اول شي الله يسهل عليج و الصراحة انا ما اربي الا في الواحة بس اذا بغيتي تربين فيه حطي في بالج انج لازم تطلبين اي دكتورة عندج تكون في غرفة الولادة لان النرسات مش مثل قبل واحسن يوم تكون عندج دكتورة و رب العالمين هو المسهل
الله يتمم حملج على خير…
أنا الحين أتابع الحمل في مستشفى النور عند الدكتوره علا مصريه ….ما شالله عليها وايد زينه …والولاده أنشأ الله أن ثبت حملي بربي في التوام …
انا اتعالج فالواحه حاليا لاني مرتاحه لهم
الحمل الاول نت فالواحه و ربيت بالواحه بعد صراحه اوكيه والحين افكر اني اربي فالواحه بس محتاره مادري اربي فتوام ولا الواحه المشكله البسيطه اهي انه فالواحه احس مايخيطون عدل بس يوم اسال ربيعاتي و خواتي يقولولي حتى فتوام و النور نفس الشي خياطتهم مب لين هناك ف الله اعلم
انا اول حمل لي وما عارفه وين اربي ابا اربي بالتوام علشان قريب من بيت اهلي والواحه بعيد
انتي شوفي شوالاخير لج
إذا كان أول بيبي
يفضل توام او الجيمي يعني حكومي
لانه صحيح الواحة زين بس اي ظرف صحي طارئ لا سمح الله للام او للبيبي
يحلونهم على الحكومي
أما إذا كان مب البيبي الاولي وخضتي تجربة الولادة وعارفة نفسج مع المتابعة
وصحتج وصحة البيبي والامور طيبة للطرفين ربي في الواحة
نحن امهاتنا الله يطول في عمارهن كانن يرب في الواحة لانه كان المعروف والمشهور في ذاك الوقت
واستخيري ربج وتوكلي على الله
وإختاري اللي يريحج
انا اول بيبي كنت في توام بس الصراحه بعد ما ربيت بساعه اقولها ابا اغسل ويهي و لا اشرب ما طاعت تسويلي شي معنا عاطينهن بخشيش و لا شي فايده و قوانينهم مب شي ,,,في حملي هذا سجلت في الواحه سويت التحاليل الاوليه عندهم و باقي مراجعاتي عند دكتوره برا بس شفت تعاملهن و اسلوبهن معايه زين و ختيه تمدح الواحه ما ادري بس كله حظوظ و الله يسهل للجميع
بصراحه الواحة قبل كان اوكي
بس احينه من عقب بطاقة ثقة صار زحمة ووايد يربن فيه
وماشاء الله عادي حرمتين يربن في غرفة وحدة وبينهن ستارة …. شي يقهر وما تحسين انج مرتاحة
وعن نفسي قبل ربيت في توام وكان اوكي لأن كانت وياي دكتورة احينه كلهن ممرضات وايربن في الحريم
ربن اكثر عن 5 حريم في توام وكلهن يشتكن منه
والحين انا اتابع في الجيمي وناوية اربي هناك … مدحولي اياه والله يعلم
وانا اقول كلها حظوظ وربكم يعييييييييين
والله يسهل علينا اجمعين