الوسم: المندي

تتبيلة الدجاج:
21ملعقه قرفه مطحونه
21ملعقه هيل مطحون
بهار مشكل
فلفل اسود
كركم
3ملاعق عصير ليمون
2ملاعق زيت

الطريقه:
ننقع العيش 41 ساعة
نحط زيت في قر ونصب فيه البصل لين يستوي لونه ذهبي
عقب نشيل القدر من على النار ونضيف اعواد القرفه وحبات الهيل والقرنفل والطماط والملح
نقلبهم عدل عشان المقادير تتوزع ونضيف العيش ونقلب شوي شوي لين مايختلطون عدل
عقبها ناخذ صحن بايركس ونصب العيش فيه ونرص قرن الفلفل بعد ماقطعنامه بالطول ونصب عليه مرق او ماي مومشكله
ونغطي العيش عدل بقصدير
نسوي شقوق بالقصدير بالسكين

الحين الدجاج نضيف التتبيله كلها وندهن الدجاج عدل
نرصهم على القصدير اللي فيه الشقوق ونغطي بطبقه ثانيه من القصدير عدل
نحطه بالفرن (انا حطيته عل درجة 180)لمدة ساعة او ساعه وربع
عقبها لما نطلعه من الفرن نشيل القصدير اللي مغطي الدجاج عشان نحمرها من فوق
(واذا تبون نكهة الفحم كانه مطبوخ تحت التراب نسخن قطعة فحم صغيرة ونغمسها في فنجان فيه زيت ونحطها وسط العيش ونغطي بسرعة بالقصدير عشان النكهه تتم)

http://onfinite.com/libraries/385884/444.jpg
http://onfinite.com/libraries/385885/48e.jpg
http://onfinite.com/libraries/385886/39a.jpg
http://onfinite.com/libraries/385887/708.jpg
http://onfinite.com/libraries/385888/23b.jpg
http://onfinite.com/libraries/385889/aaf.jpg
http://onfinite.com/libraries/385890/2f2.jpg
http://onfinite.com/libraries/385891/73d.jpg
http://onfinite.com/libraries/385892/15c.jpg
http://onfinite.com/libraries/385893/385.jpg
http://onfinite.com/libraries/385895/321.jpg
http://onfinite.com/libraries/385894/c61.jpg

احب مندي واااااااااااااااااااااااااااااااايد….يوعتيني!!!! !!!!!!

انا طالبتنكن الي تعرف طريقة المندي بالدياي تخبرني دخيلكم ..

ريلي :1 (53): يحب هل الاكله و دوم انسير المطاعم .. خاطري اتعلمه و انا اسويه ..

و السموحه.. :22 (22):

عندي طريقة للمندي سهلة …

أولا قطعي لحم الدجاج قطع متوسطة ، وتغسلينه وتحطين عليه : كركم ، ملح ، عصير ليمون ، بهارات .. وتتركينه ع جنب …

يبي جدر ما يكون عميق ( تقدرين تسوينه في صينية الفرن ) وحطي الرز إلي تبين وغطيه بالماي ، لاتكثرين من الماي …

أضيفي له الملح ، القرفة ، أعواد القرنفل ، حبات من الهيل ، طماطة مقطعة ، وأهم شي الفلفل الخضر الحار حطيك من أربع غلى ست حبات بدون فتحها ، وشوية زيت ..

حطي ع العيش طبقتين من القصدير ، يعني غطي الجدر مرتين بالقصدير وبعدين يبي سكين وأثقبي القصدير وحطي الدجاج إلي تبلتيه ، وحطي فوق الدجاج بعد قصدير طبقتين بس لا تثقبينه هالمره ،

واحكمي إغلاق القصدير علشان لا يطلع البخار …

واتركيه لمدة ساعة ونصف بالفرن ، وعند النضج افتحي القصدير وخلي الدجاج يحمر من فوق شوي …

وحطي فيها رز(بسمتى ) على حسب الاشخااص

+ شوية زيت
+ ماء وفيه ماجي وشوي ملح

وبعدين صبي الماء ع الرز اللي في الصينيه

+ حبتين هااااال ..

بعدين غطي الصينيه بالقصدر مرتيين ونغزى القصدير بالسكييين ………..
بعدين حطي فوق القصدير الي نغزناه دجاجه متبله بملح وكركم ( والثووم حطيه داخل الجلد )

ولاتنسين بعد تحطين الخلطه دااخل الجلد علشان تتبل من الداخل

.. وحطي عليه فلفل حار وطماط وبصل ..

بعدين غطي الدجاج با القصدير مرتيين بس ماتنغزين القصدير

علشان نكتم البخار …

وخليه بالفرن ساعه ونصف ..

اول نص ساعة على درجة حرارة الفرن ثم خفضيها شوية………

×××××××××××××××××××××
وهذي طريقة الصلصة الي تي ويا المندي :

2 حبة طماطم
1 بصله
فنجانين خل ابيض
2 فلفل حااار

انا من كم يوم شفت في موقع برميل المندي والشوي شرات التنور متنقل حق البيت او الرحلات …
حد يعرف وين نحصله هني في الامارات .. انا لما سويت بحث بس لقيت في الدمام والبريكة مادري مناطق سعودية يبيعون ..

بغيت اعرف اذا حد عنده فكرة ونحصله هني؟؟؟

مشكورين

2 دجاجة مقطعه من النصف مع الاحتفاظ بالجلد
4 يصلات مقطعه شرائح
4 فصوص ثوم مقطع قطع صغيره
2 حبات جزر مبشور
قليل من الزيت
مكعبين ماجي
ماء
(البهارت الي بكتبها حسب الذوق الي تبا زياده..)
5حبات هيل
3 حبات قرنفل
4 اعواد جرفه
5حبات فلفل اسود حب
علبة صلصل صغيره
ليمون معصور ربع كاس تقريبا
وملح وشوية فلفل احمر

الطريقة:
اول شي اتحطين الزيت في الجدر ليما يسخن وعقبها اتحطين البصل والثوم واتحمسينه شوي يعني ليما يبيض مب اتخلينه احمر مهم
وبعدين البهاات واتحمسينهم ليما تتطلع ريحتهم وبعدين حطي فوقهم الجزر وحمسيه شوي معاهم وبعدين اتحطين الدجاج على الخلطه بدون ما اتجلبينه وتقصرين على النار وتغطين على الجد لين 7 دقايق تقريبا ليما تظهر مرقة الدجاج وبعدين اتحطين تقريبا 2 غرشة ماء كبير واتحطين مكعبين الماجي واتخلينه ليما ينضج الدجاج .

وبعد ما ينضج الدجاج اتطلعينه وتحتفضين بالماي لانا بنطبخ فيه العيش

تتريين ليما يبرد الدجاج شوي وبعدين اتحطين عليه الخلطة التالية
علبة صلصة طماطم صغيرة +ربع كاسة ليمون +ربع كاسة ما ء الدجاج +شوية فلفل احمر ورشة ملح حسب الحاجة وبالنسبة للخلطة لازم اتكون كثيفه مب سايلة وتقدرين تتحكمين في هالشي من خلال كمية عصير الليمون وماي الدجاج.
وبعد ما اتسوين الخلطة اتحطينها على الدجاج وتغطينه عدل بالخلطة وبعدين اتحطينه في صينية الفرن واتخلينة في الفرن بس ليما تنشف الخلطه على الدجاجويحمر شوي .
وبعد ما اطلعينه من الفرن اتحطينه في حرارة الاكل وتيبين ملة صغيره واتحطين فيها زيت نصها تقريبا وتحطين فحمة (ساخنة) في الزيت واتسكرين الحرارة بسرعة عشان الدخانة الشوي اتم في الدجاج.

طريقة العيش:

اتيبين 2 كاسين عيش وتنضفينه عدل واتخلينه تقريبا نصف ساعه في الماي قبل لا تطبخينه

اتيبين ماي الدجاج واتزيدين عليه شوية ماي (كأنج بتطبخين مجبوس) وتتأكدين من الملح واتحطين عليه العيش وتقصرين على النار وتغطين الجدر بقصدير واتغطين عله ليما يتشرب كل الماي ويستوي
اذا حسيتيان العيش الي فوق مب مستةي بعد ما نشف الماي عنه خليه مغطاي بالقصدير لين وقت التقديم
المهم بعد ما يستوي العيش نفس الشي يبي مله صفير زجاج واتحطين فيها زيت وفحمه (ساخنه) واتحطينه في نص العيش الي في الجدر واتغطين عليه بالقصدير لين وقت التقديم.

وقت التقديم اطلعين ملة الفحم من الجدر واتحطين العيش وفوقه
الدجاج.
وممكن اتقدمين معاهم صلصة عباره عن (قي الخلاط 2طاطم ناضجه+ ربع كاسة عصير ليمون + 1فلف اخضر واذا تبينها حاره اكثر اتزيدين +شوية ملح).

وهني وعافيه على قلوبكم

اختكم شمس الحياه