السلام عليكم
طبعا السؤال الموجه للموظفات فقط وبقسم الماليه فقط " واذا كانت موظفه سابقه فيه نستفيد من الخبره"
واللي تعطي نصائح لا هي موظفه ولا عندها خلفيه بهالشي بطلب من المراقبه تحذفه .
احم احم ندخل بصلب الموضوع ..
شوفي يا طويلات العمر
انا بقسم الماليه account payaple
شغلتي بالبدايه انا وموظف نوزع شيكات وكشوف حسابات اللي يجهزونها المحاسبين .
والشيكات للعملاء برع بوظبي وعملاء داخل بوظبي والعين
انا امسك داخل بوظبي والعين وهو برع بوظبي "من دبي لين الفجيره"
داخل بوظبي اتصل ايوون يستلمونه ، برع بوظبي بالامبوست .
وطبعا كشوف الحسابات عشان يشوفون دفعه اي شهر هاذي بالايميل.
الحين الموظف هذا طلع اجازه، فماسكه شغله، غير انه القسم عطوني شغله ثانيه ادخل فواتير" يعني حبه حبه يعلموني شغل ال accounts payple"
وطبعا هذا شىء جميل
لكن الضغط حاصل من وين ، الحين العملاء اللي نعطيهم شيكات يبالهم حد دايما يكون متابعهم لانه يوميا نتلقى اتصالات منهم، وفي حال انا او الموظف اللي وياي ما ردينا يتصلون عشوائي لاي حد من قسم الماليه .
الشىء الثاني ما اقدر اوفق بين ارضاء العملاء وبين اني اقعد مجابل الاوراكل ادخل الفواتير عشان نحضر ال payments
غير اني لازم اسوي كشوف الحسابات واطرشهم واتصل حق عملاء بوظبي
الحين الموظف اللي ياي من الاجازه بيحطونه بقسم ال cash managment
طبيعته انه مب من النوع اللي يتحرك يشتغل بطىء بطىء وينفرز لانه يرمس ويدخل بالتفاصيل واااااااااااااااااايد. ويعطي اعذااااار وااايد ليش ما خلص شغله والسبب الحقيقي هو نفسه بطىء بس شكله ما يحس ، وغير انه عاطفي ، يعني حد سواله حركه معينه بيقول ليش هاذا سوالي جي ، ليس سوا هالحركه المفروض يسوي جي مب جي ، حتى قسم الكاش قالولي يبوني انا ما يبونه هو .الحين بيي من الاجازه الاسبوع الياي ، كيف اقسم الشغل؟
ومب مرتاحه ادخل فواتير، ابي اكمل شغلي الاول واروح cash managment دام انه مسمي الوظيفي مالي امين صندوق، لانه الفواتير مال المحاسبين ، واللي اعرفه الكاشيير ما عنده ترقيه بالمسمى الوظيفي، هل هذا صحيح ؟ ويوم ايي من الاجازه بخبره هو يدخل فواتير " والله يعين اللي بيشتغل وياه" وانا بروح ال cash managment.
اتريا اقتراحاتكم وردودكم ..
ربي يوفقج اختي 
الله المستعان
اختى انا شغلى مختلف كليا عن مجال شغلج ف ما اقدر افيدج .. بس حبيت ارفع لج الموضوع
دام ان اختاروه هو يكون هناك خلاص معناته الحظ كان من نصيبه … المفروض هو يروح هناك.. حتى لو قسم الكاش ما يبونه خلاص تم اختياره هو…وانتي بتقدرين تغيرين الموضوع من نفسج؟ اقصد القرار بأيدج وله المسؤولين هم اللي قررو؟ ؟؟؟ لو نعم واايد حلو حاولي تكلمينه وتعطينه رايج لو رضى حلو ولو رفض معناته خلاص الله كاتب له هو هناك ^_^
انتي فالAccount Payable
ومب عارفه تكتبينها صح؟؟ وين مديرج ولا مسؤولج
هذا الدواااام ولازم يكون فيه ضغط وكراف
ومرات يكون معاج موظفين كسولين او او او…
الله كريـــــــــم
ركزي في شغلج , ولا تمسكين شغل غيرج
لان الحسابات والشيكات مسؤوليه كبيرة ويبالها تركيز
المشاركة الأصلية كتبت بواسطة ريناد فيصل 
