الوسم: القليل

هل الماء القليل حول الجنين يأثر على الطفل والولاده ؟؟؟؟

السلام عليكم خواتي شخباركم

بغيت مساعدتكم

أنا اليوم سويت التصوير الرباعي (4d ) في المستشفى وتقريبا أنا ألحين في نص الشهر السابع ، بس بين من التصوير إنه الماي مب وايد وملامح البيبي مب باينه عدل لآنه لاصق على جلد البطن.

ألحين أنا محتاره مب عارفه هل هذا يأثر على الحمل وعلى الطفل ، وفي هالحالة كيف تكون عملية الولاده ؟ أنا الأسبوع الياي عندي موعد مع الدكتوره

أرجو الرد حبيباتي علشان أطمن

ان شاء الله البنات يفيدونج بس حبيت ادعيلج ربي يطمن قلبج ويسهل عليج

و الله ما ادري .. الله يعينج و ربي يسهل عليج

ان شاء الله البنات يفيدونج بس حبيت ادعيلج ربي يطمن قلبج ويسهل عليج

ليش ما تسيرين عند زينب الشنار والله بتعيبج وان شاء الله بطمنج … سيري اطمني احسن

ماعندي فكره وإن شاء الله الخوات إيساعدونج للرفع

اب
اب

عضوه جديده تطلب المساعده ولو بالقليل

[

B]إلى كل العضوات:[/B]
السلام عليكم ورحمة الله وبركاته
أحب قبل ما أبدأ أني أعرف بنفسي:
أنا أم غيث وهذه أول مشاركه لي وياكم في هذا الموقع إلي أكثر من رائع.
طالبه مساعده منكم لأني لاحظت انه الجميع يساعد بعض……………….
أنا بيتي جديد وأبي مساعدتكم في اني أضيف اللمسه الأنوثيه في منزلي :22 (16):
فالي عندها خبره ياليت تفيدني في هاذا الشي………………………………….
وجزاكم الله ألـــــــــــــــــــــــــــــــــــــــف خير

هلا بج اختيه
قبل كل شيء بالبركه عليج البيت وان شاءالله تكوني عضوه لا بل اخت غاليه علينا
وبالنسبه لموضوعج ماعرف كثير انا بعد جريب بروح بيتي وفكرت مثل تفكيرج ابي لمسه غير
بس تدري
انا فكرت اييب شموع ملونه عطريه مع ورد مجففه
طبعا ريال البيت او اللي ياثث البيت ياخذ الاساسيات وماظنتي حد يفكر بالشموع
مدري يمكن عطيتج فكره يمكن تكون مكرره بس هذا اللي عندي
السموحه اختيه
فمان الله

مشكــــــــــــــــــــــــــوره….. وايد يا أم شمسان
وجزاك الله ألف خير
يكفي انك ع الأقل قريتي موضوعي….

الله يعطيج العافيه

حياج الله أختي أم غيث
بعطيج بعض النقاط لتزيين البيت أتمنى تعجبج
1. أحواض السمج مب التقليدية حطي شي يديد



2. تزيين الحمامات بالشموع والستائر

3. نباتات منزلية

4. المرايا


5. الشموع



الفواحه

6. اللوحات

هذا اللي عندي وياريت يعيبج

سوري..ماعندي خلفية بمثل هالمواضيع…إن شاء الله البنات مايقصرون معاج..ومبروك عليج البيت اليديد..

مبروك عليج البيت اليديد ….

يا ريت لو تحطيلي خريطة البيت عسب اعطيج الأفكار .. والألوان …

:
:

تسلمين الغاليه نحن خوات

وهاي شوية الافكار اللي انا بديت اشتغل فيهم لبيتي

طبعا الافكار مستوحاه من النت عباره عن صور بس انا طبقتهم عملي

ومن هاي الصور خذت الافكار

وهاي عباره عن اصيص زرع حطي فيه ورد مجفف مع شمعه بالريحه المعطره بالوسط وعقب لج الحريه بتزين الاصيص باللي تبينه انا سويته بالخيش ورشيته باللون الذهبي وزينته بالكرستال او ممكن الحجر الملون او الاوراق او الورد المجفف ،،

وبعد لمدخل الصاله ممكن اذا انتي محطيه اشجار صناعيه او حتى طبيعه تسوين هالحركه فيهم بالجره لفيها بالخيش بيطلع رووعه انا مسويتنها حق بيتنا رووعه طالعه الكل ينشد عنها وانتي اتفنني عاد ،،

وهاي حركه ثانيه هب بالخيش اللي يكون قطعه كامله هاتي الخيش وطلعيى امنه الخيوط وعقب لفيها برم مع بعض ولصقيها على الجره بشكل عشوائي وحلو بيطلع لو حطيتي به شويه شغلات ثانيه مثل الخشب او الشير الورق او حتى الزهور المجففه ،،

:
:

والسموحه الغاليه

.

ابغي من خبرتكم القليل

هلا خواتي شحالكم وشحال عيالكم

الغاليات .. عندي بنتي عمرها 8 شهور وانا اعطيها حليب صناعي

المهم من فتره ياها امساك وهي عادة وانتو بكرامه تسوي ( البراز )مره فاليوم وهالشي زين مع الحليب الصناعي

المهم من فتره وهو مستوي صلب والبنت تعاني يوم تسويها لدرجه انها ترجع وهي تحاول تسويها .. مع العلم اني اعطيها من اكلنا عادي مع وجباتها المهروسه طبعا

قولولي الله يجزيكم الخير كيف اعالج هالشي وهل اترك عنها اكل معين ؟

انتظركم خواتي

خففي لبودره او زيدي الماى

ما تشوف شر ان شاء الله
الله يحفظها لج

الغالية كيف تعطينها من أكلكم؟؟؟

في هالعمر المفروض إن ما تعطينها من أكلكم…حتى لو هريس أو من هالسوالف…

لأنه ثجيل عالياهل وأغلب الأكل كله دهون…

حاولي هالفترة تبعدينها عن الأكل إلي أيبس البطن…مثل البطاطا والروب والموز…

عطيها عصير برتقال…واستشيري الدكتور…

شربيها عصير برتقال يلين بطنها

سوايل وكثري ماي ومانجا

والله يشفيها

ان شاء الله خواتي .. انا ما قمت اعطيها من اكلنا …

والحليب اعطيها بس 3 مرات فاليوم

والحمدلله احسها بدت تتحسن .. يزاكم الله خير

ما قصرتوا

حاولي ما تلعبين بالحليب لاتزيدين ولا تنقصين في البودره ولا الماي

عطيها 3 رضعات حليب +3 وجبات خفيفه تناسب سنها مب مثل اللي تاكلونه لان البهارات والدهون تسوي لها تلبك في المعده

وحاولي تلينين بطنها بالاكل مش بالملينات لانها تسوي خمول في الامعاء وتزيد الامساك

عانيت وايد ويا بنتي عمرها 4 سنين ومن الولاده وهي دوووم امساك والحمدلله الحينه امورها طيبــــه

حاولي تاكلينها خوخ اذا كانت وايد تعبانه بس اذا توسخ كل يوم مره وحده الحمدلله زين

الله يحفظها ويخليها لج ان شاءالله