال ممتاز يقولونكم هالاعلان تعالوا تصوروا بين اشجار الجاي بلبس المزارعات ،، وطبعا المصور تعبان صورنا عنده صوره طلعت كحيانه

وجان اصور اختي بتصويري الحلو وراويت المصور وقلتله يله ادفع لي 1000 روبيه عالصورة خخخخخخخخخ

وطبعا كلنا البنات تصورنا بنفس الطريقة ،، السكارف والسلة مالة جمع الشاي وكشخه طلعت الصور بس ما اروم احطهن

رصة اشجار الشاي منظرها رهيب ما شاء الله سبحان الخالق

وعلى بعد مسافة شي شلالات بسيطه

والضباب مغطي بعض المناطق