مرحبا
خواتي انا ناوية ان شاءالله ولادتية الثانية راح تكون فالكورنيش ..وماحد من هلية راح يكون وياية لانه اماية حرمة جبيرة وماتقدر ع الخط فديتها غير ريلي بحكم سكن ريلي من امارة بوظبي وانا من امارة ثانية .
سؤالي فديتكن
هل يسمحون للرياال وقت الولادة ويا الحرمة يدش يعني مؤازرة ..؟؟؟
وللا لا..
أتمنى تجاوبني لاني حدي متروعة واخافهم يتوحدن فيني النيرسات ومايحصلن حد ويايه ويتراهن عليه وتعرفون ذيج الساعة الوحدة مافيها حيل تدافع عن عمرها خخخ.
مب قصدي وقت البوش طبعا وقت مايفتح خلاص وقت الجد بخليه يظهر ماريده يجوفني ….
اتمنى الرد ضروري
واللي تدش وماعندها فكرة ياليت تدعي الله يسهل ولادتية
هلا اختي الله يسهل ولادتج ويقر عينج بضناج سليم ومعافاه
ان شاء الله الخوات يفيدونج
انا ماعندي علم
عادي الغاليه يدخل ريلج معاج
المهم مب اكثر عن شخصين في غرفة الولاده
الله يسهل عليج الغاليه
هي عادي يدخل وياج..
ربي يسهل علييج ..ويقومج بالسلامه يارب
تسلمون خواتي فديتكن ماقصرتن عسى ربي يسهل أمركن ..
بنت خالتي مربية من ست شهور عندهم اختها وامها دشوا وياها
الله يقويج ويسهل عليج ويقومج بالسلامة ان شاء الله
الله يسهل عليج
المشاركة الأصلية كتبت بواسطة ام ديومة 
