الوسم: الكحيلة

تم مسح الرسايل امريني

السلام عليكم خواتي
من بعد ما أكتشفت إنه أغلب أو كل الكحل ألأسود الفاحم يلي عندي فيه نسبة رصاص تخلصت منهن ومن 3 شهور عيني ما أرتوت بالكحل أخاف عيوني تتأثر ..
شو أفضل كحل ماركة تعرفونه خالي من مادة الرصاص.. حد من الأهل قالولي أسير أريج بس نسيت شو الماركة يلي قالولها… يلي تعرف في العين أماكن تقولي
العيد ما بقاله شيء وأبا عيوني ترتوي بالكحل وأصير مزيونة العين

ان شاء الله اخواتنا فالعين يفيدونج

حبيبتي جربي كحل اصراي معروف طبيعي

أنا أستعمل كحل من ماااك واااااااااايد زيــــــــــــــــن

أسود فحم ومايسيح أبد ولا يلطخ الوية

للرفع

انا استعمل كحل نيفيا الرول واااايد يعيبني ومدحولي كحل مال بس ما جربته وحاطه فبالي آخذه هالمرة

بنات منتداي العزيزات انا عضوه جديدة وعندي مشكلة بغيت اعرضها عليكم وهي:
أنا متزوجة من ثلاث شهور مشكلتي ريلي يضعف لما يشوف العين الكحيلة المغرية طبعا يعني كل ما نطلع ما يلتفت لاي وحدة الا للي حا طة هالكحل الاسود والاينير مثل اللي نجوفهم هاليومين فالسناتر انا وااااااااااااااااااااااااااااااااااايد اغار من هاالشي لدرجه كنه في مطعم وما نزل عيونه من وحدة يالسه جدامنا مجحله جحال ينجاف عن بعد ميل … علما ان ريلي كان يطلب مني في فترة الملجة اني احط نفسهم لين احين احط بس مب دوم يعني مرة فالاسبوع …. فبليز قولولي شو اسوي,,,,,,,,,؟

حطيله دوووم يوم ان ريلج من النوع اللي يحب العيون المجحلة .. ولا عيل لا تلومينه يوم بيشوف الغير وانتي ماتحطيله الا فالاسبوع مرة

الأمر وايد سهل،
حطي له دوم،، عشان ما يتبصبص،، وبعد ترجعين وتلومينه،،
شدي الحيل ،،

انا من راايي تحطين هالجحاااااااااال كل يوووم لين ما يمل ويقوولج لا تحطين واذا تبين يشووفج اكثر البسي كل مرة عدسة يعني يوم بنفسجي ومرة اخضر ومرة ازرق ومرة بني ومرة رمادي واجحلي وانتي لابسة العدسة وان شاء الله ما بيشووف غيرج

المشاركة الأصلية كتبت بواسطة القمزية

حطيله دوووم يوم ان ريلج من النوع اللي يحب العيون المجحلة .. ولا عيل لا تلومينه يوم بيشوف الغير وانتي ماتحطيله الا فالاسبوع مرة

كلامها صحيح يوم بيشوفج متكحله ليش يطالع برع وانت عيونج له

الغاليه….

وسويله اللي هو يحب يشووفه في البنات

كلامي من كلام القمزيه !

العمر