أخباركم الغاليات أمهات الإمارات اليوم حابه نتناقش في موضوع وايد حلو ومفيد وإن شاء الله ألاقي تفاعل منكم
كثيرا مانحتار عند إختيار هدايا المواليد وبالأخص إذا كان الطفل الثاني او الثالث في العائلة،، او حتى لو كان الطفل البكر،، ربما نشتري أشياء لا تحتاج لها الأم أو أن هذه الهدية مثل مايقولون جات في وقتها ونفعت الأم لأنها تحتاج أشياء كثيرة وبنفس الوقت الميزانية ماتسمح لشراء كل هذه الحاجيات بسبب وصول الطفل ومصاريفه وكذلم مصاريف الولادة والمستشفى…
خلونا يا بنات نخبر بعض شنو الهدايا الأكثر نفعا وحصلتيها بعد ولادتك وحسيتي أنك استفدتي منها، حتى نعرف منكم ماهي أكثر الهدايا نفعا وبالتالي لما نقرر نشتري من اليوم ورايح نعرف ونشتري شي نافع…
موضووع حلو .. 
اكثر شي نفعني اللي اهي الجالوسيه (القعاديه)
بس يايه على قعده خفيفه نفعتني ليين ما ولدي صار 6 شهور
يني جنه منسدح اليااهل بس شوي مرفووع
بس مب اي وحده تنفع
والمشايه مال اليااهل بعد استفدت منها
بس احسن شي البيزات
تودين البيزات للمحمصه واهم يحطونها لج بشي رااقي
احسن شي
لان وااايد اشياء بس جييه محطووطه
ولا استعملتها ولا شي
غير ان واايد ناس يايبين نفس الشي
مشكلتنا عزيزتي
أنه يوم أنروح زياره لوحده مربي نعتقد أنه لازم أنشل شي كبير وأحنا داخلين عليها
ما نفكر بالشي إلي يفيدها ويفيد الياهل .
أنا بأعتقادي أنه فيه أشياء وايد مفيده للياهل بس تكون الأم ماخذتنها وأكيد ما راحت عن بالها
وبتلقين الهدايا مكرره وما لها فايده
فأفضل شي ياني هي (( لفلوس )) أما الهدايا الباقيه فكانت مكرره أذا ما تكون نفس النوع وما لها لازمه
وتملي عليج المكان وما تعرفين كيف تتصرفين فيها .
بالنسبه للمربي لما أزورها أفضل أعطيها فلوس تنفعها وتنفع الياهل وهي أبخص بالي ناقصنها .
شاكره لج عزيزتي هالموضوع المفيد ولي فعلاً محتاجين أستفتاء فيه .
انا بعد وياكم البيزات احسن شي
وطبعا هالبيزات انا اخليها حق الياهل افتح له حساب فالبنك واحط البيزات فيها …
في نظري الفلوس احسن شي ,,
وما شاء الله بنتي حصلت مبلغ وقدره ( ….. ) وفتحنالها حساب في البنك ..
الكرسي اللي ينسدح نص سدحه ريحني واااايد من حشرة نونوتي
المشاركة الأصلية كتبت بواسطة منى الروحm 