مرحبا
حد يخبرني وين اقدر احصل جلالليب الفراشة أو الفرعوني
يعني اقدر البس لماجة محترمة
افيدوووني
نفس السؤال
اذا انتي من الشارجه سيري عند الخيايط اللي عند مسيد درويش يفصلون لج
عندكم في ابو ظبي المصممة نور البحر مو ديلاتها وايد روعة
ان شاء الله البنات يفيدونج
في دبي في فريج المرر
هلا الغاليه في دبي في ديره فريج المرر محل اسمه دار الزين روعه واسعاره اروع انا فصلتلي 4 عندهم حق العرس
مرحبا بنات انا لي فترة ادور على جلاليب دانتيلات للحمل والنفاس وبعد فرره عالنت لقيت منطقة الخان في الشارجه تفصيل ومركز سارة جاهز؟
وبما اني من بوظبي وحامل بس اقدر اروح مكان واحد ..
اللي عندها خبرة ومن الشارجه بشووو تنصحوني خان او ساره
انصحج بالخان لانهم حوالي ٣٠ محل وكل واحد يقول الزود عندي
مابتندمين
لكن انا انصحج تاخذين القطع روحج افضل
هم قطعهم اوكي بس مادري انا واهلي تعودنا ناخذ الخام ونوديه له هو يزيد بالدانتيلات او يحط تور او شي جذي
حبوبه دامج من بوظبي سيري شارع المطار صوب الخياييط بتلاقين وايد محلات تسوي جلابيات دانتيل .. انا سويت عندهم .. بدل ما تظربين خط عسب جلابيات 
هلا بنات
ليش ما تحطون لنا صور الجلابيات
المشاركة الأصلية كتبت بواسطة غلا بوظبي… 
سرت ومبااالغين بالاسعار اللي عادي وماايسوى 350 والشي الزين 800 900 تخيلي وانتي تبين كميه ..
المشاركة الأصلية كتبت بواسطة عشق طاهر مابتندمين
لكن انا انصحج تاخذين القطع روحج افضل
هم قطعهم اوكي بس مادري انا واهلي تعودنا ناخذ الخام ونوديه له هو يزيد بالدانتيلات او يحط تور او شي جذي
دامج فصلتي .. شوو اسعارهم ؟
المشاركة الأصلية كتبت بواسطة الخياله السؤال يكرر نفسه