السلام عليكم خواتي
اول شي عندي استفسار بخصوص اللي يشتغلون بشرطة دبي
انا زوجي يشتغل بالشرطه بس ماني عارفه وين اربي يوم اتصل على المستشفى يقولون ندفع 12 الف حق الطبيعي و15 الف قيصري طبعا يقولون غير الفحوصات وغيره والمشكله كل موظف بالمستشفى مايدري عن شي يعني كل ما اتصل كل واحد يعطيني كلام اللي يقول شرطة دبي تولد ببلاش واللي يقول تولد وتدفع بس حق الولاده اللي هي 7 الف من غير فتح الملف الي هو 5 الف فقررت اسير واسئل بنفسي ويوم رحت المصيبه الكبرى ان الموضوع نفس الشي محد يدري كل واحد يعطيني كلام واقصد الوصل انا مارحت دبي المهم واعتمدت على كلام الموضفات اللي بقسم التسجيل وقالوا لي ثقي بكلامنا مع اني رحت قسم المحاسبه وقسم دخول المرضى شي زي كذا وكلن يعطيني مرشح اللي يفرح واللي يزعل
اللحين ابي الكلام الاخير من اللي مجربات ويشتغلون بالشرطه غير المواطنات اخر كلام شووووو عشان ما اروح واتورط يوم الدفع
والشي الثاني ابي سعر الابرة اللي هي ابرة الظهر بمستشفى دبي بكم لاني سالت بالوصل قالو بالف وثمان ميه مادري عن دبي
جعل ربي يوفق اللي ترد علي واللي ترفع لي الموضوع بدعوه حلوه 
اتمنى يفيدونج
ما عندي اي خلفيه عن الموضوع
الله يسهل عليج فديتج ..~
وان شاء الله الخوات الي يعرفن يردن عليج ..~
حبيبتي انا كنت اشتغل بالهيئه
انتي لازم تراجعين بعيادة الشرطه وبعدين هم يحولونج مستشفى دبي في اغلب الحالات يمكن عشان جذيه فالوصل ما عرفوا
ال 5 الاف مالت المراجعات راح تكونين معفيه منها لكن لازم تدفعين تكاليف الولاده اذا طبيعي 7 واذا قيصريه 9 وبغرفه مشتركه
واذا بتولدي طبيعي شو تبين بابرة الظهر اولدي بدونها احسن كثير من الحريم يشتكون من اثارها الجانبيه
واذا شفتي غالي عليج في مستشفيات ارخص مثل الايراني والبراحه
موفقه
يعني المنتدى ممزووووور ماشا الله……
المشاركة الأصلية كتبت بواسطة العين الدامعة 
