الوسم: الكواية

ســــــــا عـــــــــــدونـــــــي غطاء الكواية

خواتي بغيت اعرف وين يبعون غطاء الكواية؟؟

باي محل ؟؟ وسعره لو ما عليكم امر ؟؟

هل صج يحمي الملابس من الحرقان ولاه بس مجرد كلام؟؟

ويزاكم الله خير

بتحصلينه عند تاجرة النرجس

موووفقه

ااااااااااااب

ماااااااعرررررف

ربي يوفقج اختي

لا حول ولا قوة إلا بالله

الكواية

بنات ابغي اسئلكم عن شي ؟؟؟؟ غريب اشوي ومحتاجينه (((((الكواية ))))كيف تكون ثيابكم اقصد وانتوا مسافرين اتشلون الكواية وياكم والا تكوون ثيابكم وترتبونها في الشنطة وشو عن العباية اكيد بتتجرسف والا انتوا شو رايكم؟؟؟

اختي احنا ما ناخذ كوايه ويانا…. لانه اكيد في الفندق عندهم كوايه….. أكيد نكوي ثيابنا ونرتبها في الشنطة بس تدرين من السفر لازم تتجرسف الثياب والعبايه…..يوم أوصل الفندق اكوي مره الثانيه عباتي وثيابي اللي بلبسهم بس مب كل الثياب يعني بدلتين او ثلاث وبعدين اعلق في الكبت… عادي شغله بسيطه…

انا خذت لي كوايه صغيروونه للسفر .. حجمها قد الكف تقريبا وما تاخذ مكان فالجنطه ^_^

احط ثيابي مكوايه مرتبه فالجنطه .. لكن اكيد بحتاج اني ارد اكويها هناك .. خص العباه والشيله..
الفنادق مب كلهم يحطون لج كوايات فالغرف … وبالنسبة لي ما احب اطرش ثيابي عشان يكوونها هم.. عسب جيه آخذ كوايه ^_^

اأحسن شي اختي تشترين الكواية الصغيرة مثل حجم كف اليد
ني مجربتنها روووووعة
وبالسلامة

الكواية ماركة KEENWOOD

http://www.kenwoodworld.com/uk/produ…y.php?cat=1262

اختي وايد مدحتها، فخذت لي منها ب 75 درهم تقريبا
انا خذتها من جمعية الامارت، وموجودة في جمعية الاتحاد التعاونية واكيد محلات الكهربائيات

وبالتوفيق

اكيد تاخذين الكواااي وياج ششششششي ضروري

أبا طريقة تنظيف الكواية .

السلام عليكم ورحمة الله وبركاته
خواتي العزيزات أبا طريقة تنظيف الكواية.. عندي كواية عادية وبخار فنفس الوقت ويوم أيي أكوي اطلع وصخ جنه رمل ويوصخلي الملابس.. شو أسوي وكيف أنظفها؟؟؟؟؟

ان شاء الله البنات يفيدونج

عني انا استخدم غطاء المكواة يكوي لي الملابس بدون ما يوسخهم

شكلها مصدية من داخل لو كان الوسخ ترابي ويطلع من الداخل..

اما لو كانت البقعه ع سطح الكواية السفلي فهاتي ليفة صحون..

وبلليها ماي وصابون ودعكي المنطقة وبعد ما تروح البقعة مسحيها بكلينكس وللعلم لازم تكون الكواية غير حارة ..

امسحي سطح المكواه بنصف ليمونه حامضه و بعدين امسحيها بقطعة قماش مبلله بالماي أن شاء الله تكون طريقه مفيده لأني أنظفها بها الطريقه 000

انا اقولج على طريقه مجربتنها وياء كوايتي اللى بالبخار
هاتيلج طشت وصبي فيه ماي وخل ابيض
الماي مب لازم يكون وايد بس لين مايغطي قاعدة الكوايه من تحت
وودني الكوايه في هالماي والخل وشوفي الوصخ والرمل والجير والشعر اللى بيظهر
وخليها لين ماتحسين انها نظفت
طبعا لازم تكون الكوايه بارده يوم بتسوين هالطريقه

وعقب صبي في الكوايه ماي وشوووويه خل
وشغليها وخلى البخار يظهر منها او انتي اضغطي على زرالبخار
وتمي جذه لين مايخلص الماي
وبتشوفين النتيجه بروحج

ونصيحه الكوايه صبيها ماي صحه مب ماي من البيب
انا قمت اصب لها ماي صحه والحمدلله ماقمت اعاني مثل قبل
وهالطريقه انا قارتنها في النت من كذا سنه ومن يومها وانا استخدمها

أنا عندي طريقة والله تنظف الكواية من تحت بطريقة فنتكة
شوية معجون مع كلينكس
تمسحين منطقة الوسخ او المكان المصدي او المحروق وامسحي فيه الكواية واحي حارة
بتطلع ريحة بس والله الكواية بتصير نظيييييييييييييييفة
الله يذكرها بالخير صديقة لي علمتني هالحركة واحنا بالصيفي

انشالله البنات يفيدوج

غطاء الكواية ——–ضد الحرق

خواتى ما تعرفون وين يبيعون الغطاء الى ينحط على الكواية علشان ما تحرق الثياب

وحده من التاجرات كانت اتبيع فالمنتدى

أنا كنت شاريه منه بس مب مذكره منو التاجره إذا عرفتي خبريني لأني أبي زياده

للرفع

للرفع^_^

التاجرة اسمها النرجس

موفقه

منو من التجرات تجدر توفرلي الكواية البخارية الكبيرة الي نفس المحلات

الموضوع باين من عنوانه دخيلكن دلوني على وحدة تبيع من هذا النوع

اختي احسن نووع واللي يستخدمونها في زارا ومانجو هي ماركة جيفي jiffy فنااانه واايد ماشاء الله انا شاريه شراتها بس غاليه شوي ب 600 اظن وماتخترب مووول لاني كنت شاريه كذا وحده ويختربن

ان شاء الله البنات يساعدونج اختي

المشاركة الأصلية كتبت بواسطة فيض
اختي احسن نووع واللي يستخدمونها في زارا ومانجو هي ماركة جيفي jiffy فنااانه واايد ماشاء الله انا شاريه شراتها بس غاليه شوي ب 600 اظن وماتخترب مووول لاني كنت شاريه كذا وحده ويختربن

مشكورة حبيبتي على الافادة

كيف أنظف الكواية ؟؟؟

السلام عليكم………
كيف أنظف الكواية من الحرق اللي فيها؟؟؟

الغاليه عليج بالسبيرتو واييد اوكي خذي قطنه وامسحي فيها مكان الحرق او فليت بف باف وعن تجربه

انا ابا اعرف كيف انظفها من الداخل

فيها ترسبات

بالاذن من راعية الموضوع

عشان نستفيد

ومن الخارج ممكن تستخدمين معجون الاسنان خاصه كولجيت او سقنل تو

حرري الكوايه وحطي عليه المعجون ومن عقب افركيها بفوده غليظه عشان ما تحرقين ايدج

وعلى طول بينشل الحرق

حبيبتي بالنسبة للترسبات الخل نافع جدا
و بالنسبة للتنظيف الخارجي كان مشكلة سمعت بالشمع لكن ما جربتو
ممكن راح أجرب معجون الأسنان

عزيزتي الخل احسن شي لتنظيف الترسبات الي في داخل المكوايه

ما عندي فكرة

ما عندي فكرة

ملابسي و عباتي و الكواية !!!!!!!!

السلام عليكم
بنات ساعدوني الله يجازكم الخير
الكوايه قامت تطلع اثار بيضه على ملابسي و على شيلتي و قمصاني لليداد
و احاول اغسلهم من ينشفون يردون نفس قبل
مب عارفه شو اسوي
اتمنى ان الي تعرف تساعدني لاني مستغمضه على اغراضي

ربي يوفقج أختي

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ

وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ

انتي كاويتج بخار ولا ؟؟

شكرا لخواتي الي ردن علي
و كوايتي عاديه للملابس و البخار للعبي بس ما استخدمتها استخدمت العادية
بنات يلا اتريا ردودكم

في الغالب العلامات البيض اللي مثل الطباشير
هذا يكون كلس وفي الغالب في الكوايات البخار العادية (مب اللي واقفة)بس بعد انا مااستغني عنهن
احس حسب نوعية الكواية تأكدي ماتكونين مغيرة الموجة وحاطتنها على التنظيف الاوتوماتيك
واحيانا اذا استعيلتي وكويتي الثياب قبل ماتحر الكواية او اذا وايد مقصرة على الحرارة تستوي نفس
الحركة البايخة وتطلع هالبلاوي

لبسي طاولة الكوي قصدير
وبعدين جيبي غطا للطاوله الي يكون سميك شوي يكون الكوي اسرع واحسن

اب
شكرا على المشاركات
بس اريد حل ويا ملابسي الي اختربت

كيف اتبث الكرستال بالكواية

السلام عليكم
خواتي الي تعرف طريقة زينة لتثبيت الكرستال بالكواية تخبرني

السلام عليكم الغالية

شوفي الغالية اول شي تحطين الكواية على اعلى درجة حرارة ويوم تكون واااايد حارة حطيها على الفصوص بعد ما تكوينن حطيتيهم على القماش بالطريقة اللي تبينها وعلى طول نقس الحرارة شوي يعني درجة او درجتينه وخليها شوي ,, يعني قولي اقل من دقيقة وعقب شوفي لو اوكي والا ردي الكواية وانتظري لين تلزق الفصة على القماش ,,, والله يوفقج وييسر لج لاخير ان شاء الله دنيا واخره

@ اختكم في الله @

ام ناصر ,,,,

اهلين حبوبه
شوفي انا عندي طريقتين كلهن زينات
الطريقة الاولى شوي صعبه :
اني اثبت الكوايه بالجلب يعني مسكة الكوايه
تحت والجزء المسطح الحار لفوق واصف
الكرستال بالجلب يعني الجزء اللي يلمع
تحت واللي فيه صمغ فوق واتشوفين الصمغ
يسيح واحاول اشل حبه حبه بطرف الدبوس
يعني اخذ الدبوس بطرفه احطه على الكرستاله
من ناحية الصمغ بسرعه واجلب الكرستاله
بسرعه واضغط عليها واكون حاطه قطعه
قماش قطن صغيره علشان احطها على
الكرستاله واضغط لانها بتكون حاره

والطريقة الثانيه والاسهل واسرع :
اشغل الكوايه عادي علشان اتكون حاره وفي
هاي الفتره اصف الكرستال على المكان اللي
اريد اثبته فيه يعني قاعدة الكرستاله اللي
فيها صمغ على القماش والجزء اللي يلمع
اتشوفينه وهاتي قطعة قطن وشوي شوي
حطيها فوق الكريستال وخذي الكوايه وبالضغط
حاول تثبتين الكريستال بس حاسبي
علشان ما تحترق القطعه اللي بتثبتين عليها
الكريستال يعني لا تحطين الكريستال كله
وتثبتين جزء جزء

وعلى فكره انا جربت جهاز الكريستال
ما عجبني بسرعه الكريستال يطيح ما
يثبت فشفت طريقتي احسن صارلي
سنين استخدم هاي الطريقه

والسموحه طولت عليج لان الشرح طويل
واذا ما فهمتي شي انا في الخدمه

بارك الله فيكم تبث الكرستال جربت الطرق الي قلتو عليها تبث بس عصبني هههههه
الله يجازيكم خير ما قصرتوا

ووالله ما شي اريح من جهاز تثبيت الكرستال من عند التاجرة سلرا او الاخت المؤمنة دوماً

شاريه وحده فأقل عن نص ساعه فصصت جلابيتي بالفصوص .. سهله ومريحه وما يبالها عباله شرات الكواية اللي تخافي انها تحرق لج القطعه

وبالتوفيج