الوسم: المكياج

الصبح الوحده تنش من النوم وويها يكون مدهن او منطقة T- ZOONاللي هي الجبهه واللآنف

تكون مدهنه شوي بالذات اللي يستخدمون كريم الليل اللي قبل النوم

غسلي ويهج ب صابون اي بابونه انتي تتعاملين معاها انا استخدم صابونه بزلين يبيعوها في الصيدليات

هذي صابونه طبيه ولتفتيح وتصفية البشرة وراها لما تنشفي ويهج حطي كريم اولاي الكلاسيك الللي ما يدهن البشرة وايد حلو وريحته نفس ريحة كريمات الأطفال

بعدين استخدمي كريم البيس من ميكب فور ايفر اللي لونه وردي هذا حتى لو استخدمتيه بروحه روعه
يصفي البشرة وايد ويعطيها بيس جميل

استخدم كونسيلر خفيف شبه شفاف من ماك اللي اييج نفس القلوس بس كونسيلر طبعا هو مكتوب عليه موستر يعني مرطب وفي نفس الوقت كونسيلر

بعدين استخدمي بس بودرة انا استخدم بودرة ماك nc30 وايد روعه لجميع انواع اللبشرة

حاولي ما تستخدمين انواع ثقيلة وابتعدي عن الفوانديشن لأن ثقيل على البشرة الصبح
الصبح البشرة تحتاج تتنفس ما تقومي تصكي المسامات بمكياج ثقيل على جدام تتعب وترهق وتجعد بسرعه

بعدين ابدي بالعيون

بالنسبه لي انا استخدم الوان خفيفه بعطيكم اسماء اللي استخدمهم من ماك طبعا
HAUX SATIN هذا لونه ترابي روعه وبدون لمعه ولا شي يبن طبيعي
ILLEGAL CARGO هذا لونه بنفسجي على ترابي خفيف وناعم وفاتح روعه لونه جربوه
PRISMIQUE LUSTRE هذا بروني بلمعه فاتح ورائع

هذي الألوان وفيه غيرها وايد تحتارين شو تاخذين من ماك وحطيه لون واحد ولا اطلعيه لبرع وايد وعلى الجفن المتحرك بس

الحينه الاإضاءة اللي تحت الحاجب

بالنسبه للي ما تحف حواجبها.. فيه عندي لكم سر خطير يخليج اتحبين نفسج وتحسين انج حافه وتطلعين حلوة

عندي كنسيلر من فورايفر 52 رووووعه يكون كريمي ثقيل شوي
بالريشه المضغوطه خذي كميه بسيطه وحددي حواجبج على الشعر الخفيف اللي تحت وفوق الحاجب
حاولي انج ما تحطين على الشعر الغامج بس حطي على الخفيف وصدقيني حواجبج بيستوون جنهم محفوفييييييين عن تجربه
بعدين وزعيه وادمجيه بيدج

المهم الإضاءة تحت الحاجب استخدم من ماك هذا DAZZLELIGHT لونه لؤلؤي عجيب تحطيه عقب ما تحطي الكونسيلر اللي خبرتج عليه بيطلع WO0O0W

او تقدرين تستخدمين الاضاءة الصدفيه اسمها SHILL تكون كريميه من مالك وهذي تقدرين توزعينها على كامل الويه لو بتستخدمين فاونديشن تعطي لمعه خياليه حلوة حق الحفلات

وتدمجين ما بين الإضاءة والشدو اللي على الجفن المتحرك بالريشه الخاصة

عقبها حطي جحال الاسود من برع بس وعلى حد الرموش اللي تحت ومن داخل العين حطي اي لون يعيبج سماوي ولا اخضر ولا بنفسجي عسب تبرزين عيونج بلوك اوربي رائع

الماسكرا انا استخدم ديور وهذا اسمها DIORSHOW – BLACK OUT

بعدين البلشر استخدم من ميبليين كريميه تكون مووس روووووووووعه لونها عجيب تستوي خدودج جنها فراوله

بعدين الروج احط مرطب لابيلووو الفراوله او الكرز بروووووووحه عشان تبين شفايفي طبيعيه مع تحديد بلون وردي فاتح وادمجهم مع بعض

خلصنا من مكياج الصبح الخفيف لا تنسين كوني طبيعيه الصبح ولا تحطين طبقات ترهقين بشرتج

الحينه مكياج العزايم……….

اذا عندج عزيمه في بيتج او في بيت ربيعتج او حد من اهلج اتفنني وابرزي جمالج عشان تبهريهم وتغرين ريلج فا يعني تضربين عصفورين بحجر

اول شي غسلي ويهج وبعدها حطي كريم اولاي اللي خبرتج عنه اللي هو الكلاسيك لجميع انواع البشرة

بعدين حطي البيس اللي بعد خبرتج عنه

بعدين ابدي بالفاونديشن اللي هو مال ماك اللي يناسب جميع انواع البشره غرشته اتييج جنها دوا غطاه اسود بتلقيه في ماك موجود هذا رووووووعه يخلي بشرتج بلاطه من طبقة وحده بس بعدين حطي الكونسيلر انا استخدم مال فورايفر 52 اللي خبرتج عنه هو اييج 5 درجات في علبه وحده احطه على الجفن وتحت العين وتحت الحواجب كا تحديد ينفع حتى اللي تبى تسوي حواجب الجاينييز ااذا حواجبج خفاف من ورى يعني تقدرين تخفيين الشعر الخفيف بالدرجة اللي تناسبج

بعدين وزعي الإظاءة الصدفيه اللي خبرتج عنها بصبعج بس على كامل الويه

بعد يوووووولة الكنوسيلر وزعي البودرة المضغوطة بالفرشاة بس,,, على كامل الويه وتحت العين

قبل لا تبدين في وضع الشادو حطي بودرة سائبه تحت العيون عسب يوم يتنثر الشادو ترومين تمسحيه بالريشه

الحينه الشادو انا دوم للعزايم استخدم المخملي روعه ويعطي لوك خطير
الآي لاينر استخدم لانكوم اللي انقرض من الآسواق الحينه ما اعرف ليش بس روعه في الرسم هذا
او تقدرين تستخدمين الكيك مال ميكب فور ايفر وايد حلو
للعزايم اوقات احطي رموش تركيب اللي اتييج اخف نوع بحيث ما يبين انج مركبه بس تكثف الرموش وتعطي وسع للعين

استخدم عدسات توتي السيركل المحدده الرماديه روعه وتخلي عيونج ذباحه

الروج استخدم الون خفيه وهذي اسمائها من ماك
HUG ME لونها وردي طبيعي خطبببببر
BRAVE لونها لحمي طبيعي
JUBILEE ترابي فاتح روعه
M-LS12 FOREVER52 برتقالي فاااااتح
LUSTERING لونها احمر اللي ايي شفاف رائع حق الليالي الحمرا
SKEW بطيخي لمعه ورديه لونه يجنن

عندي بعد بس الونهم غامجه تصلح حق عروس

مكياج العروس والمناسبات استخدم كله كيرولان والشادو المائي عشان في القاعات المكياج ما يبين لا اذا كان ثقيل

مكياج الليالي الحمرا والرومانسيه ما احط غير بودرة اللي خبرتكم عنها مالة ماك وبلشر خفيف
وروج فوشي او احمر او عنابي او رماني من هالالوان اللي تخبل الريال
وعيوني ارسمها بالايلاين وشوية ماسكرا وبس

اتمنى اكون افدتكم لو بالقليل اتريا ردود حلوة نفسكم حبيباتي واللي تبا تحط طريقتها وشو تستخدم حياها الله