خواتي ابي اجراءات طلاق للضرر خطوه بخطوه
لاني دفعت حق محامي ووكلته وخلصت كل شي نهاية شهر واحد
ولين الحين ماخذالي موعد اتخيلوا خليت حد من الاهل يكلمه
عقب قال خلاص موعد الجلسه بشهر3
يعني لانفقه مؤقته وولاشي طول هالفتره ولاعده
الله يخليكم فهموني واشرحولي لاني ضاااااايعه
مافي رد
أختي ربي يقدم لج الخير . بصراحة ما أعرف الإجراءات.بس أنت طلبتي الطلاق بعدج ما أطلقتي كيف بيكون فيه عدة أو نفقة ؟ الطلاق بعد ما يطلقج أو يحكم القاضي بطلاقج أو يطلقج القاضي منه ساعتها لج حقوق المطلقة وعليج العدة , عموماً إلى أعرفه أنه فيه جلسات في المحكمة واعتقد قبل بيحولوكم لمستشار اسري أو شي من هذا القبيل . يعني ما أعتقد أنه الموضوع بيخلص من جلسة وحدة .
هي طلقني وخلصت من التوجيه والحين فالمحكمه ورحت عند محامي بس وايد مطول فالموضوع
اتمنى الي تعرف الاجراءت اتخبرني
شكرا
اختي الريال خلص طلق في التوجيه
معناته شغلج في المحكمة المطالبة بالحقوق
خل المحامي يحط كل طلباتج في قضية وحدة
المؤخر
حق المتعة
نفقة العدة
واذا عندج منه اطفال
طلب حضانة
نفقة حاضنة
سكن بالماء والكهرباء والانترنت
نفقة اولاد
استقدام و مصروف خادمة و سائق
سيارة
طبعاً حسب ظروف الريال و نظرة القاضي في الموضوع بالنسبة الخادمة والسائق و السيارة
طبعاً تطول المحكمة لأنه بيتم على جلسات وممكن الزوج يطعن في بعض الطلبات
ممكن تطلبين نفقة عدة مستعجل طلب بروحه
الله يسخّر لج المحامي وتحصلين كل حقوقج
مايبغا له محامي حبيبتي اذا انتي مظلومه روحي راكضي بريولج للمحاكم انا كنت اراكض حمدالله طلقوني منه وأخذت نفقه غصبن عنه لا محامي ولا شي الحامي كان ربي العالمين
