السلام عليكن خواتي إن شاء الله بخير ..
طبعا أنا جمعت كذا أكله سويتهن هالثلاثة أيام وحبيت إني أشاركم على أساس ممكن وحده يعيبها واطبق
المهم ..مابطول عليكن والحين مع الصور…
الأكله الأولى …
(صالونه هندية)
الصراحه كانت حلوه كتير<<< قصدي وايد
(يايبه طريقتها من منتدى)[IMG]
..[/IMG]
أنا قدمتها ويا الرز ممكن عاد إنتي تقدميها مع الخبز
تبو الطريقة <<< وبعدين معاج عيل ليج حاطه الموضوع
في البدايه لازم نكون مجهزين 3 خلطات
الخلطه الاولى عباره عن كم فص من الثوم مع قطعة زنجبيل نزيدهم قليل ماء ونحطهم في خلاط العصير
ونخليهم في طبق على جنب
الخلطه الثانيه عباره عن كازو ابيض
نزيده قليل من الماء وفي خلاط العصير
نحطه في طبق على جنب
الخلطه الثالثه عباره عن فلفل اسود حب مع قرنين فلفل اخضر واحمر
نزيدهم قليل من الماء وفي خلاط العصير
نحطهم في طبق ونخليهم على جنب
بتكون عندنا الخلطات جاهزه بهذه الصوره
نحضر هذه البهارات
ورق غار
هيل حب +هيل مطحون
دارسين اعواد
فلفل اسود حب
مسمار حب
نحط البهارت في قليل من السمنه والزيت على النار وبعد ما تطلع ريحة البهارات نضيف بصلتين مقطعتين شرائح طوليه على الزيت ونتركهم يتحمروا شوي
نضيف خليط الثوم والزنجبيل + علبة روب + فلفل احمر مطحون +كركم مطحون – نحرك الخليط
ثم نضيف نعناع وحشيش مقطعين صغار
نضيف طماطتين مفرومتين وفلفل اخضر حار مقطع قطه صغيره
نضيف قطع الدجاج وخليط الفلفل وخليط الكازو – نضيف كمون وكاري وكاس ماء يترك على نار هادئه تقريبا ساعه واحده حتى ينضج
خمس دقائق قبل لا نسكر على الصالونه نضيف ملح وملعقتين من حليب جوز الهند البودره
والصالونه بتكون جاهزه
الحين الأكله الثانية:
بطاطس مقرمشه
حلوه بس لازم تكون الرقائق خفيفه وايد عشان تقرمش أكثر …[IMG]
..[/IMG]
وهذي الطريقه:
المقادير
بطاطس مقطعه شرائح رفيعه
ملعقه ك ملح
خل
ملعقه ص سكر
مياه مغليه
زيت
**الطريقه**
قطعت البطاطس شرائح رفيعه ووضعتها في مياه
ووضعت في حله ملح وخل وسكر ومياه مغليه وحطيت البطاطس فيها وخليتها تغلي
لمده 10 دقائق
صفيتها من المياه وتركتها تبرد شويه
وبعد كذا قليتها في زيت
الطريقة الثالثة:
الحلا الأول… من إختراعي >>>>إحم إحم( إسمها …. سموها إلي يعجبكم )>>>الإخت عطتكم تصريح
[IMG]
..[/IMG]
[IMG]
..[/IMG]
[IMG]
..[/IMG]
[COLOR="darkorchid"]
والطريقة :
الطبقة الأولى :كيكة سوداء مفتته وطبعا ضغطت عليها عدل في صينية البيركس
الطبقة الثانية :كان لازم أحطي قشطة بس طلعت مخلص عنا فالإخت لازم تكمل الأكله >>لا للإستسلام
فسويت قشطه وهي كالآتي (في قدر حطيت 3اكواب ماء+2كوب حليب بودره+شوي سكر+3ملاعق دقيق)وأنا استخدمت نص المقادير وبكفي حق الأكله هذي
(نذوب الحليب البودره في الماء ثم نظيف الدقيق+السكر نضع المزيج في قدر على النار متوسطه مع التحريك المستمر)
وبعد ما خلصت القشطة خذت جزء من هالكميه عادي يعني الكمية إلي تبيها تقريبا النص وحطيتها في الخلاط وحطيت نص بسكويت شاي و حبتين جبن كيري وظرف كريم كراميل وظرف دريم ويب وخلطتهم
وحطيتهم كطبقة ثانية
(لكن أفضل ….تحطوا قبل هالطبقة طبقة بسكويت ليش ؟ علشان ماتروح الخلطة تحت وتتشربها الكيكه)
الطبقة الثالثة :القشطه إلي خذنا منها النص ونخلطها مع ملعقة مملوءه ككاو نوتيلا وقليل من الحليب المكثف
وبشرت بككاو جلكسي بالمبشرة وسيده على الثلاجة ..وعافية على قلوبكم
الأكله إلى بعدها ..يبت طريقتها من منتدى وطبقتها
يقولون عنها ( قلاب جامن) ويمكن حد يسميها غير شويه عن كذا…الأكله حلو طعمها لكن قالولوا بعدها كان يبالها شويه تنضج أكثر من داخل
هم كان عبالهم من برع لكن يوم عرفا إني أنا مسوتنها يعني قاموا يتنقدوا وأنا عادي عندي بالعكس علشان المره اليايه أسويها أحلى بس أنا أقول ليهم (عادي ما يهزني ريح) لأنهم مرات بس يبو ايغصصو فيني ..>>>خلاص قلتيلنا قصة حياتج
[IMG].com]
..[/IMG]
وأنا أقليهن
[IMG]
..[/IMG]
الحين
المقادير: كاستين ونصف حليب بودرة
ثلاث ملاعق أكل دقيق مملؤة
2ملعقة شاى ممسوحة بيكم بودر
4ملاعق شاى سمن
كأس ماء
شيرة
تعجن المقادير السابقة بالملعقةثم تترك مدة 10 دقائق حتى تتجانس ثم تكور وتقلى فى زيت
متوسط الحرارة وبهدؤ حتى تستوى من الداخل مثل اللقيمات
بعد القلى توضع على ورق مناديل وتترك لتبرد قليل ثم تغمر فى الشيرة مدة 10 دقائق وتقدم
الأكله إلي بعدها:
بنزلها مره ثانية لأن مركز تحميل الصور ماأدري شو حل إبه
لنا عوده إن شاء الله مع دانه الدندونه….
بس أنتظر التعليق وإذا تقدروا
…
…
تدعولي يابنات ربي يحقق إلي في بالي إن شاء الله
المشاركة الأصلية كتبت بواسطة متفائله دوما 
