الوسم: المدرسات

تخصص تربيه المدرسات والطالبات يدخلون

السلام عليكم.. شحالكن خواتي..

والله ييت افضفض.. هنيه.. من كثر مادار راسي وتعبت.. انا ابا ادرس وابا اتخصص تربيه ..

بس .. والله .. ماادري وين اسير .. انا خريجه سنه 2024 وعندي شهاده جامعيه بس

انا ابا ادرس تربيه .. عسب اتوظف .. في التربيه .. وانا معرسه وعندي يهاال .. فمااا ابا

ادخل تخصص صعب .. او دوامه وايد طويل ..و ماافيني على مجابل الكتب 24 ساعه وخصوصا ان عيالي يدرسون ..

واكيد يبوني ادرسهم .. مب عارفه وين اسير .. وانجليزيتي مب ليما هناك .. ومااريد ادخل تخصص

واقعد سنين .. ومنين فيه ..

فكرت بكليه التطوير التربوي … ومااظن يقبلوني .. وسمعت ان الدراسه واايد صعبه عندهم ..

وغير ان دوامهم وايد طويل .. بعض البنات يردون العصر .. وانا مااينفع معااي جيه ..

فكرت بتخصص تربيه لغه عربيه ودراسات اسالاميه بجامعه الحصن وهي جامعه خااصه ..

وتخصصها 4 سنين .. وبالعربي .. ودوامها مب طويل .. بس فيه نااس خوفوني.. وقالولي

بعد 4 او 5 سنين .. بيشيلون الدين والعربي .. او بيخففونه.. وانا خفت .. ادخل هالتخصص ..

وبجامعه خاصه والدراسه مكلفه .. وبالنهاايه مااتوظف .. واقعد بالبيت .. يالله .. محتاااره ..

ابا اتوظف في مدرسه .. عسب مافي اختلاط .. ودوامها معقول .. وويوم عيالي يااجزون انا بعد

اخذ اجاازه .. انتو شو رايكم .. شو ادرس.. وانا سمعت .. عن بعضهم متو ظفات .. في المداارس

تكون في الادراه .. مراسله او شي جيه .. بس مااعرف كم يكون الراتب..

وياليت .. حد يرد علي ..

الله يعينج الغاليه و يرزقج
لا اله الا الله الاحد وحده لا شريك له
له الحمد و له الملك و هو على كل شيْ قدير

اذا ع العربي والدين

سيري ادرسي ف يكلية الدراسات الاسلامية في دبي بلاش والدجوام مب طويل والدراسة حلوة بس يحتاي تشدين حيلج

بس الوظايف بالنسبة للشريعة شبه معدومع لان واااايد خريجات من هالتخصص وانا وحدة منهم صار لي 7 سنين وليومج ما توظفت مع اني امتياز

بس العربي يمكن تلقين وظيفة

والله يوفقج

المشاركة الأصلية كتبت بواسطة little nooni
الله يعينج الغاليه و يرزقج
لا اله الا الله الاحد وحده لا شريك له
له الحمد و له الملك و هو على كل شيْ قدير

امين يارب العالمين .. ومشكوره على هالطله الحلوه..

المشاركة الأصلية كتبت بواسطة عالية الغالية
اذا ع العربي والدين

سيري ادرسي ف يكلية الدراسات الاسلامية في دبي بلاش والدجوام مب طويل والدراسة حلوة بس يحتاي تشدين حيلج

بس الوظايف بالنسبة للشريعة شبه معدومع لان واااايد خريجات من هالتخصص وانا وحدة منهم صار لي 7 سنين وليومج ما توظفت مع اني امتياز

بس العربي يمكن تلقين وظيفة

والله يوفقج

هلا .. فديتج.. صعبه اسير دبي .؟. وايد بعيده .. و 3 ساعات رايحه راده .. صعبه علي ..

وغير ان ماافي مواصلات ..

والتخصص اللي حاطه عيني عليه .. لغه عربيه ودراسات اسلاميه .. يمكن يستوي ادرس هالماادتين

بس .. والله ضاق صدري .. يوم قالولي.. انه بعد 4 او 5 سنين .. يشيلونهم او يخففونهم ..

يعني دراستي بتكون على الفااضي .. غير الخساير ..

مشكوره على المرور فديتج .. الله يرزقج .. على قد نيتج..

للرفع..

اللي تعرف لاتبخل .. الله يجزاها الجنه ان شااءلله .. يارب

اشتغلي مشرفة او امينة مكتبة او امينة مخزن او امينة سر مايبالهم دراسة سنين

تجمع المدرسات و خاصة الجدد

السلام عليكم و رحمة الله و بركاته
شحالكم الغاليات إن شاء الله بخير

أنا متعينه يديد هالسنة و حطوني في مدرسة انا ما أباها أنا كنت أبا ثانوية أو إعدادية لني أدربت في الثانوية بس الحمدلله على كل حال إني اتعينت و غيري مب لاقي شغل

بس أبا أفضفض لكم شوي أحس عمري ضايعة
جبدي لايعة من الدوام و من نشت الصبح أقول اول مرتاحة أرقد لين ما أبى و الحين لازم أنش 7
و اللي زادني أكثر الشراكة و طلباتهم و صدقون إني ما أقدر أرقد في الليل أحس بضيج و أقول حق ريلي باستقيل قال لي ترا على الأقل لين ما ينزل المعاش خخخخخخخخخ و كل ما أسئل ربيعاتي يقولن لي نحس باللي تحسينه و أكثر ما نرقد إلا و دموعنا على خدنا والله لا تتحروني أبالغ بس صدق ما أدري ليش
ريلي يقولي يمكن الخوف من المجهول و لنج توج متعينة
المتعينات يديد تحسن باللي احس به؟؟؟؟؟؟؟؟؟؟؟؟؟؟؟
و المعلمات الباقيات نصحني و ياريت تخففون عني والله أحس بضيج
اللي ما بتعلق ياليت تحط لي دعوة حلوة تخفف عني

wallah I don’t know what I have 2 say, but insallah u will be fine don’t worry dear
(EVRYTHING WILL BE OKAY)

المشاركة الأصلية كتبت بواسطة MaRaAaM
wallah I don’t know what I have 2 say, but insallah u will be fine don’t worry dear
(EVRYTHING WILL BE OKAY)

مشكورة الغالية على مرورج الحلو و يزاج الله خير

المشاركة الأصلية كتبت بواسطة دلوعةحمادي
مشكورة الغالية على مرورج الحلو و يزاج الله خير

@@@@@@@@@@@@@@@@@@@@@@@@@@@@

u r more than welcome dear ^^

الله يعينج يا أختي ..
تراه شعور البداية .. بس وعقب بتتعودين ع الشغل وبيصير عندج شي روتيني ..

أهم شي تحبين اللي تسوينه عسب تنجحين فيه ..

وبعد لازم تحطين لج خطة أو تصوّر للي بتسوينه عسب ترتاحين وما تحسين مثل ما يقول ريلج أنج مواجهة المجهول ..
وما في مانع تسألين زميلاتج أو مسؤولتج عن طبيعة الشغل اللي تطلبّه هاي المرحلة

وهذي فترة وبتعدي وكل المدرسات اليدد مروا بها

الغالية بنصحج .. بنصيحة وأتمنى تلازمينها

كل يوم الصبح من تنشين أقري أذكار الصباح .. وفي المسا .. أذكار المساء
وبتحسين براحة كبيرة ..
والله بيسر لج أمورج وبيوفقج

الله يوفقج.. إن شاء الله

اختي الابتدائية اريح انا كنت مثلج مضايقة لما عينوني للابتدائي كنت اريد اعدادي لاكن لما خذت الابتدائي والسنة الي بعدها اعدادي حسيت انه الابتدائي احلى بوايد .
ان شاء الله بتكون سنه حلوه للجميع. وكوني متفائلة وفكري بكل شي ايجابي بترتاحين.
همسة : في البداية بتحسين بالضيق وبتصيرلج مواقف تحسسج بضيج لكن لا تخلين هذا كلة يأثر علييج اي شي يضايقج طنشي وكملي .

انا مب تعين يديد

بس نصيحه السنه الاولى هي اصعب سنه بس بعدين راح تتسهل

لج الامور

قانون المعاشات الجديد يوقف طلبات تقاعد المدرسات

قانون المعاشات الجديد يوقف طلبات تقاعد المدرسات

——————————————————————————–

الخليج – يوسف سعد:

أوقف القانون الجديد لهيئة المعاشات المعمول به حالياً سيل طلبات التقاعد التي بدأت تتوافد على وزارة التربية والتعليم منذ بداية العام الدراسي، وحسب إفادة مسؤولين في الوزارة فقد دفع القانون معلمات تقدمن للتقاعد نهاية العام الماضي والعام الجاري لسحب طلباتهن، بعد اكتشافهن أن تمضية 20 سنة في العمل ليس شرطاً وحيداً للتقاعد، وهناك شرط إضافي آخر تمسكت به هيئة المعاشات وينص على بلوغ المعلمة 40 سنة من العمر.

وقالت المصادر إن المعلمات لم يجدن إلا العودة لمهنة التعليم لحين بلوغ العمر المطلوب، وقد مثل لهن ذلك مشكلة وخاصة أن بعضاً من الذين تقدموا بسحب طلبات التقاعد كانوا قد عزموا على ترك المهنة والعمل نهاية العام الدراسي الماضي وبعضاً آخر في العطلة الصيفية، وأنهن نظمن حياتهن وفق هذا الأمر.

وأوضحت أن عدداً من المعلمات حاول البحث عن حلول، ولم يكن هناك سوى أمرين الأول العودة إلى التدريس لحين بلوغ السن المطلوب، أو الانتظار مدة عامين أو ثلاثة لاستكمال إتمام عمر الأربعين حتى يتسنى لهن صرف مستحقاته المالية.
_____________

منقووول

الله المستعان
محد مظلوم قد المعلم

لا حول ولا قوة إلا بالله

وما اشوف فيها شي الصراحة

يعني أصغر عن 40 سنة ويتقاعدون !
ماشاء الله بعدهم في ريعان شبابهن ,, ويقدرن يقدمون وايد للأجيال الصاعدة

الخبر جديييييييييييييييييم

أكثر فئه تتعب وتشوف الويل من الطلبه ومن أولياء الأمور فئة المعلمين
وحتى القانون مارحمهم
المرأه بحاجه إلى قانون تقاعد يختلف عن الرجل 15 سنه عمل

المشاركة الأصلية كتبت بواسطة bellegirl
لا حول ولا قوة إلا بالله

وما اشوف فيها شي الصراحة

يعني أصغر عن 40 سنة ويتقاعدون !
ماشاء الله بعدهم في ريعان شبابهن ,, ويقدرن يقدمون وايد للأجيال الصاعدة

والله تعب التدجريس

وياخذ من عمر الوحدة واااااااااااااايد

ياخذ من عمرها وصحتها

وتعيز قبل وقتها

وبس خلاص خلوهم يتقاعدون وشغلوا اللي في الانتظاااااااااااااااااااااار

ملينا من قعدة البيت

شكلنا بنطلع تقاعد قبل لانتوظف

خواتي المدرسات موقع أكثر من رائع

خواتي االمدرسات ورياض الاطفال خاصة
هذا الموقع اكثر من رائع للي تبى تسوي بطاقات احرف-ارقام واشياء اخرى موقع متخصص وغني ومتميز

اتمنى اكبر عدد يستفيد منه واتمنى اللي تستفيد منه طلب وااااااااحد بس وبسيط
الدعاء للمغفور له والدي بالرحمه والمغفره
http://www.abcteach.com/

وفقكن الله لما فيه خير وطننا وابناءنا

اختكم اصغر العنقود

بارك الله فيك يالغالية ع الموقع

تسليمين يالغاليه

بس تراني حاطه طلب – الدعاء لوالدي بالرحمه والمغفره والثواب إن شاء الله
احاول اساعد اللي اقدر اساعدها عشان هالدعوووه على اغلى انسان في حياتي كلهااااا
ابى دعواتكن فوالله ان والدي رحمة الله عليه جدير بهاا

هذا والسموحه

الله يرحمه ويغفرله ويطعمه الجنة في اعلى درجاتها امين يارب العالمين
واسفة لاني ما انتبهت

الله يرحمه ويغفرله ويجعل الجنة مأواه امين يارب العالمين

موقع مميز يزاج الله الف خير

الله يرحمه ويغفرله ويجعل الجنة مأواه امين يارب العالمين

المدرسات يدخلون

السلام عليكم

انا اخوي صف خامس ابتدائي.. ولازم يسافر بتاريخ 31-5- معانا.. بس خايفة يكون عنده امتحانات او دوام..

حد عنده فكرة متى ينتهي العام الدراسي حقهم.. واذا اضطرينا نسفره شو بيستوي؟

هو يدرس حكومي- منطقة الشارقة

للرفع

حبيبتي انا اخصائية فالمدرسة

الصغارية اللي فالصف الرابع والخامس ما عندهم امتحانات
والمفروض تسليم الدرجات على نهاية 5

يعني الصغارية all most بيبتدون الغياب على نهاية 5 وبداية 6
فاعتقد بيكونون مخلصين

والله يحفظكم ان شاء الله

شوفي حبيبتي ساعات المعلمات يغيبون وايد فيتاخرون في المنهج
انا بنتي صف رابع شفت في العربي باقي لها فصل كامل وسبب التاخير البنات ما يحلون وساعات يغيرون المدرسات على العموم انتي اسالي المعلمات بخصوص امتحاناتهم وتابعي المنهج وشوفيهم لوين واصلين واعتقد بيخلصون على 10-6

المشكلة سالت ومحد يعطيني اجابة واضحة.. والحين ابا احجز واخلص.. ان شاء الله ما يكون فيه امتحانات

ربي يوفقج اختي

خدي بالك ممكن يكون لسه عنده امتحانات غالبا الامتحانات اول شهر 6

المدرسات الابتدائية يبت لكم فكره حلوه

خواتي انا عندي اختي الصغيرة في البداية ما اتصلى بعدين سويت لها نشيده باسمها والحين كل يوم اتصلي …..
تدرون انتو شو تسون خلو هذي النشيده باسم اي بنت من البنات الي تييب درجه كامله خل كل الصف ينشدلها او اكتبيها ع الورقه وخلى بنت من البنات الي صوتها حلو تنشد للبنت الي جابت درجه كامله والله راح تستانس البت وتفرح والكل بيتريا متى ينشدون باسمه والنشيده هي***
اذا تبونها ابصوت اختى الحلو بطرشه لكم اهي اسمها خدوي وانتو اختارو اي اسم من اسماء اعيالكم او خواتكم او طالباتكم الي تبي اطرش لى ع الخاص بالنشيده وووووووووووووايد حلوه

خيديجه بنت ابوها
أحلى عن كل البنات
تسمع كلام أبوها
تقرأ وتحفظ كتاب الله
أول ماتصحى الصبح
اتصلي ركعتين واتقول
الله يدخل امى وابوي الجنه

شنو رايكم حلوه …….

فكرتج وااااااااايد حلوة
وصدق اليهال واايد يحبون التشجيع الي من هالنوع
الله يخلبها انشالله

ربي يحفظها ويخليها ويبارك فيها

دايما اليهال يحبون الاشياء التشجيعية من المدرسات والاهل

وياريت الغالية اتطرشين لي الانشودة

ما شاء الله عليج …الفكرة واااااااااااايد حلوة

ووووووووووووووعه

حلوه الفكره يزاج الله خير
وطرشيلي اياها حق بنتوتي

ما شاء الله عليج …الفكرة واااااااااااايد حلوة

كل عام و المدرسات بألف خيييييييير !!!!!!!!!!

[CENTER][COLOR="DimGray

"]بسم الله الرحمن الرحيم
السلام عليكم و رحمة الله و بركاته [/CENTER]

[CENTER][U]

إلى جميع المعلمات : [/U]

يوم وااااااااااحد يفصلنا عن بداية العام الدراسي الجديد ………… أدري إنه إجااااااااازتكم و حليلكم قصييييييييييييييييييرة بس أذكر كم بهالبيت الشعري :

قم للمعلم و فه التبجيلا *********** كاد المعلم أن يكون رسولا

أنصحكم إنكم تشدووووووووووون الهمة و تتذكرون إنه جيييييييييييييل المستقبل كله بإيدكم …….. يعني لا زم تثقفونه و تعلمونه كل خيييييييييييييييير و تبذلون كل جهدكم في سبيل ذلك …….

و أخيرا أقول :

أنتم السابقوووووووووووون و نحن اللاحقووووووووووون

و عام دراسي ناجح و موفق و سعيد للجميييييييع :sha2:

هيه والله صح لسانج

بالتوفيج ان شاء الله

ربي يوفقك كل مدرسه.. ويـسهل عليكم كل درب تخطون عليه..

فدييييييييييييييييييت ختيه مدرسه لووووول الله يعينهم..

كل عام وأنتي بـ ألف خــــــــير ..

ثانكس ختيه عـ الموضووع

ام كشيش …….. no0ony_19 ……… مشكورين على المرور والرد ….. بااااااااااااارك الله فيكم …..

يبووج ماتهنينا فالأجازه ….. بس حمدالله …. إن شالله تكون سنة خير ومشكوووره عهالموضوع اللي شديتي حيلنا فيه شوي للدوام

أنتم السابقوووووووووووون و نحن اللاحقووووووووووون

حلوه هاي
خخخخخخخخخخخخخخخ
يالله مبرووك لمساتنا

بسم الله الرحمن الرحيم
كيف احوالم ..
الله يوفق اخواتي المدرسات في عملهم صراحة..
ويبارك لهم ان شاء الله في اول يوم ويوفقهم..

تحياتي لكم ..

المدرسات اليداد

ممكن اعرف كم تستلم المدرسة اليديدة الي توها متخرجة من الجامعة؟
صراحة انا يتني وظيفة ثانية غير التدريس براتب 1 ومب عارفة استوي مدرسة ولا اخذ الوظيفة الثانية.. سمعت انة رواتب المدرسات اليداد ضعيفة 8500 و حد يقولي لا راتبهم 15000 حد يفيدني لو سمحتوا عشان ماضيع الفرصة..

المشاركة الأصلية كتبت بواسطة Maria_Louisa
ممكن اعرف كم تستلم المدرسة اليديدة الي توها متخرجة من الجامعة؟
صراحة انا يتني وظيفة ثانية غير التدريس براتب 1 ومب عارفة استوي مدرسة ولا اخذ الوظيفة الثانية.. سمعت انة رواتب المدرسات اليداد ضعيفة 8500 و حد يقولي لا راتبهم 15000 حد يفيدني لو سمحتوا عشان ماضيع الفرصة..

حبيبتي المدرسة اليديدة تستلم أقل عن العشر الف إذا هي متزوجة وإذا كانت بنت غير متزوجة مايوصل المبلغ الليذكرتيه بحدود 11000 او اقل وانصحج استخيري بس مهنة التعليم جدا مرهقة وتستنزف اللي يعمل بها برغم من انها اشرف وارقى مهنه ……………والله يوفقج حبيبتي واتمنى اني افدتج:1 (32):

المدرسة اليديدة معاشها 10600

نصيحه لوجه الله .. مع اني مب معلمة يديدة .. بس دوريلج اي وظيفة غير التدريس اذا حابه تحافظين على صحتج ونفسيتج …

بالعكس التدريس رسالة سامية وارقيه بغض النظر عن الراتب المهم الانسان يرتقي في هاي الوظيفه ويشعر بانه يقدم الشئ المفيد .

راتب المعلمة اليديدة

10600

بس اقبلي الوظيفة الثانية عشان صحتج ونفسيتج ما تتعب

الي ايدة في الماي غير عن الي ايدة في النار اختي نصيحة اقبلي الوظيفة الثانية مثل ما قال الاخوات استنزاف للصحة و النفسية

خواتي المدرسات ,,,,ابغي خبراتكم انا معلمه جديده وخايفه

السلام عليكم ورحمة الله وبركاته

اشحالكم عساكم بخير

خواتي ابغيكم تساعدوني
انا انقبلت معلمه في السنه الدراسيه الجديده
وبصراحه ما اعرف شو اقولكم يوم قريت اسمي طالع مع المتعينات استغربت من ردت فعلي
ماكنت مستانسه ولا زعلانه طول الوقت سرحانه ومب مستوعبه كيف بادرس!! كيف وانا يلست في البيت سنه بعد تخرجي ونسيت كل شي درسته وخاصه ان تخصصي لغة عربية وتعرفون كيفاللغة العربيه فيها النحو والصرف والادب و اللغه وانا نسيت بصراحه النحو

وايد متخوفه اني ادرس ما اعرف ليش
اباكم خواتي المدرسات يخبروني هل مرو بنفس حالتي ولا كيف!!

1) أكيد سويتي برزنتيشن من قبل لا؟
ما أحس الموضوع صعب أهم شي التحضير الجيد والاستفادة من الخبرات .. السالفة من وجهة نظري مثل البرزنتيشن وكيف توصلين المعلومة للمتلقي ما أجوف فيها أي صعوبة بصراحة.

2) بعدين ما قلتي لنا إنتِ بتدرسين أي مرحلة؟ ترى الموضوع يختلف من مرحلة للثانية.
ع العموم خذي كتب اللغة العربية وعرفي كيف تقسمين الكمية و حضري لدروسج بشكل متكامل وممتع ، طعمي المنهج بالمسابقات و الأنشطة الصفية و الحركية … والخ وسوي لج دفتر خاص حطي فيه المعلومات اللي تحتاجينها بشكل منظم.

3) كتسبي مهارات العرض وتدربي مع خواتج في البيت أو حد قريب منج وبالتدريج الموضوع يصير أسهل.-إن شاء الله.

4) وبعدين ع فكرة المعلمات مثل ما أعرف يداومن قبل الطالبات بفترة ممكن تستغلين هالفترة و تسإلين المعلمات القدامى و تستقيدين من خبراتهم بس لا تبينين لهم إنج أقل عنهن .. خلج واثقة من نفسج وظبطي أمورج معاهن. ممكن تحضرين كم حصة فالبداية مع معلمة سابقة واستفيدي منها.

هذا اقتراح من عندي والحمد لله عندج وقت كافي ترومين تربين أمورج من الحين.وإن صرتي مهيـأة فما في أي شي يقلق خذي المسألة بحماااااااااااااااااااااااااااس وتحدي!

والله ييسر أمورج ~

بتصدقين اختي شي
اني ماسويت برزنتيشن لاني سافرت على طووول وسكرت موبايلي مال الامارات وبالصدفه مره فتحت موبايلي الصبح ووحده اتصلت بي من هيئة المعرفه تبا صورتي قلت لها حق شو ؟قالت نحنا ندخل بيانات كل حد قدم عندنا طلب وظيفه
انا امتحنت اول مره بس وماردو عليه فقلت شي اكيد اني مب مقبوله وسافرت عقبها وبعد بالصدفه شيكت امس موقع الوزاره ولقيت اسمي ,,, عشان جي بعدني مب مستوعبه الموضوع

وعن اي مرحله والله ما ادري للحين

عيل انا يوم شفت اسمي في الجريده كنت شوي و بصيح لاني كنت اشتغل في شركه و كنت وايد مستانسه…. يالله بس ما كنت افكر كيف بدرس عادي يعني يمكن لان نحن تخصصنا تقريبا طول الاربع سنوات دراسه لازم نسوي حصص و ندرس في المدارس ….
برايي ممكن تيلسين اليهال اللي عندكم و تسوين لهم درس … شوفي رد فعلهم و تعلمي من اخطائج… و اول اسبوع استلمي المنهج و ابدي جهزي كل جزئيه منها و حاولي تخلين المنهج مترابط لانه بيكون اسهل عليج في تجهيز اغراضج …
و اذا واجهتي اي مشكله على طول اسئلي المدرسات الثانيات … نحن مدرستنا مدرساتها وايد متعاونات فوايد نساعد بعض… ان شاء الله في مدرستج بتكونون متعاونات بعد ….
و الله يسهل عليج اول سنه … هي اول سنه اصعب شي لكنها امتع شي… يكون فيج حماس مش طبيعي

موفقة الغالية
اهم شي ما تخافي ولا ترتبكي وحضري الدروس منيح
خلي شخصيتك قوية واتعاوني مع المدرسات التانيات
الله معك حبيبتي

مبروك عليج الدوام..
نصيحة لازم تتبعينها ( صارت أمر)..لكل وظيفة مسؤوليات ومهام ولكن التدريس والطب من الوظائف التي تدخل في الأمانه بشكل كبير لآنه يعتميد عليها تربية الأجيال ..
– فكوني القدوة الحسنة في المظهر وأداء العمل والأسلوب الحواري الذي ستحتاجين إليه للتعامل مع الطلاب أو الطالبات.. وستكونين تحت المجهر بالنسبة لهم..لآي زلة .
– اعدي درسك بشكل متكامل .. التخطيط الجيد .. اختيار الطريقة التي تناسب الفئة العمرية ..الوسيلة التعليمية التي تثير دافعية التعلم لدى المتعلم..التعزيز والتنوع فيه.
– التواصل المستمر مع الأهل لرفع مستوى الطلاب.
– تذكري المعلمات اللي درسوتج..وخذي من كل بستان زهره بما يتناسب مع شخصيتج واللي تحسين أنه فعال للتعامل مع الطلاب.
والله يوفقتج

مبرووووووووووووووووك على التعيين

الصراحة هذي كانت حالتي ههههههه و على فكرة انا تربية خاصة و اول مدرسة في مدرستي تكون تربية خاصة يعني ما عندي حد يدرس بالمرة خخخخخخخخخخخخ المهم تعاونت مع المدرسات مرات العربي و مرات الاسلامية و هم فهمني طرق الشرح و غيره …خلج اجتماعية

بغيت راي المدرسات

سمعنا عن مدارس الشراكة الى انتشرت فى الاونة الاخيرة

ابغي راي المدرسات الي يشتغلون في هالمدارس

شو السلبيات وشو الايجابيات من هالمدراس

بانتظار ارائكم

مافي اى مبادرة ولا اى راي