السلام عليكم صبايا
انا انسانه تزوجت من سنه تقريبا وحملت وعقيت للاسف في الوقت الي كانت نفسيتي تعبااانه ريلي صار عنده ادمااان على الفيس بوك وسبحان الله الحرمه تحس بريلها اذا يلعب منيه ومنيه كنت حااااااااسه وكل ما اقوله شي يقولي انتي شكاكه ومن عقيتي وانتي جالبه البيت فوق راسي وخلاص مليت بتردين تحملين شوه مشكلتج 
!!!!! المهم اختكم ذكيه تميت فوق راسه اوني اناقشه اني شفت موضوع عن سالفة الباسوورد وشوه الرقم او كلمة السر الي دوم تستخدمها واللهم لك الحمد والشكر ريلي من النوع الي ما يركز قالي انا العاده احط رقمي الجامعي ولا رقم بطاقتي مال البنك المهم ترييته يطلع ودخلت وشفت العجب يكلم وحده الله يهديها وكله اتم معلقه ليش ما ترد يوم اتصل طبعا ما خبرها انه معرس او اي شي يقوللها والله كنت مشغول ولا والله كان عندي ما اعرف شوه المهم يتعذر والي يقهر انه يناديها باسم الدلع الي يناديني فيه من قبل ما نتزوج هالشي الي صدمني ويكلمها الوقت الي يكون فيه برع البيت او وقت اكون ويا هليه قهرني واااايد….
المهم صورت جزء من الايميل وطرشتله ام ام اس وياني البيت اسرع عن البرق وهو مصدووووم والله ما كان قصدي وانا نهيت العلاقه وانتي سبتج هالشي لانج حولتي البيت مشاكل من يوم ما عقيتي قلت له انت مب حاس هالسالفه من 3 ايام وانا ما اكلمه ابا اروح بيت اهلي ريلي من النوع الي بيراضيني وبيذل نفسه عشان ارضى صح بس مشكلته يبا غصب ارضى يعني امس يفاتن وينازع كم تبين اراضيج وانا مليت خلاص مب قصدي قلت لج وتشوفيني حبيتها ؟؟؟؟ وقالي انا الزعلان ليش تنبشين من ورايه ما فيه ثقه!!!!!!! يعني يبا يجلب الزعل المهم طنشته وقلت الا والا احرق اعصابه اكره شي عنده اتم ساكته صم بكم عمي فهم لا يفقهون
شوروا عليه اروح بيت اهلي ريلي ما قدرني انا في ظرف جدا صعب عقيت ولد 4 شهور بالمعنى الاصح مات البيبي المفروض يعوضني يخفف عليه مب يتنفر يقولي ليش ما تبين تحملين مره ثانيه انا احينه مب مستعده واهله ظاغطين عليه من الاساس ما يحبوني وايد لانه كانوا يبونه ياخذ وحده من الاهل وهو اصر ياخذني عقب قصة حب 6 سنين بس في النهايه هذا نصيب يعني الام تباه لغيري وانا كنت اباه ومب قادره اوصل له الين راد ربي يجمعنا يعني كله بامر الله مب هذا موضوعي شوه اسوي اترك البيت عشان يحس بالذنب ولا ما اعرف من وين ابدا
قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له
حبيبتي نصيحه مني لج لا تردين بيت اهلج خلج بالبيت انتي تعطينه فرصه يرد لسوالف النت وخرابيطه
انا ما اقول لا تاخذين موقف منه
خليه يوعدج وغيري حياتج حبيبتي اعرف وضع الوحده لما اتسقط انا ولدت وبنتي اتوفت جدامي وكنت مجهزه كل شي غرفتها اغراضها بس راحت عند ربي والله عوضني باحلى ولدين والحمدلله
حبيبتي اهو يقول لج انتي حولتي البيت الي مشاكل وهاوش وضيقه شو تبينه يسوي
وبعدين ديري بالج عليه مب انتي اتحبينه وتبينه انتي لج الحق فيه مب اهي
خلج بالبيت ولا تخبرين اهلج عن السوالف هذي علشان اذا تراضيتي معاه ما ياخذون فكره عنه غلط ترى بي يوم بقولون له
حبيبتي خليه يوعدج واطلبي منه نبدا صفحه
يديده واخذي واطلبي اي شي ….حقج هذا
الله يوفقج ويسرلج امرج حبيبتي
الله يكون فعونج اختيه نصيحه لاعاد ادورين بأغراضه عسب تكوني مرتاحه وانشغلي بحياتج الاجتماعية ومارسي هواياتج وأدي واجباتج اتجاه ريلج على أكمل وجه وانتي الحينه لا تسيرين بيت هلج طبعاً بعد الزعله مع ريلج والمحايله قوليله هالمره بطوفها بس المره الثانية بيكون فراق طبعاً هالكلام بس تخويف وانتي لو حصلتي دليل مره ثانية على خيانته طنشي نفس ما قلت لج وأهم شي قوي علاقتج بربج وهالشي بينعكس على حياتج وعلاقتج بريلج صدقيني صحيح نسيت شي مهم ليش ما تستشيرين أخصائية علاقات زوجية فهالموضوع طبعاً بدون لايعرف ريلج عسب تقولج طبيعة شخصية ريلج وكيف تتعاملين وياه وتخلينه يبتعد عن المغازلة
الله يهدي جميع أمة محمد
الغاليه فكري زين وسامحيه
غاليتي الحبيبة
الانسان ما يتحطم عن أقل مشكلة ..
انا وياج انه غلط .. وغلطته انه يلعب بس الحمدلله انه ما وصل يطلع معاها
حاولي تتقربين من ريلج أكثر .. قعدي معاها جلسه مصارحه وحاوريه واسألي اذا انتي مقصره عليه في شي او لا
لا تحطين في بالج انه اهلج ما يبونج .. يكفي انه هو يبيج وهو اللي اصر ياخذج وهو اللي يحبج ^_^
ادعي الله يهديه ويصلحه والله ييسر اموركم ان شاء الله
أختي ما يفيد الاعتذار
كل انسان بيعتذر و هوو مسؤووي مصائب
و بيرد بيغلط و بيقول فخاطره برد أراضيها ترضى بسرعه
أنا بوجهة نظري
أتعلمينه درس ما ينساه لدرجه أنه ما يفكر ىءد لحركاته
عشان يعرف رضاج مب سهل ..
أحقرئييئيه بسسس تمي فالبيت غسان ما تعطينه مجال
و إشرطي عليه انج رضيتي عنه
يعطيج كل باسورداته إذا رفض يعني بيرد لسوالفه إذا وافق
قولي له تراني ما بدش عليهم إلا إذا شكيت فيك و سؤالفك فاتحمل
و لا تعتبر ها زعل و صد ..
ترا ردة فعلي هائ نقطه فبحر.
ردة فعلي بالخياااانه غير غير غير انت بتنصدم منها ..
بس جي زيغيه خخخ
المشاركة الأصلية كتبت بواسطة ام رشوودي 
للــــــــرفع 
.. thanks sweete