آيشدو Naked2 من URBAN DECAY…
كيف تعرفين الاصلي من التقليد!!
اولا: نقاط الشراء و السعر
الاصلي: من سيفورا امريكا.. السعر ٥٠ دولار قبل الضريبه.. تقريبا ١٨٤ درهم
التقليد: من امازون… السعر ١٨ دولار… ٦٦.٢٤ درهم
ثانيا: الصور!!
الاصلي مكتوب عليه :Authentic
التقليد مكتوب عليه: Fake
هذا الموضوع مب منقول.. الصور من تصويري الشخصي.. و اكتب لكم الموضوع لانه يوم طلبت من امازون و وصل لي شي تقليد وايد تضايقت!! افضل مكياج امريكي رخيص مصنوع بمواصفات منظمة الاغذية و الدوائية الامريكيه علي تقليد صيني الله اعلم بمحتوياته…
و رفعت شكوى للشركة و رجعوا لي حقي.. و اعتذروا و وقفوا رخصة البائع… و اعتقد هذا حقه لانه يبيع المغشوش باسم الاصلي..
ولازم اقول التقليد ما ينعرف تقليد الا اذا قارن بالاصلي.. تقليد A++++
الصورة الاولي:
الاصلي الكتابه عليه بلون رمادي معدني
التقليد اسود معدني
الصورة الثانية
الاصلي: عنوان امريكا و بعده فرنسا و الموقع
التقليد: عنوان امريكا و بعده برطانيا و الموقع
بالصوره تفاصيل العنوان
الصوره الثالثة
مثل ما تشوفون الاصلي عليه كود من طرف مكتوب : B151
الصوره الرابعة
الالوان تقريبا نفس الشي..
لكن الاسم تحت الشدو بالاصلي بالنص و مرتب و بالتقليد شويه اكبر
الصورة الخامسة
الاصلي الباكج ماله مرتب و التقليد اطراف البلاستيك طالعة!!
هذا كله بالصورة… اما الفرق الحقيقي و الاهم
الاصلي نوعا ما كريمي.. و لونه قوي و ثابت
التقليد نوعا ما طبشوري مقارنة بالاصلي.. لونه عادي.. و ماجربته للثبات
الاصلي شويه ثجيل في الوزن و اذا فتحتيه يثبت علي الطاولة..
التقليد خفيف و يحتاج شي يثبت من ورا المراية
الاصلي في الاستخدام دمج الالوان سهل و سلس..
التقليد يحتاج اكثر من طبقه و شغل.. و ما توصلين لنفس النتيجة
اتمني الكل يستفيدون من المقارنات.. و يعرفون الاصلي من التقليد.. و ما ينخدعون مثلي!!
و ان شاءالله الشهر الجاي بنزل Nakeed لاني اشتريت التقليد من نفس الشخص ( و كنت اعتقد انه سعره ممتاز ليش ما اخذ كل شي) و ما عندي الاصلي..
و اي سؤال في المكياج و مقارنات الاصلي من التقليد او ماركات ثانيه.. انا موجوده…
بالتوفق للكل….
يزاج الله خير
بما انه صار الكل يبيعه الحين ان دوم في بالي هالاستفسار كيف اميز الاصلي من التقليد
مشكوره الرح ماقصرتي
انا شارتنه من سيفورا باريس… اتوقع اصلي
الغاليه ميميه….
بالفعل شفت معروض في وايد مدونة و مواقع
و هذا مب الوحيد اللي التقليد منه موجود!!
التقليد موجود لكل هذي الماركات في المكياج: ديور، شانيل، لانكوم، ماك، بنيفت، اربن دي كي، بوبي براون.
ما اقدر هني احط رابط مواقع ثانيه… لو كنت اقدر جان حطيت عسب الكل يتحذرون في شراء هالماركات…
و شكرا علي مرورج الغالية
مهروووووه…
اكيد بيكون اصلي!!
شكرا علي مرورج الغالية
يعطيج ألف عافيه الغالية
مشكوره الغاليه على التوضيح
المشاركة الأصلية كتبت بواسطة ام جواهر 
