الوسم: الكاسترد

حبيبتي اكتشفت حاجة تجنن وحبيت اشارككم فيها

الكاسترد بالحبة الحمرا

3 فناجين حليب نيدو بودرة
3 فناجين سكر
فنجان حبة حمرا تنقعينه بماء لمدة ساعة كاملة قبل
فنجان بودرة كاسترد
غطاء ماء ورد
شوية زعفران

ومقدار ماء دلة متوسطة

وتخلينهم يطبخون مع بعض

وبعدين استمتعوا بالمذاق الرائع

اتمنى منكم دعوة لي بالذرية الصالحة

المشاركة الأصلية كتبت بواسطة Bent_elsharjah

شو الحبه الحمرة؟

حبوبة الحبة الحمرا
اللي تشوفينها في الحسو

تعرفين الحبوب اللي بالحسو؟ هي الحبة الحمرا

علبة قشطة
4/3 كوب سميد

4/3 كوب جوزهند
4/3 كوب زيت
4/3 كوب سكر
ملعقه كبيرة بيكنج باودر
2 بيض
شيرة خفيفة

♨ طريقة التحضير والطهى :

اخلطي جميع المقادير السابقه في الخلاط حتى تتجانس
احضري القالب وادهنيه بقليل من الزيت ثم ضعي نصف المقدار السابق في القالب وادخليه الفرن من أسفل فقط حتى يتماسك تقريبا 12 دقيقة ثم اخرجيه من الفرن
الحشوة : 1كوب حليب سائل1 علبة قشطة، 2ملعقة كاسترد ، 3ملعقه سكر
توضع جميع مقادير الحشوة على النار حتى تتجانس وتثقل
ثم توضع على طبقة البسبوسة انتظري 3 دقائق حتى تتماسك طبقة الكاسترد
ضعي باقي مقدار البسبوسة الباقي في الخلاط ، وأضيفي ملعقة ماءإذا كان الخليط ثقيل
بعد ذلك ادخليها الفرن على نار هادئة من الأعلى حتى تحمر وضعي القليل من الشيرة " قطر "وقطعيها وقدميها بعد أن تصبح باردة

منقووووول

( مقاديره وطريقته)

كاسترد
سكر حسب الرغبه
زعفران
هيل مطحون ناعم
حليب بودره يذوب مع ماء(افضل الحليب البودره اكثر فى الشراب الساخن ام الكاسترد البارد افضل حليب سائل طبيعى يصير ألذ)

(طريقتها ومقاديرها)

شعيريه باكستانيه (يكسر كسرات صغيره)
كاسترد
حليب بودره وماء
هيل
سكر
مكسرات مجروشه

خاشوقتين ونص كآستر
حليب مراعي طازج نص لتر ..
الشكر تفنني فيه .. لاني احبه حلوو احط اكثر عن فنيآن شكر .. تقريبا 5 =)
هيل وزعفرآن ..

اول شي حطي الغوري وصبي فيه الحليب وهو بارد وضيفي الكستر على طول وتمي حركيه لين يحر شوي وعقب ضيفي الهيل والزعفران والشكر ..
خليه عالنآر لين يغلض شوي .. وارفعيه من النآر بس ..
واذا حبيتي تضيفين الحبه الحمرآ ضيفيها مع الكستر بعد ماتكونين مودنته ف المآي قبل *

وصبيه فالدله .. وبالعافيه .. هآي طريقتي وان شاء الله تفيدج

انا سويته من مخي .. طبعا عقب ما قريت وايد في النت بس كنت ابا القياسات بالضبط

اول شي حطيت 4 خواشيق نيدو في 3 ونص اكواب ماي
وخليته يغلي

ويبت خاشوقتين كاسترد وذوبته في نص كوب ماي

وعقب حطيت الكاسترد على الحليب وخليته لين ما يغلظ شوي

وحطيت فنيان ونص شكر ، ونص خاشوقه صغيره فلفل اسود

وخليته لييييييييين ما يغلظ

واخر شي حطيت شوية هيل .. وصبيته في الدله

اول شئ المقادر :
لتر ونص حليب طازج + 2ونصف فنجان حبة الحمرا منظف ومغسول + سكر حسب الرغبة + 2 ونص ملعقة كاسترد+ هيل وزعفران
الطريقة:
نصب الحليب في الجدر
وعقب الكاسترد بس لاتخلين الحليب يسخن على طول حطي الكاسترد والسكر على حسب رغبتكم مع الخلط المستمر ويوم بيدا يسخن نحط حبة الحمراء ونخلطها زين وعقب انحط الهيل والزعفران
وانخليهم اشوي وبعدها نخلطهم وبس بعدها اتصبينهم بالدلة ونقدمها

الي اعرفه انه اول شي اتسوين الجلي ومن يبرد ويجمد اشوي اتقومين اتحطين فوقه الاسكريم

اممم بعطيج الكميه الصغيره ل 4 او 6 اكواب

2 كوب ماء + 4 خواشيق نيدو + 2 خاشوقه بودره الكاسترد مليانه عدل

خلطيهم عدل بعدين ع نار خفيفه لين يغلط شوي و تقدرين اتزيدين الكاسترد لو تحبينه غليظ و متماسك ..

تمي حركيهم عالنار لين يتماسك

و في خلاط الكيك ( 1 قشطه + 2 جبن كيري + 2 دريم ويب ) الدريم ويب ع كيفج حسب الحلاه اللي تحبينها

خلطيهم عدل لين ما يتجانس وياج بعدين صبي الكاسترد اللي طبختيه ع النار لكن عقب ما يكون تماسك .. ردي خلطيهم ويا بعض

بعدين صبي فالاكواب و حطي بسكوت ولا كيك اي شيء تبينه

ملاحظه // اذا تبين الكاسترد يتم كريمي غطيه بقرطاس شفاف بحيث يكون لازق فيه

و بس

تشترين علبة الكاسترد البودرة من الجمعية

و اول شي تخلطين خاشوقتين مع شوية حليب تقريبا ربع كلاص يعني فقط تذوبينه

و تحطين الحليب كمية نصف لتر على النار و يكون مخلوط بالسكر و تفورينه عادي

و قبل لا يفور بشوية تصبين الكاسترد اللي خلطتي قبل مع القليل من الحليب و تمين تحركينه لين يتماسك

إذا شفتيه ما تماسك ضيفي شووووية فقط من الكاسترد و رجعي حركي و خلاف حطيه فالثلاجة يبرد شوية

تقريبا 5 دقايق بس ..هذا اذا بغيتي مثلا تسوين به حلويات او تحطينه في الكيك او تورتات ..

اما للاكل بروحه حطيه فقالب و اصبري عليه لين ثاني يوم او 4 ساعات اقل شي و هنا و عافية .