البعض يفضل اللحوم على الفطور والبعض الأجبان او النشويات او الخضار ..
في الموضوع هذا حاولنا نلبي جميع الرغبات ونطور طرق التقديم
وتستفيدون منه
نشوف مع بعض انواع الفطور ..
للامانة منقول من ايميلي وحبيت افيدكم
[ أسياخ الحلوم المشويه ]
جبنه حلوم + فلفل بارد ملون
نقطع الجبنه مكعبات + الفلفل وندخلها اصياخ بالدور .. ثم نحطها ع الشوايه بدون زيت .
نقلبها حتى تنشوي جميع الجهات ..
دمها مع خبز محمص ومربى ومكدوس وزيتون ..
[ مزرعة بالبيض ]
سبب التسميه ان فيها انواع كثيره من الخضار ..
بيض + بقدونس + بصل + ثوم + طماط + فلفل بارد [ بصل اخضر ] حسب الرغبه
نقطع البصل ونحمسه بالزيت ثم نضيف الثوم المهروس .. ثم الطماط والفلفل البارد بعد التقطيع وباقي الخضار
نصبها بصينيه بعد دهنها بالزيت و ندخلها الفرن بعد رشها بالجبن ..
بالقلايه اسرع ونغطيها بغطى قدر
مع رشة بقدونس مفروم وبطاطس وخبز محمص .. 
[ قوالب البيض بالتونه ]
علبه تونه صغيره + بيض + فلفل حار + بصل + فلفل بارد + جبن مبشور
نقطع البصل ونحمسه مع زيت ثم نضيف الفلفل الحار والبارد ثم التونه ونتبلها بالملح والفلفل.
بكل قالب نحط ملعقتين من التونه
نخلط بيضه مع بيالة حليب سايل ونتبلها بالملح والفلفل الاسود ونصبها ع التونه .. ونرشها بالجبن ..
وشريحه فلفل بارد للنكهه .
بالفرن 10 – 15 دقيقه نقدمها مع الخبز
ان شاء الله بنزل الجزء الثاني باجر .. دعواتكن 
جزاك الله خيرا
مشكووورة واايد حلو الموضوع لانه صج مليت من الريوق الي اسويه
انزين فديتج مزرعة البيض لازم بالفرن اروم احطه بالقلاية وعقب اسكره بالغطا صح؟؟؟
تسلمين أختي
مزرعة البيض اسمها ( Spanish Omlet )
تسلمين الصراحه شهيتني اتريق يسلموووو
افكار حلوه تسلمين اختي ع الموضوع الجميل
تسلمين وما قصرتي
المشاركة الأصلية كتبت بواسطة حبيبة ماما 