السلام عليكم ماميز ،، شحالكن
بس بغيت اتخبركن عن الكميه الكافيه اللي تشبع البيبي ف كل رضعه
يعني ما شاء الله تبارك الرحمن بنيتي اعطيها صناعي وارضعها بحكم دوامي
الصناعي اعطيها ( مرضعة بيجون الصغيره ) مال 60 ملي تقريبا
واتم تصيح بعد وارد ارضعها من ما شاء الله ربي يحفظها
ماعرف طبيعي ها الشي ولا 
بس اوقات من ترضع وتشبع وكل شي ،، ترجع 
وااايد مب شويه ، يعني معروف اليهال يطلعون من الحليب شويه
بس هي وااايد يخووف
ماعررف طبيعي هالشي ولا لازم اوديها لدكتور!!
أختي , كم عمرج بنتج الله يحفظها؟ كمية الحليب تختلف على حسب العمر. ومادام تداومي فأكيد عمرها فوق الأربعين يوم, 120 مل حليب كل أربع ساعات معدل طبيعي لهذا العمر . والترجيع يمكن لأنها تشرب الحليب بسرعة وما تلحق تتكرع( تدسع أو تتجشأ) يعني تخرج الهواء اللي بلعته . ولو كان الحليب صناعي فقابلية الطفل للترجيع أكبر من لو كان الحليب حليب الأم .يمكن بعد تاخذ الحليب على فترات متقاربة فالحليب الأول ما يلحق ينهضم ويسوى لها تلبك معوي وترجيع , جربي تخرجي الهواء في نص الرضعة , غيري لها الحفاظ قبل الرضاعة ولا تحركوها وتشيلوها كثير أو حتى لا تحمميها بعد الرضاعة حتى ما ترجع .لو الحليب صناعي يمكن نوعيته ما مناسبتنها علشان كذا ترجع أو يمكن الحليب بارد .
أختي نقطة مهمة لا ترضعيها قدام حد وبالذات الشغالات .ولا تقولي قدام الناس بنتي تشرب حليب كثير , نصيحة ترى العين حق .ودايماً حصنيها , ربي يحفظها ويبارك فيها.
عيالي كانو يشربون بين ال80 مل و ال120 مل على عمر شهر ..
مشكورات حبايبي
بس انا بعدني توني مكمله ٣ اسابيع من ولدت حتى ماكملت الاربعين
يعني تقريبا ٢٧ يوم
بس بجرب اسوي مثل ماقلتي اختي وجدان
بس يعني لازم ف الرضعه الوحده اعطيها ١٢٠ مل
ولا ع حسب كل طفل !!
لا حرام وايد 120
معدتها ماتتحمل عادة موايد يشربون 30 ملل
لولاحظتي الحريم فترة نفاس يشترون رضاعات الي حجمها صغير بالكثير 30 ملل
120 هذا اذا وصل عمرها 6 شهور
احتمال اختي بعد انه ف بطنها غازات هذا الي يخليها تصيح
انا جربت هل دوا للغازات ممتاز للاطفال اعطيها منه قطرتين او 3 بالكثير
بس بسالج اذا براز الله يكرمج عندها لونها اخضر هذا دليل انه بعده عندها غازات وسخ في بطن هل يخليها تصيح وايد
اختي كتكوته
انا اعطيها رضاعه صغيره بس يوم تخلصها اتم اتصصصيح
وادووور صدري .. يعني احسها ماشبعت
عقب اعطيها اللهايه ماطيع تيودها وادر اضعها
… يعني الياهل لو مب يوعان بيشرب الحليب ولا مابيطيع
اللي اقصده انه هو يعرف يرد الشي لو شبعان
><
.gif "12 (62)")
.gif "12 (36)")
