الوسم: المعاناة

المطبخ المشترك والمعاناة ؟؟

معاناة ,,

ابي اطبخ لزوجي .. وعمتي ماترضى ابي احس اني مزوجة ,,واقارب زوجي يكلمون عليي ماتطبخ ,,ماتعرف تطبخ والله كلام يجرح كيف أتعلم الطبخ وأنا ماقدر أسوي شيء بس خواته يطبخون فيه وأني أطمش عليهم والله احساس قهر ,
عمتي طيبة واااااااااااااااجد بس الطبخ هو الشغلة الي تسلى فيها ..اقول ليها ياعمة اساعدج تبي شي كله لا !!
والله ودي زوجي ياكل من طبخ أيدي ماتوقع وحتى أولادي ,,بس الظاهر ماكو أمل !
تصدقون زوجي يمكن مرة أكل من ايدي بالغلط بعد ,,
والله أحساس حلو لما الزوج ياكل من ايد زوجته مو أمه شتغير أجل ,,
ماحس اني مزوجة وهو مابيحس أكييد ,والمشكلة ماكو أمل أطلع شقة لحالي لانه وحيد أمه وخواته !

شسوي تعبت ماكو حل !!!!!!!!!!!

انزين مثلا قوليلها عمتيه بااجر بذوقكم طبااخي والعشى علي وسويه انتي..

او حتى لو العصر تدخلين المطبخ وتسوين حلوياات الكل يستانس عليها..

او مثلا تقولين لها عمتيه اليوم انتي ارتاحي من طباخ العشى وخليه علي..

او مثلا ادخلي المطبخ وسوي شي زيادة وياها مثلا شوربه او نوع من انواع السلطات..

وفالأخير اذا ما فاد شي دخلي وياها وافرضي عمرج غصب هههههههه يعني احشري نفسج هع

هذا اللي عندي وبما انها طيبه وحبوبه والسالفة بس طباااخ يالغلا احمدي ربج انها يت على جي وارضي بالوقع

شكراااااا

اطلبي يسوي لج ملحق ومعاه مطبخ او مثل ما قالت بسكوته111 احشري نفسج في المطبخ واكيد عمتج بتسكت وما بتقول شي


بسم الله الرحمن الرحيم

اصبري وباجر بنحصل قسم الطبخ ممزوور من طبييخج

وعسى أن تكرهوا شيئا وهو خير لكم المولى لج حافظ

الشغلة بسيييطة
دشي المطبخ واطبخي حق ريلج
ما اظن انه ممنوووع
ولا تسئلينهم ولا شي

حطى لج مطبخ صغطوط حقج وماعليج منهم

و اخيرا بعد المعاناة فاختيار شنطة LV و بمساعدتكم و آرائكم استقريت على شنطة

السلام عليكم ورحمة الله و بركاته ..

اشحالكن خواتي ان شاء الله اموركن تمام فديتكم

اكيد تذكرون الموضوع اللي نزلته من كمن شهر و حطيت فيه صور شنط لويس فيتون و طلبت رايكم فاحلى و احسن شنطة..

سامحوني اتأخرت على الرد عليكم لاني كنت مسافرة بس الصراحة ما قصرتو حبيباتي و عطيتوني رايكم اللي فادني واايد و ساعدني اقرر اختار الشنطة اللي ما بندم عليها و ان شاء الله بتم وياي فترة طويلة ..

باااااااااااااااااااااركولي الشنطة اللي اخترتها هي اللي حصلت معظم تصويتكم و الردود كانت مشجعة وايد اني اخذها

Louis Vuitton Artsy

ضفت عليها اكسسوارة حلوة علشان تكون بنوتية اكثر هههههههههه

ادعولي حبيباتي البسها على خير .. و بوووووووووسة لكل عضوة ردت علي و ابدت رايها

للرفع

ماظني هاي الي رشحتها ^_^

لكن بعد حلوة ^_^ تتهنين فيها حبيبتي ..

الميدالية وايد حلوه … اذكر لما خذت شنطتي كنت محتارة بينها وبين السكارف …

بس في النهاية خذت السكارف

مبروك عليج ..

تتهنيييييييييينفيها حبيبتي ^__^

وانا بعد وايد حبيبتها

من وين خذتيها غناتي ؟ وعلى كم ؟

تتهنين فيهآ يآرب

عليج بألف عافيه انا خذتهاا بصراحه حلوه ف الشل
بس تتوصخ عند المسكه مااقدر اكرفهاا واايد
والميداليه تجننن في الطبيعه بس انا ركبتها مع شنطه ثانيه

المعاناة بالقصر

شحالكمــ بنات ..
عساكمـ بخير ..
انا واأإأإأإأإأإأإأإأإأإأإيــد اعانــي من قصـــر ..
اذا في وحدة منكمــ ..
يالغوالي ..
عندها اي شي ..
تمارين..اكلهــ..الخ ..
بس لا تبخلون علي خواتي ..
خبروني اي شي ..
يطول الجســم ..

و سلامتكــم يالغوالي …

ابــي شي يطولني

هلا اختي
حاولي دايما تتعلقين بشئ
وكثري من شرب الحليب
والله يوفقج

مشكورة اختي
عالمعلومة
فدتني المعلومة

أختي , الطول والقصر من عند الله, بس أختي إذا بعدج أقل من 18 سنة روحي للدكتور مرات يكون قصر القامة بسبب نقص أو إنعدام هرمون النمو أو الهرمونات الأخرى, ساعتها يعطو علاج هرموني على حسب الحالة, في بعد العلاج بالعمليات لتطويل عظام الساق, وأنا شخصياً ما فضلها لأنها لها مشاكل كثيرة, أسمحيني إذا ما فدتج وايد. ربي يرزقج ما تتمني .

المعاناة من داء محاولة إرضاء الآخرين

خواتي هذا مقال قريته وعجبني جدا وأتمنى انه يعجبكم وتستفيدون منه

الأشخاص اللطفاء غالباً ما يفعلون الأشياء التي يتوقعها الآخرون منهم ويحاولون إرضاء متطلباتهم دون أن يؤذوا مشاعرهم. ودون أن يفقدوا أعصابهم وعندما يهاجمهم الآخرون بغير تعقل يحافظون على لطفهم وهدوئهم. غير أن هؤلاء الأشخاص اللطفاء كلّما أمعنوا في التصرف بهذه النوايا الحسنة ومساعدة الآخرين وتحدثوا وتصرفوا بكل هذا المستوى الرائع من اللباقة ينتابهم شعور بعد ذلك بالإرهاق والإحباط وعدم الثقة بالنفس إن هذه السلوكيات التي يسلكها الأشخاص اللطفاء بنية حسنة وبطريقة معتادة لديهم تؤثر بطريقة عكسية على علاقاتهم، وتنتزع البهجة من حياتهم ويوماً بعد يوم تعترض هذه السلوكيات طريقنا تصيبنا بالجنون وتسرق وقتاً وطاقة ثمينتين هما أثمن ما نملك. للتخلص من هذه السلوكيات السلبية، ينصح الكاتب باستخدام الأساليب التالية: وهي جديرة بالاهتمام لأننا بقليل من التفكير والجهد نستطيع التغلب على تلك المشكلة.

1 ــ أن نحرر أنفسنا من الالتزام بما يتوقعه الآخرون منا مما لسنا مقتنعين به

2 ــ أن نقول: لا عند الضرورة.. وأن نقي أنفسنا من تحمُّل ما لا تطيق

3 ــ أن نخبر الآخرين بما نريده منهم.. وأن نتلقاه فعلاً

4 ــ أن نعبر عن غضبنا بطريقة تداوي.. وتصون علاقتنا

5 ــ أن نستجيب بصورة فعالة حين يهاجمنا الناس أو ينتقدوننا بلا تعقل

6 ــ أن نخبر أصدقاءنا بالحقيقة حينما يخذلوننا

7 ــ أن نهتم بالآخرين دون تحمل عبء محاولة إدارة حياتهم

8 ــ أن نساعد أصدقاءنا وأحباءنا الذين يميلون لتدمير أنفسهم على أن يستعيدوا صحتهم النفسية

9 ــ أن نشعر بأهليتنا.. ونفعنا عند مواجهة الألم والحزن

ومن المعلوم أن النساء تعاني ضغوطاً اجتماعية أكبر مما يعانيه الرجال كي يكن لطيفات.. وأن معظم الناس يعتقدون أن الرجال لا يملكون المستوى نفسه من لطف النساء..ولكن سواء كنت رجلاً لطيفاً أو امرأة لطيفة فمن المحتمل أنّك تكرر الوقوع في هذه الأخطاء التسعة مما يلحق بك الضرر.

يعطييج العافيه عجبني المقاااال

سلمتي على هالمقال

وان شاء الله في ميزان حسناتج

مهما سوينا الغاليه مهما كافحنا (ارضاء الناس غاية لاا تدرك )

مشكورة علي النقل حبوبة

قال رسول الله صلى الله عليه وسلم " من طلب رضا الناس بسخط الله سخط الله عليه وأسخط علية الناس ومن طلب رضى الله رضى الله عنه وأرضى عنه الناس ..

الوحدة منا ترضي رب العالميـــن أولا وآخرا

لإن رضى الناس غاية لا تدرك

واللي بتتبع الحديث

بإذن الله ما بتخيب ^^

يزاج الله خير

مشكورات خواتي لردودكن واثرائكن للموضوع

نقل مميز حبيبتي يعطيك العافيه

;;;كل وحدة فيكن وت الانتراليزك او الليزك تقولنا شو المعاناة الي عانتها

هلا خواتي انا وحدة من البنات الي ما يشوفون عدل واريد اسوي عملة الانترا ليزك او الليزك بس خايفة من الي اسمعه فالله يخليكم كل وحدة سوتها تقولنا شو المعاناة الي حست فيها بعدين شو حست من بعد العملة وسلامتكم اجو منكم التويح لنا

اختي انا سويتها من فتره و هذا موضوعي
http://www.uaewomen.net/showthread.php?t=52185

اما عن المعاناة, الحمدلله ماشي, بس اول الأيام اللي رديت اسوق فيها كنت احس انه بالليل مب وايد واضح بس اسبوع او اسبوعين بالكثير.. و الحمدلله الحين مافيني شي.. اخوي بعد سواها عقبي بشهرين, و الحمدلله ما يشكي من شي

هلا اختيه انا صار لي تقريبا شهر من ما سويت العمليه …. سويتها في المستشفى الايراني في دبي والله الحمد الله كل شي اوكي وبخصوص المعانه هي بس اول يوم يعني يعيونج بتكون شوي متورمه …فيها حرقه وتدمع بس الدكتور راح يعطيج قطره لمده اسبوع او اسبوعين وبيتخفف عليج شوي …. وبثاني يوم عادي حياتج طبيعيه ..انا تم معاي جرح بسييييييييييييييييييييييييييييط في عيوني م ااحس فيه ابدا بس يبين عيوني محمده …اسبوع وخاز عاني .بس انت حاولي انج ما تتعرضين ضوء القوي …انا بصراحه تميت اسبوع لااشوف تلفزيون ولا الكمبيوتر ولو بغيت اظهر من البيت اكيد بالنظارة الشمسية …..ولازم اول كم يوم بعد العمليه ما تعرضين عيونج للماي … انا الحمد الله سويتها وانا علي الدورة ههههههههههههه بس الحمد الله كل شي اوكي …هيه نسيت اخبرج …ان عيونج بتحسين انها ناشفه هذا عادي الدكتور بيكتب لج قطره لترطيب العين ….هذي هي قصتي مع عمليه الليزك اتمنى اني اكون افتدج …والله يوفقج ويعطيج العافيه

انا سويتها من شهرين في المركز البريطاني في الجميرا …. اول يوم العملية حسيت بحرقة قوية بس استعملت قطرة المخدر وثاني يوم خاز الالم … وبتحسين جفاف بالعين بس عادي استعملي قطرة الدموع الاصطناعية للترطيب

موفقة الغالية

أنا مسوية الليزك من سنتين الحين في مركز رؤية دبي للعيون والحمدالله كل شي تمام بس أول شهر كانت في عيوني بقعة صغيره حمره واختفت بعدين وطبعا العملية ماتخوف ولابعورج شي كلها ربع ساعه وبعدين بيعطونج قطرات للعين عشان ماتجف وايد…وهذي مواضيع بعض الخوات إن شاء الله تفيدج وطمنينا عليج أختي

ساعدوني عمليه الليزك منو سواها؟؟

سؤال عن عملية الليزك؟

الانتراليزك .. من تجربتي الشخصية

عمليه الليزك……وين اسويها؟؟؟؟؟؟

انا سويتها من سنه ونفس ملاحظات الاخوات التعب بس اول يومين بسسسسسس

بس للحين احس بالليل مب وايد واضح

سويت فحص نظر طلع نقص نص درجه بادى العينين وهالشي يعتبر نتيجة ممتازه بعد الليزك

واحيانا احس جفاف بالعيون للحين

بس نتيجه رائعه بعد النظاره والعدسات

للعلم كان عندي نقص درجتين ونص

مشكورات حبيباتي على الافادة بس الدكتور شو يستخدم لاجراء العملية المشرط ولا شو

المعاناة مع شيلتي؟

مرحبا بنات كيفكون

انا مشكلتي مشكلة فاللي تقدر تساعدني بحل تخبرني

كل ما افضل شيلة تلقط غباااااااااااااااااااااااااار

مرات اخجل يوم اكون طالعه و اشوف الغبار في عباتي و شيلتي بس الشيلة اكثر

استخدمت اللزق اللي يلقط الغبار مافي فايدة

و كل انواع شيلي (دجى الليل)؟؟

^_^ في حد بيساعدني

سبحان الله و بحمده
سبحان الله العظيم

للرفع

ممم جيف جي امممم غيري نوعية الشيلهـ وبس افتكي من هالنوعيه خدي غيرها وعيشي حياتج بدال لزق وووو..^-^

غيري خامة الشيله

اختي يمكن الشيله فيها كهربا

فالجمعية او كارفور يبيعون بخاخ اسمه فضفاض
لونه ابيض وغطاته زرقا

بتحصلينه عدال البخاخات اللي تستخدم للكوي

رشيه على شيلتج وعباتج

وان شاء الله بتفتكين من المشكله

انا كنت مثلج بس من استخدمته الحمدالله افتكيت

اممممممممم

اذا حصلت صورته بحطها

ان شاء الله اكون افدتج

والسموحه

نسيت اقولج انه ما فيه لا لون ولا ريحه

باركولي ربيت بس بعد معاناة والمعاناة مستمرة ؟؟ ساعدوووني

مرحبا بنات .. بالنسبة لقصة ولادتي .. بعدين بتفيج اكتبها بالتفصيل .. بس وايد تعبت.. من الساعة 6 الصبح .. لين بالباجر الساعة 2:17 بالليل .. ربيت بالسلامة..ويبت سلطان ربي يحفظه .. بس طبعا البواسير طلعت .. والخياطة وايد عذبتيني والتهبت .. وامسات رحت العيادة وفتحتها (الجزء الخارجي).. المهم بنات بغيت اسئلكم منو عانى من اكتئاب مابعد الولادة .. انا وايد متضايجة وطول الوقت اصييح .. وريلي مسافر ..وقعدت في بيت امي 15 يوم .. ورديت بيت ريلي .. واهل ريلي مسافرين وحميتي بس عندي .. بس والله ماقادرة اتحمل كله متضايقةوارقاد ماشي واكل ما اشتهي .. تعبت .. ابغي شوركم شو اسوي .. وولدي لما ارضعه مرات يقعد يصيح وهو يرضع شو اعطيه .. يمدحون اليانسون ؟؟ اجرب اعطيه ولا في شي ثاني ؟؟ وشو عن ماي غريب اوكي حق البيبي ؟؟

اول شي مبرووووك اختي على ما ياج وحمد لله على سلامتج اليانسون اوكي حق البيبي بس بكميه صغيره مب وايد مقدار ملعقه بس وتقدرين تعطيه شاي حق الغازات يبيعونه بكل مكان حق الاطفال من الولاده في عده انواع

زيغتيني ما اعرف

الله يعينج والله

الحمدالله ع السلامه

دوم استغفري وانشالله ربج بيسرها ودوم حطي في بالج النعمه اللي انتي فيها واللي يتمنونها ناس وايدين فبيهون عليج كل شي عشان خاطر سلطان

مبرووووووووووك … والحمد لله على السلامة ويتربى في عزج وعز ابوه …
حبوبة ليش ما تيلسين بيت اهلج لين ما يرد ريلج من السفر وترى مب زين تزعلين و تفكرين وايد استغفري ربج دايما ولازم تتغذين عسب البيبي يتغذى ويشبع و يكبر ….

الله يعينج حبوبه وكثري من الاستغفار… واحسن لج انج تيلسين فبيت هلج …

نحن و الايلس والمعاناة!!!

السلام عليكم ورحمة الله وبركاته..

انا عندي مشكلة الايلس …انا ثاني سنة في جامعة الامارات وللحين ماخلصت الانجليزي مع اني شاطرة فيه؟؟
طبعا جامعتنا مشاء الله مب مقصرة لازم في كل كلاس حد يرسب و59 يكوون يعني مفهوومة السالفة&&

اول كوورس اعترف كنت اللعب ومادرست زين..ورسبت يبت 57 فيه وثاني كورس عدته ونجحت بعد طلعت الرووح^^
ييينا حق هالسنة اول كورس يابو لنا وحدة تدرسنا اعوذ بالله!!!!! اول شهر كله تحكي قصة حياتها ومغامراتهاا وفوق هذا لسانها طويل ووصخ وتسبنا ؟؟؟على الفاظي ولاتعرف تشرح ولاتعرف تدرس نفس الاوااااادم؟؟ وقلت يعني بيتكرر كالمعتاد بنتم ندح عندها واخر شي بنرسب لين حرمنت عندها وسرت خذت دورة ايلس…كنت اطلع العصر من السكن ادرس لمدة اسبوعييين؟؟ والصراحة بعد كان اللي يدرسنا حتا الكلمات مايعرف ينطقهم زين؟؟؟؟ما استفدت منه غير الاورااق وقدمت ع الايلس يبت 4 قلت ماعليه ان شاء الله هذي اول مرة وشديت حيلي تميت ادرس من النت والخ وقدمت مرة 2 ويبت بعد 4 انصدمت صراحة ..تخيلوو قالو لي يبتي 5 اللي توزع الدرجاات مادري شفيهاا قرت مال السبيكنق اني يايبة 5 وقالت لي يايبة 5 وفرحت فرح حتا صحت من كثر الفرحة وبعد ساعة ردت اتصلت قالت اسفة غللطت انتي يايبة 4^^ طبعا احبطت وقلت ماعللييييييه..وبدا الكورس الثاني وانا ادرس انجليزي وفي نفس الوقت ايلس وقدمت وغيرت المكان امتحنت في تقنية العين ويبت 4ونص ..ما احبطت هالمرة قلت ماعليه ان شاء الله المرة الياية 5 وفعلا سجلت مرة ثانية وقبل اسبووع طلعت النتيجة ويبت 4ونص؟.. ياني احباط لكن قلت الحمدالله ع كل حال..وانا حاسبة حسابي ومسجلة تاريخ 7 من شهر 7 يعني البارحة وامتحنت والحمدالله واليوووم بسير امتحن السبيكنق؟؟؟؟ ابوي تعب كثر يشلني ويردني وانا تعبت بعد….احاول استغفر قد ماروم واصلي قيام الليل واقرا سورة البقرة…. انا لازم اييب 5 ولا بتوقف الكورس الياي لين ايييييبه اخاف ع طموحاتي واحلامي تخترب بسبت هالايلس اللي ملعوز الكل مب بس انا؟؟؟؟؟؟ مستحيل محد منكم مايعرف حد متلعوز شراتي…لكن الله كريم… الاجانب لاعبين ف دولتنا لعب ..الانجليزي عندنا ان شاء الله بيتقدم لو مخليينا ندرس مع الانجليزي مواد ثانية…نبا ندرس ونبا نتخرج مانبا نعفن فالجامعة 7 سنين!!!!!!!!!!!!!!!!!!!!!!!!!!!!!

حسبي الله ونعم الوكيل..والحمدالله ع كل حال..

ادعولي هالمرة 5 ايييب….

حبيت افضفض بس^^

الله يوفقج يارب ويسهل امورج
وان شاء الله اتيبين 5 يارب
وعقبال ما تخرجين يارب
ربي يوفقج

أنا أريد أكمل التقنية ولأزم أييب خمسه في كل فرع مب خمسه المجموع الكلي تخيلي أنا يائبه خمسه النهائي لكن الريدنج أربعه

الله يوفقج يارب وسهل مسيرتج العلمية ان شا الله اتييبين 5 يارب

ان شاء الله..منورين

بنت الهير والله يختي متلعوزين ادريبهم بعد مال التقنية جي وجامعتنا بطبق هالقرار السنة الياية!!!

الظاهر مايبون حد يدرس مايبون مواطنين يدرسون هالاجانب.!!!!وينفعون البلاد

صراحة لازم حد يشووف لنا حل ويا هالايلس..صدق صدق تعبنا وعيزنا…

الله كريم

وصراحة الريدنق وايد صعب انا بعد اييييييب فيه 4 لاحول ولاقوة اللى بالله لو يزيدون لنا الوقت زين بعد..لكن منو بترمس

الله يوفقج ويعينج الغلااا
ان شاءالله تيبين 5 وفوق