الوسم: الكشخه

بس اباكم تناقشوني انا انسانه اتكشخ وبالعكس دوووووووم اتكشخ ..

يعني احب الترتيب .. بس المشكلة الكبيرة هي :

اكون مرتبة بس وايد قالولي لو تكشخين اكثر …

>< يعني انا اتكشخ عادي ..

ومب الكشخه اللي تعيب ربيعاتنا وجي ..

فخبروني شو اسوي وكيف تتكشون ..

وشو الستايلات اليديده انا ما اعرف وايد ><

وهي كيف تعرفون شو يديد الموضات ..

و شو اللي داق سوقه عند البنات

تراني ما عندي صديقات وايد .. ولا اظهر فكيف اعرف ؟@@

بتشوفين الالوان الدارجه والقصات واللبس..

بس انا من راي خلج مثل ما انتي بس تماشي مع الموضه باللي يناسبج.. لا تاخذين على كلام البنات..

فديتج الناس بس تبي تمشي كلامها
بعطيج مثال
في وحده قبل ما تزوج تحب تكشخ و تتعدل وين ما كانت و لما عرست خذت ناس يحبون الكشخه وااايد
و هيه ما كانت تكشخ واايد لان حميانها موجودين و حطت في بالها ( الله ثم زوجها و مراعاة لمشاعر حريم حميانها )
بس المشكله ان حريم الحميان مع حمياتها تم يتفلسفن ، انتي عروس و لازم تكشخين و لاخره من الكلام

فقررت اتسكتهم و رجعت تكشخ مثل قبل ( ع فكرة واايد تحلو بعد ما تتكشخ ) و اقسم لج بربي انهم الحين وااايد مضايجات بسبت هالشي ,, شفتي الناس كيف ؟!!!!!!

حبيبتي ..

الكشخه يبالها تعب ما اقولج ما يبالها

اهم شي ذوقج يكون حلو ، و اذا ما كنتي تعرفين ادخلي المنتدى و اكتبي الللي تبين تعرفينه
مثل المحلات اللي تبيع اشياء حلوه و من هالسوالف

الكشخه مب معناته فل ميك اب ، الكشخه بودره هااديه مع كلوس خفيف و بلشر و جحل هذا في الويه
تسرحيين شعرج ، لان الشعر هو اللي غير الشكل ( و الشعر يباله مجهود اللين ما تضبطينه )
ماشالله في بنات و بالاخص بنات الكليه استايلاتهن في الشعر خياااال

و لا تنسين الاكسسوارات و حاولي كثر ما تقدرين اطقمين

و راعي في كل شي رضى رب العالمين

و اقولج اول شي خلي ستايلج يناسب عمرج يعني لا تضحكين العرب علييج مثل ما قمنا نجوف بعض الحريم الله يهديهن !! خخ
و ثاني شي كل ما كنتي انيقة كل ما كنتي كاشخة !
اهتمي بالشعر اكثر لانه هو الي يغير شكلج و المكياج ما عاد مثل اول الووكات الحين كله الناتيورال لووك بس عاد مب جلحة ملحة مثل ما قالت الغالية العضوة غير الناس و خلي مكياجج مضبوووط و جذاااب ! و بما انه نحن في الصيف سوي بروونز او تان احسن ^_* و القلوسات ردت موضتها بشكل رهيييييب في عروض الأزيااء !!
اما في اللبس طبعا على حسب المووضة و اذا تبين تعرفين الموضة تابعي يديد المصممين و عارضات الأزياء و مواقع المصممين و اهم شي تابعي خطوط الموضة و الفاشن وييك في لندن و لبنان و غيره و خلج جريئة في اللبس !!

و الشوزات طبعا الكعب هو الأهم و دايما موضة و على حسي طوولج يا لوو هيل و لا هااي هييل و ممكن البلرينات او الصنادل او البووتات بس طبعا في مواسمهم و ويا الثياب و الي تناسبهم وعلى حسب المناسبة الي انتي بتسيريلهاا !!

اما بالنسبة للأكسسوارات احين بالقو نازلة النك لساات ( القعوود )الكبيرة بدون الأيرينغ طبعا (شغاب) !!
و اكيد لازم بريسلت (حيل !!) او خاتم و اكسسوار الشعر دايما مهم حطي هير باند (طوق كيووت) او فيونكة مع انها جدمة موضتها شوي بس لين احين مستهلكة و الورووود

و تسلمين و ان شاء الله اكون افدتج و السموحة ادري طولت >< !!

اخواتي انا من كنت صغيره احب الكشخه يوميااا اغير 3 ولا 4 كنادير ولا بدلات

والحين عرست وانا في بيت اهل ريلي وعنده اخوانه

وانا اكشخ قصدي من ناحيه الملابس ، ريلي ما يخليني اتمكيج بس الجحال عنده حلال

ع العموم اظهر جدام اهله وعندهم شباب في البيت احس شي غلط فيني

لازم هم موجودين في البيت يعني اشوفهم كل ما اطلع من قسمي

وانا من النوع اللي ما احب اظهر جدامهم

شو اسوووي ، اقعد في قسمي ولا اغير من طبعي

وانا كنت في بيتنا مول ما البس شيله وهني عندهم البس احس اني ملعوزه مع الشيله اخاف شعري يطلع برع ولا ايدي

وكلهم اولاد بس عندهم اخت صغيره

يعني انا البنت الكبيره فالبيت صار عندهم اخت ^^

المهم عادي فغرفتي اكشخ حق ريلي و راحتي واخر كشخه

بس يوم اعرف اني بطلع واقعد ويا عمتي داخل

اكشخ بس بحدود يعني البس شي مرتب واتجحل ومرات لا

لان مهما كان هذا بيتهم وبيكونون فيه 24 ساعه وانا بكون معاهم

صح اني حسبت اختهم بس مهما كان هذيل اولاد

يعني خلي كشختج بحدود غرفتج ولا تتعدين اكثر برع وانتي وياهم

شحالكم بنات

مم عندي سؤؤال شورايكم ف حنة صالون الكشخه وهيفا

ومنو احللى ؟؟

واللي عندها صور حنا للصالولين لا تبخل علي

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

بنات انا بسوي حفلة الملجة قريب ابا منكن اتساعدوني في بعض الامور

منو برايكم أحلى استوديو للتصوير ابا تصوير شرات تصوير الموديلز والفنانات يعني شي غير ويديد
ابا اعرف وين اسوي مسكتي ومكياجي وكل شي حتى ابا اعرف وين اخذ فستاني

بليز قولولي الاسماء مع الارقام اذا عدكم

بليز ساعدوني بأفكاركم ابا شي اسبشل انا أخر العنقود ف البيت واهلي يبون يسوولي شي مرتب وحلو
فياريت انكن ماتبخلون عليه بأرائكم

اترياااااا ردودكم….

ابا اعرف كل شي.. للي عندها خبره بليييز اتساعدني

للي يسألون انا من الشارجة

انا ان شاء الله ولادتي قريب .. وافكر اجهز لولادتي من دبي او الكويت .. بس محتاره وين بلاقي الي ابيه
وحبيت اسالكم .. انا ودي بملحف كفالي .. وين ممكن الاقيه عندكم؟؟
لاني سالت البوتيك عندنا قال ماعنده قال يمكن تلاقينه فمحلات اللي تبيع ملاحف ماركات ..
انزين وابي ملابس للبيبي .. كفالي وديور وغيره .. شنو محلات الاطفال اللي عندكم …؟؟؟
انا محتاره بين اني اروح دبي او الكويت شرايكم ..
ياليت اللي عندها فكره شنو اللي متواجد فمحلات الاطفال عندكم تفيدني …
اذا وحده شايفه سليبنج باج كفالي ياليت تقولي ..
ومشكورين مقدما…