شحالكم خواتي ..اريد تفيدوني بمعلوماتكم وتجاربكم ولي عده لاتبخل عليه انا من زمان اعاني من صداع شديد بس يجيني بين فترة وفترة وخصوصا اذا سرت بالسيارة مكان بعيد وما يخوز عني الا بعد ما اشرب بنادول الاحمر ..سويت رنين مغناطيسي وخبروني ان في دسك في العصب السادس والسابع سبحان الله رغم اني مو كبيرة بالعمر والحمدلله على كل حال وقبل ايام سرت دكتور في الشارجة شاطر وطلب اسوي تحليل للدم ولفيتامين d وبعد ما طلعت النتيجة كانت الصدمة لي ولريلي طلع عندي فيتامين d قليل جدا حتى نتيجة المختبر كاتبنه بلون احمر .الدكتور تفاجأ وخبرني لازم اتعرض للشمس وكتبلي حبوب وايد(فيتامينات)تلوع الجبد …
وسؤالي حد منكم يعرف نوعية الاكل الي فيه فيتامين d.ومشكورين حبايبي
شوفي في النت وبيطلعلج
اختي عليج بسمك السلمون
الله يشفيج ويشفي المسلمين و المسلمات
الله يشفيج،،
كلنا فينا نقص في هذا الفيتامين !! كبار و صغار شي عادي حاله حال الزجام و الكحه
يقولج اذا ما عالجتي منه ييب لج السكري بعيد الشر
انا ريلي دايما يخليني أتعرض للشمس و غصب عني بعد
الحمدلله ع كل حال و ربج كريم
حاولي تكثرين من المأكولات البحرية. و الأهم من هذا تعرضي للشمس اي وقت بين 9الصبح لين 2 الظهر جسمج راح يستفيد من أشعة الشمس
هالمرض وايد منتشر حاليا لاناا صرنا ما نطلع في الشمس
انتظمي على الدواء. والله يشفيج ويعافييج
سبحان الله نفس اعراض الوالده
لازم تشربين يوميا الحليب وتكثرين من التمر ودوري بالنت المأكولات الغنيه وماعليج الا العافيه