السلام عليكم ورحمه الله
ربي لك الحمد والشكر
ربي لك الحمد والشكر
حملت الحمدالله وتوني فالاسبوع الـ5
و وااايد اشيا احس فيها مادري هي طبيعيه ولا لا
ونسيت اتخبر دكتورتي
مثلاً صايره وااايد اروح الحمام من اشرب ماي على طول الحمام قبل ماكنت جذي،
و احس بعوار فضيع بركبي الثنتين تقولون حد محطي ثلج عليهن
و بعد ظهري كان حد متعلق فيه ههه بس اظن ها عادي
وبعد واااااايد احس بخمول و ابا اررقد
لكن ماحس بالوحام لاني قبل لا احمل وانا اتوحم ههه
وبعد بسافر مع ويلي ع شهر 5او 6
بيكون علي شهر 7 او 8
هل عادي اسافر ولا؟ وعادي مسافات طويله؟
مع اني بسوي احتياطات ان ما امشي وايد ومن هالامور
و قالواي لاتاكلين بحري وايد؟ اونه مب زين فالشهر. الاولى ؟ صج ولا لا
لاني وااايد احب البحري مب السمج لا ربيان نغر ومحار
وصايره هيززز ماروم احرك صبعي هههه ف يعني قولولي انا طبيعيه ولا ها دلع
ولا لازم اخذ شي
لان الدكتوره عطتني حبوب مال تثبيت وهو نفسه مانع تشوهه
لكن انا اخذ حبوب مكملات غذائيه فيتامينات منوعه
هل استمر عليها ولا اكتفي ب مال الدكتوره؟
واخيراً
انا من راك اراجع عند كرامه
لكن يقولون انها للعلاج ممتازه اما للحمل لا
لان مرت حميي فيها ولد و كرامه قالت بنت
مرت اخوي طلعت لها حبه تحت كرامه قالت تودني بماي وملح
لكن يوم راحت ل نورملا عطتها كريم وماعرف شو
ف خبروني يعني منو احسن وحده؟
وانا ابا اربي فالشارجه و بفتح بعد ف راك الخاص
لكن اخاف اربي فالطريج
فالي ربت برع راك وراحت خط تقولي كيف سوت ومتئ طلعت !
ادري حشرتكم وكل ها وانا توني اول شهر
بس مخي بينفجر وانا ادور الاجوبه
يعطيكم العافيه
هلأ اختي أولا مبرؤووووك ألف مبروك آللٌہ يثبته يُــ?رپَ? إٍنتي نفسي ??نـْا بعد توني فالأسبوع الخامس وكمن يوم آللٌہ سهل علينا وعن ألعوارض هذا شيء عادي وعن نفسي أخذ فوليك أسيد وعن الددكتوره أتمنى ألباجين يفيدونج لأن ماعرفها بس السفر أحس عادي وآنا بعد أن شاء آللٌه ناوئه أسافر عشهر 1 وان شاء آللٌه خير والسمووحه اختي
الف مبروك الحمل اختي وربي يثبته ان شاءالله
بخصوص ويع ظهرج وركبج اكيد نقص كالسيوم او فيتامين دال وهذا مهم تاخذينه في فترة الحمل ..
ثانيا دخول الحمام علامه من علامات الحمل وهذا شي طبيعي اختي ..
الله يسهل امرج ان شاءالله
حياتي ألف مبروك ع الحمل وكل الأعراض اللي ذكرتيها طبيعية وااستوت فيني وأحسن اشربي ماي عسب لايصير لج جفاف والتهابات بعيد الشر وتعوضي االسوائل. والعظام شيء طبيعي تعورج. والتزمي بالحبوب اللي تعطيج اياها الدكتورة. وكرامة أحيد ربيعاتي يمدحنها. وع طاري السفر إذا ماعندج أي مشكلة وسألتي الدكتورة اتوكلي على الله وحافظي ع الأذكار وأدكار حفظ الجنين ولاتتحركين وايد ولاتركبين الدري.
وعليكم السلام
الله يتمم لج على خير إن شاءالله
بنسبه للفيتامينات الاحسن تسألين الدكتوره لانه ممكن يكون فيه نسبه كبيره من فيتامين A وفيتامين E وهذا يضر البيبي ….بنسمه لدخول الحمام وايد لانه الرحم يضغط على المثانه بس بيقل مع تقدم الحمل …. وبنسبه للسفر سألي الدكتوره
الف مباااااارك عزيزتي طبيعي الاعراض الي تحسين فيها
بالنسبة للسفر لازم تكلمين الدكتورة لانها بشوف وضع البيبي وبتخبرك اذا الامور اوكيه
وان شاء الله معك كل عافيه
مشكورين ياحلوات
والحبوب معطتني فولك اسيد
و بتصل لها شكلي
و للكالسيوم عادي اشرب لبن اكتيفيا؟
ولا لازم حليب طازج؟
اشكركم خواتي
الله يفرحكم دنيا واخره يارب
.gif "12 (85)")
