السلام عليكم أخواتي المحترمات انا ماكنت حابه أعور رأسكم بقصتي لكن حبيت افضفض انا قصتي انا مطلقه وتقدم لخطبتي ريال متزوج وكان مسوي عمره ملاك نازل من السما وقالنا سبب زواجه ان حرمته مريضه بالسرطان بالرحم وصرله صابر على مرضها 4 سنين ومافي اي علاقه زوجيه بينهم وحلف مايظلمني ومايتركني مهما كانت الظروف واستانسنا فترة الخطبه واسسنا بيتنا وسافرنا شهر العسل تركيا وبعد 11 يوم من زواجنا نزلت زيارة عند اهلي وتركت ذهبي وملابسي في البيت اتصل فيني ريلي بعد مااتصله يومين ومايرد علي هو من ابوظبي وانا من الشارجه قالي ماابغيكي في بيتي لان يخاف يخسر حرمته وعياله ومع اني كنت خير زوجه معاه وماقصرت معاه اتعدله واكشخله وربنا الشاهد اني قدمت احسن مايكون وكان هو يسوي منع طبيعي ومايبغي اول فترة عيال وبعد يومين ماقلي اني ماابغيكي في بيتي ارسل لي ملابسي مع سائق تكسي ولم يرد لي ذهبي واكتشفت بعدها حامل وحاولت كثير للإصلاح معاه لكن بدون فائدة رفعت علي دعوة نفقه زوجيه وحمل بعد ثلاثة اشهر وعند ماكان القاضي يبغي يحكملي بنفقه قال للقاضي بصالحها وكتب تعهد ان يصطحبني على بيتي لكن هرب مني بالمحكمه ولم يصالح والتغت قضية النفقه والحين صرلي على هذا الحال 5 اشهر ونصف وهو هاجرني ولايكلمني ولاينفق علي ولا حتى حتى يبغي يعرف عني وعن ابنه اي شي الحين فكرت ارفع عليه قضية طلاق لان كثير حاولت للإصلاح وهو رافض وحتى يوم طالبته بذهبي أنكره أمام القاضي وقال بيحلف على كتاب الله ان ذهبي مش عنده وانا بعد ماسوى جذي معي اتصلت بحرمته وخبرتها بالسالفه وقلتلها ارجوكي لاتطلقينه وتخربين حياتج لان انا يلي بطلقه قامت حرمته سبتني وسوت بلاغ فيني هي وريلي بالشرطه والحمدالله الشرطه عرفو انه بلاغ كيدي واكتشفو من مسج انا مرسلته لريلي ان هو ظالمني وسبحان الله يوم سيرت الشرطه كنت خايفه وبعدها زوجة ريلي سبتني جدام الضابط وسبت الظابط وقامت اتبهدلت هي وزوجها اخر بهدله من الظابط وأصر علي الظابط افتح فيها بلاغ لكن انا مش راعية مشاكل وسامحتها وانا نفسيتي تعبانه وايد للعلم حرمة زوجي مريضه واكبر عم زوجي ب8 سنين ومافي اي علاقه بينهم زوجيه ومع جذي تركني عشانها وهي قويه كثير وحتى قالتلي سيري سقطي حملك وانا بالشهر السادس وهددتني اذا برد بيتي بترسلي ناس وبتسقطني حملي وانا تعبت وابغي اخلص من ريلي انصحوني شو أسوي
لج الله …يا اختي وحسبج ربي
يا حيف على الرجولة …ربج اقوى منها
وهو يومه مب ريال ولا يقدر عليها انتي ساكته ليش ..؟
حقج محفوظ عند ربج والدولة والقانون وياج ,,
طفلج لج …انتي امه ولازم تكونين قوية عشانه عشان تحافظين عليه
واذا هددتج سجلي كلامها ومسجاتها لعوزيها في الشرطة
الله اكبر على ظلم بعض البشر الله يفرجهااا عليج يا اختي
الله يفرج كربتك يارب
المشاركة الأصلية كتبت بواسطة قلب الذيب 
يا حيف على الرجولة …
حقج محفوظ عند ربج والدولة والقانون وياج ,,
طفلج لج …انتي امه ولازم تكونين قوية عشانه عشان تحافظين عليه
واذا هددتج سجلي كلامها ومسجاتها لعوزيها في الشرطة
الله اكبر على ظلم بعض البشر الله يفرجهااا عليج يا اختي
الله يسلمج اختي وعلى ردج صحيح ربنا اكبر عنها وعن ريلي الله يريحني منه واطلق لان صدق تعبت وطول فترة حملي وانا ابكي ومعصبه بسبب هجرانه لي
تزوجك عشان زوجنه مريضة واخرتها رماكي,,, حسبي الله ناس ما تخاف,, ما وصل لك بالحرام وصل لك بالحلال وبعدها سابك,, شو هالناس الظالمة,,, الله فوق هم ما حاسبين حساب لاحد,, لا تستسلمي وخذي حقج
حسبي الله ونعم الوكيل
قريت نفس قصتج بالضبط بالمنتدى؟؟ ما استبعد انه يكون نفس الريال !!
شو سالفه الرياييل الي يجذبون ويمرضون حريمهم بهالامراض عشان ترضى الوحده ترتبط فيه والا شو بالضبط ؟؟ انتي متاكده انه زوجته مريضه؟
لا تسكتين عن حقج ابد .. الحمدلله ف بلدنا ماخذين حقوقنا واكثر ..
والله يفرجها عليج
الله يعينج