متضايجة بسبب الظروف المادي اللي عايشينها. هو ما يقصر معاي من الناحية المعنوية و يحبني وايد و أنا بعد أحبه بس ظروفه مخلتنه غصبا عني يقصر معاي ماديا فحاسة بضيج. فخاطري أشيا وايد أشوف الحريم اللي حولي يمتلكونها و أنا ما أقدر أمتلكها بسبب الظروف. أنا أشتغل بس ما أقدر أدلع نفسي لأني أساعد ريلي حق عرسنا و أساعد أهلي و أدفع ديون سلفية سيارتي و ما يبجا لي غير شوي يا دوب تكفي حق مصاريف السيارة. ريلي معاشه يدفع منه ديون البنك و يجمع حق عرسنا و يساعد أهله و ما يبجا له شي حق مصروفه لدرجة أنه مرات يطلب مني بيزات حق مصروفه. مادري بلاي بس حاسة بضيج حاسة أبغي أكون بعيدة عنه فترة من الوقت. حتى في الإجازة ما استانست حالي حال باجي الحريم ما طلعت و ما استانست. حاسة بكتمة أبغي أصيح. مرات أنقهر من اللي كان ماخذها قبلي لأن كان يسفرها و يدلعها و يسوي لها كل شي و كان ياخذ سلفيات عشان يدلعها و بعدين طلبت الطلاق و طلقها و يحليله لين أحين يالس يدفع ديونه و يقولي ما أبي أعيد غلطة الماضي لأن أكبر غلط يرتكبها الإنسان هو السلفيات مقابل الوناسة و أنا آسف لو مقصر معاج و مب محسستج أنج حرمة بس أبيج تصبرين علي و تساعديني عشان نعيش حياة حلوة. صح كلامه و أنا معاه بس مرات أتضايج من الحال اللي نحن فيه خاصة لما أشوف ربيعاتي كل وحدة فيهم ريلها يدلعها بالذهب و السيايير و السفرات و الطلعات و الهدايا.
حبيبتي لا اتقارنين عمرج ويا ربيعاتج كل وحده لها ظروف انتي الحين شو دراج يدلعها بس مقصر وياها
وقفي ويا ريلج صدقه انتي قبل تاخذينه اكيد كنتي تعرفين حبيبتي اصبري وياه والله انج راح تكبرين فعينه و هو اللي راح يقارنج بالاوليه ، الاولي شكلها بس قوم الهديا الحياه الزوحيه مب بس هدايا
اصبري وقفي وياه
وربي يوفقج
لاتقارنين نفسج بغيرج اهم شي انه زين معاج ويعاملج زين ..
غمضي عيونج عن حيات غيرج وبتكتشفين انج عايشه أحلى حياة بس انتي مب حاسه
بصراحة
لازم ما تعودينه ع انج تصرفين عليه
وتساعدينه عشان العرس
هو ريال ولازم يدبر عمره
ممكن تخففين من الطلبات لكن انج تدفعين له حتى مصروفه فهذي الصراحة قوية وايد –اقوى شيء —
اذا ما عنده ومديون
لازم يصبر الين ما يكون نفسه وعقب تحددون العرس
اذا هذا حالج قبل العرس فتصوري حياتج بعد العرس بيكون كل الاعتماد عليج حتى في مصاريف البيت
ارعف وحدة ساعدت ريلها في كل شي حتى ما طلبت منه ذهب او حفلة كبيرة
بالعكس هي راكضت عشان تسوي العرس في البيت وسارت خجزت خيم وحجزت المطبخ وغيره
والحينه بعدها ما كملت سنة كل يوم سب واهانات ومن فترة هي في بيت اهلها
صدقيني مب الكل يقدر تضحيات الحرمة ويراعيها
انا ما احرضج عليه بس هذي نقطة اساية في حياتكم
انتي الين متى بتقدرين تشتغلين وتكدين عليه
بييج يوم بتتعبين وبتجابلين بيتج وعيالج
فلازم يحط في باله انج ممكن في اي لحظة ممكن تودرين الشغل لانج خلاص ع ذمة ريال هو مسؤول عنج
فلازم ما يعتمد عليح ابد
جذاب اللي بيقولج المادة مب مهمة
المادة هي عصب الحياة وياما خلافات صار ت بسبب المادة
فخليه يصبر ع العرس حاليا
وانتي ما لج ذنب تتحملين غلطته في الديون عشان طليقته
واستخيري
الله ييسر امورج
غاليتي 
من راقب الناس مات هماً
استعيذي من الشيطــان الرجيم ,, وكبري عقلــج أختي
ولا تقارنين ريلج بباقي الرياييل ,, ولا تقارنين نفسج بباقي الحريم ^_^
كل انسان منا خلقه رب العالمين غير عن الثاني ,,
لا غيرج يضمن الغنى ,, ولا انتي تضمنين الحال الي انتي فيه رغـم انج مب فقيرة أختي بس يتهيأ لج
لكــن أختي تضمنين ان لج رب كبيـــر سبحانه وتعالى ,, يرزق من يشاء بغير حساب ^_^
رب العالمين كريم وكل ما حمدتيه على النعم الي عندج يزيدج أكثر فأكثر ^_^
ولا تغرج المظاهر والسيايير والذهب أختي !
لا يعلم مافي القلوب غير رب العباد
والبيوت لهـا أسرار أختي
ويمكــن الي انتي تشوفينهـا مستانسـة بمظهرهـأ ,, تكون محطمـة داخليا ,, ويمكن لا
لكن مافي شي مستبعد أختي
الوحدة منا ترضى بقدر الله ,, وتجتهد فيما يرضي الله عسب تغير وضعهـأ
لكن ما تسخط أو تتحسر لإن الحياة حلوة
والسعادة نحن الي نبنيها ومب جيوبنـأ
الذهب لا بيرفع منج ولا بيزيدج حسنـــات ^_^
مشاعرج وأخلاقج وكرمـج وحسن تعاملـج هذا الذهب الغالي أختي
والي ما يتقدر بثمـــن ^_*
ادعي رب العالمين يسخر لج ريلج
وقولي الحمدلله خذت ريال بار بوالديه ويساعدهم
وصدقيني رب العالمين لا يخيب من يحسن عملا
اجتهدي أختي لتغيير وضعــج ,, وحاولي ماتخلين ريلج يعتمد عليج إلا في الضائقـة مافيها شي إذا ساعدتيه
ربي يهدينـا أجمعين ^_^
المشاركة الأصلية كتبت بواسطة عيناويه خجاجه 