الفكره الأرشيف - امارتيات الخليج

شو رايكم في هالفكره

السلامــ عليـــكمـ ورحمـــهــ اللهـ وبركـــاتهـ….

انا احترت شو اسوي حق ريلي هديه ويتني فكره قلت بشتري دفتر حلو او مذكره حلوووه
وبكتب فيها كلام حلو وبسوي حركات
بس المشكله انا قعدت ادور كلام حلووو مثل اشعار الحب ما حصلت وايد
انا ما بكتب كله اشعار بكتب بعد كلام من عندي يعني بنــوع …
المووووهمـ
انا بغيـــــت مساعدتكم ^_^

يالله كل وحدهــ تستوي شطورهــ وتكتب لي شي حلو

وان شاااء الله تعيبكم فكرتي ويمكن بعد تسون مثلي

ان شاااء الله يااا الغالية
الله يديم بينكم المحبة ياااارب
انا عندي وااايد اشعااار حلوة بس حقووق النشر محفووظة بس بشووفج لكم من قصيدة واعطيج ايااهاا شوفي منزلة قصيدة حلوة دوري في مواضيعي
وان شااااء الله اروم اسااعدج في ها اليومييين اسويلج وحده حلووة

اللهم صلي وسلم على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى آل ابراهيم

في العالمين انك حميد مجيد

ويييييييييييييييينكم يا بنات المنتدى ؟؟؟

المشاركة الأصلية كتبت بواسطة بنوته—

ان شاااء الله يااا الغالية
الله يديم بينكم المحبة ياااارب
انا عندي وااايد اشعااار حلوة بس حقووق النشر محفووظة بس بشووفج لكم من قصيدة واعطيج ايااهاا شوفي منزلة قصيدة حلوة دوري في مواضيعي
وان شااااء الله اروم اسااعدج في ها اليومييين اسويلج وحده حلووة

مشكوووور حبيبتي على مرورج الحلووو واترياج تكتبين لي شي حلو من ذوقج
تسلمييين

وووووووووووووووووووووووووووووووووينكم ؟؟؟؟
اهئ اهئ محد سوالي سالفه

( سبحان الله وبحمده ، عدد خلقه ، ورضا نفسه ، وزنة عرشه ، ومداد كلماته ) ..

يا امهات شو رايكم بالفكره ^_^

السلام عليكم ورحمه الله وبركاته
اشحالكم عساكم بخير
عندي فكره للامهات لاطفالهم اللي يلعوزون امهاتهم
الفكره هي
اتيبين لوحه وتقسمينها على عدد اطفالج وتحطين صورهم في كل خانه
وتشترين استكرات او نجوم واللي يسمع كلامج وما يلعوزج ويرتب سريره وما يسوي مشاكل حق اخوانه تحطين في خانته نجمه وكل ما يسوي شي زين تعطينه نجمه واذا زعلج وما سمع كلامج اسحبي منه النجمه وفي نهاية الاسبوع الشخص اللي حصل على اكبر عدد من النجوم تعطينه هدية
وبهالشي هم بيتنافسون على الافعال الحلوه…
ان شاء الله عيبتكم فكرتي
واللي عندها مشكله مع اطفالها تخبرني وان شاء الله بساعدها
والسموحه

حلوووه الفكرة ان شاء الله راح اطبقها ملعوزيني بعنادهم…

واااااااااااااايد حلوه ..

مرت أخوي مسوتنها حق عيالها .. و واااايد يحبونها ويستانسون يوم تحطلهم نجمه ..

هذي انا مسويتها لعيالي ونهاية كل اسبوع نشوف من احسن فيهم وبالفعل وايد تنفع معاهم وخاصة مع الاطفال من عمر 4 الى 8 الكبار ما تنفع معاهم

فكرج حلوه…. بس انا مسوتنها بطريقة ثانية مسويه مربعات ثلاث جداول او اكثر وفي نهاية كل خانه حاطه نوع الهدية …وفي كل خانه تحط استكر لين تجمع العدد وتصل للهدية الي حاطتنها لها مثل صورة فراوله او ايسكريم او هدية مغلفة او اي شي تحبه ..
الصراحة مريحتني اسوي الي اباه … علشان تحط الاستكر

حلوووه الفكرة ان شاء الله راح اطبقها

حلوه الفكره
ان شاء الله بطبقها يوم بيكبرون اليهال

شو رايكم في هالفكره للمننز

السلام عليكم

اشحالكم

الصراحه ابا حل للمنز
لان ولدي يشرد منه وما يرقد في الليل ابا فكره اسويها عشان وا يروم يعفد منه

للعلم المنز لعمر 4 سنين وولدي عمره سنتين

ريلي يبا ايب شبك ستانليس ويغطيه من فوق الصراحه مب عايبتني الفكره لاني احسه بيستوي سجن

انتوا شو رايكم

هههههههه وحليله شبك مره وحده اخاف يستوي طرزتن ويكسره ويشرد"
ما اترومين الا اتعودينه كل ما يشرد اتردينه ولا تملين وتستسلمين بسرعه يعني لو شرد عشر مرات فليله رديه مكانه وبتستمرين فترة وياه لين ما يتعود ويعرف انه ما شي مفر ولازم يرقد "هذا هو الحل"

لا لا حرام والله ههههههههه مسكين غمضني
انا ولدي سنتين ارقدهفي حضني ويم يرقد اشله احطه في منزه

ولدي كان يرقد بمطام وفي المنز

بس من شهرين اتغير نظامه الي معتبني انه يرقد الساعه 3 او الفجر اليوم رقد الساعه ست ونص وهو ما يرقد في النهار انا عرضته على دكتور قال لي عادي

بس المشكله يشرد ويطلع على الشربيه وييلس يعضنا وينقز فوقنا انا ما اتحمل بطني كبر وما اتحمل الرفسات ويلسته على بطني ويمط شعري وينم جي ليسن يرقد للفجر وغير جي انه يستغل انه راقدين يدور على اي شي ممنوع يصحكه شرات الدوا او مقصات يدور الخطر

الصراحه تعبت من السهر وانا ما ارقد لا في الليل ولا في النهار ويستوي عندي ضيق التنفس من قله النوم

السلام عليكم خواتي،،،

اختي لاتخلينه ينام في النهار،، وراقبي اكله،، المعلبات والاكلات الصناعية والسكريات وحتى حليب الاطفال الصناعي يخلي اليهال عندهم نشاط زايد ويقلل نومهم،، تأكدي انج ماتشربينه قهوة وشوكليت بعد!!!

ركزي على الخضروات واللحوم في أكله
الفواكه والعصاير الطازجة في النهار بس،، ممنوع بالمسا

وعطيه كمية كافيه من الماي خاصة ان احنا في الصيف حتى لو ماطلب منج (قلة الماي تسبب إما خمول أو قلة نوم)

وقت النوم قفلي بابكم عليكم وبندي الليت بعد ماتطحطينه في سريره وتغطينه من الخوف بينام

ولدي اصغر منه لكن اتبعت معاه هذي الخطوات بعد كم يوم اعتدل في نومه،،

ونطه على البطن نفس الشي في شهري الثالث والرابع غير طبيعي ينط على بطني،، وحتى وهو نايم يقوم ويعق عمره على بطني حتى خفت عليه قلت يمكن ملبوس ههههههه الله يحفظه يارب
بس الحين الحمدلله،،

لاتسهرين إلا بعد ماتنومينه،، اذا شافج صاحيه ماراح ينام حتى لو كان فيه نوم

الله يوفقج

ااااااب

أنا بقولج على شي .. بما انه ما شاء الله عمره سنتين فانتي حسسيه انه صار كبير و سيري اخذيله شبريه على شكل سياره مثلا و قوليله الحين انت صرت كبير و بنشتريلك شبريه نفسنا و ارقد فيها ..

أنا ولدي قبل لا يكمل السنتين بشهرين تقريبا خذت له شبريه على شكل سياره واستاااااااااانس عليها وفكني من صدعة الرقاد و كان كله يبا يرقد ويانا في شبريتنا بس من عقب ما خذناله شبريه ودرنا خخخخخخ

شرات هالأشكال بتحصلين منهم في مركز حديقه الاطفال في الشارجه و شي بعد في رويال للمفروشات و هوم سنتر و هو أر أس .. أشكال وألواااان … خذيله وصدقيني بيلصق فيها و بتفتكين من الصدعه ^^

فكرتي ^_^بطبقها عقب ماربي مادامت في خاطري بس شووفن الفكره

بنات

يتني فكره

شفتوووو ستايل الدريس الكااامل ( ممكن الدرع اليمني ) او العبايا السادة الاسترتش او القماش العادي ..

بس ب فتحة للحزام؟….

ونلبس معاها اي نوع حزام يناسب جسمنا ( حزام جاهز) من الي فالدو او الماركات الثانيه ..

يعني نطقم الحزام مع الشووووز….

وحزام ضعيف او عريض حسب الاجسام …

وحسب شوو الموضه .. جلد او خامه او ترترز ….

وفنفس الوقت عمليه للكشخه وتطقيم الالوان ..

بس الحزام يرص من جدام صوب البطن ,, ويدخل فالفتحات الي عالجوانب ,,

يعني ورا واسع ..

تخيلوووووووووووهن بليز ^_^ انتظر رايكن ..

ترا الفكره ممكن تضبط مع عباه او مع دريس طويل

من ناحية العباه الاسود ممكن يناسبه اي لون …

بس الدريس ممكن تضاد الالووان..

يعني لو دريس احمر حلو الحزام الاسود او الابيض او الاصفر والجوتي نفس الشيء ..

ولو دريس ابيض ممكن يتركب معاه اي لون ولون الشوز نفس الشيء مع الحزام وجيه .. حسيت الاستايل بسيط بيطلع بس تناسق الالوان فظيع..

وممكن الحامل تسوي العباه مع الربطه شيفون بس تعليها عن البطن وتخليها تحت الصدر ,,,

وممكن الوحدة اطقم اللبس الي تحت مثلا اللبس ابيض والحزام اصفر وتلبس كعب اصفر ,, وتلبس الحزام للعباه ويوم تروح مكان بتعق العباه بيكون نفس الحزام والكعب للعباه والدريس .. ^_^

وااايد حلوووو
وانا سويت هالحركه من قبل وطلعت وااااو

نفس فكره لبسي هالعيد من ورا واسع والقطعه سترج والوسط حزام

وااايد حلوووو
وانا سويت هالحركه من قبل وطلعت وااااو

^_^ احسبه ستايل وحلووو

مشكوووووووووووووووووره ام كنه ^_^

ابا اسويها بس ماقدر احينه بيطلع شكلي غلط ,,

حلوه ..

للرفع

مسويتها حق عباه

كنت محتاره شو اهدي ريلي ويت هالفكره فبالي (( ابا رايكم ^^ ))

السلام عليكم

شحالكم خواتي

كنت محتاره شو اهدي لريلي للعيد الي طاف
وكان فبالي 3 اشياء

يت فبالي هالفكره

خذت 3ظروف
وطبعت اسم كل شي الي فبالي على روقه وحطيتها بالظرف

وعقب عاد زينت الغرفه و هالسوالف
وانا تعدلت ولبست فستان قصير لونه ابيض

وصل ريلي

وخليته يختار واحد من هالاظرف
وعقب ما اختار عطاني الظرف (( طبعا ما فتحه ))
وانا فتحته وشفت شو الي اختاره بدون ما اهم يعرف شو الي داخل

وليله العيد عاد غلفت الهديه وعطيته

وهذي صور الغرفه ^^

(( هذي صور الاظرف على الشبريه ))

من قريب

والسموحه
قولوا ماشالله
وادعولي ربي يرزقني الذريه الصالحه ^^

ما شاء الله

الله يخليكم لبعض ويرزقج الذرية الصالحة

وعلى فكره عجبتني فكرتج

ربي يكتب لج اللي فيه الخير

ماشاء الله ربي يهنيج ويسعدج يارب

الله يرزقج الذرية الصالحة وكل محرووووووووووووووووووووووووم

ماشاء الله ربي يهنيج ويسعدج يارب

حلو
الله يرزقج بالذريه الصالحه

شو الافضل جامعه ولا كليه!! . الفكره العامه

بسم الله الرحمن الرحيم ..

السلام علييكم ورحمة الله وبركاتة

بنات انا الحين متنننحه بين كليه وجامعه ..

وبصراحه انا مب من النوع الي يدح دح ..

يعني دراستي فالمدرسة .. وسط يعني مب بيرفكت

بس دام حد وكلني ع حاية بسوويه بكل فن ..

بس ما احب ادرس ..

شو تنصحوني كليه ولاجامعه ..

لان في كورس فالثانوية العامه … عدنا فالاسكول ..

اخذ .. كورس يعتبر نص سنه تمهيد للكلية .. يعني بدال ادرس فالكلية 4 سنوات ادرس 3 ونص..

لو خذت هالكورس الحين فالاسكول كل سبت … خلاص ما اقدر ادش جامعه …

شوركن بنات ؟؟

الله اييسر امورج الغلا

عن نفسي وكوني طالبه في الكليه

دراستنا غير عن الجامعه واكثر شي تعتمد على الشغل والبروجكتات مب مثل الجامعه كتب وحفظ وفهم

نحن عندنا اشتغلي وافهمي من شغلج وغير جي يطلعونا برع الكليه للتدريب قبل السنه الاخيره ( مب بس وورك بليسمنت)

وتدريس اللغه في الكليه وايد اوكي خصوصا من الفاونديشن لين ما تخصلين بتشوفين عمرج اوكي في الانجليزي

بس قبل لا تقررين صلي استخاره وربي يوفقج

حبيبتي أذ أتشدين حليج هي تقدرين ترا نحن بعد ع الايام المدرسة يدوب نكتب كم كمله وبعد كنا نحفظ الرايتغ
والواحد بين يوم وليله يتعلم يامه ربيعاتي قالو لي أنتي بتدخلين كلية بس أصريت ع الجامعة والحمدلله دخلتها و اموري ميسره الحمدلله مافي شي أسمه مستحيل وما اٌقدر – لا هذا مب مستواي الحين الواحد يقول أنا اقدر وراح أبين لكم قدراتي

والله .. مب عاارفه انا ف وقت حرج ..

وحدد مستقبلي من اختيااري..

ان شاءالله بصلي صلاة استخاره ..

وعسى خير ان شاءالله ..

بس انا حابه استفييد ..

من كل بنت دشت كليه وجامعه ..

موفقة ان شاء الله

ربي يوفقج أختي

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

شو الافضل جامعه ولا كليه!! . الفكره العامه

بسم الله الرحمن الرحيم ..

الله اييسر امورج الغلا

عن نفسي وكوني طالبه في الكليه

والله .. مب عاارفه انا ف وقت حرج ..

وحدد مستقبلي من اختيااري..

ان شاءالله بصلي صلاة استخاره ..

وعسى خير ان شاءالله ..

بس انا حابه استفييد ..

من كل بنت دشت كليه وجامعه ..

موفقة ان شاء الله

ربي يوفقج أختي

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

حبايبي شو رااااايكم بهالفكره .بتساااااااعدوني بتنفيذها.

أرجو التثبيت……. خواتي حبيت اليوم نتشارك بهالفكره لأني بصراحه حابه أتعلم وأستفيد من سيدات راقيااااات مثلكم وفكرتي تكون عباره عن مشاركتنا لبعض عن أساليب الضيافه وفنونها كنا دايما نتكلم عن لبسنا وكشختنا وغيره طبعا بس حابه اليوم نغير ونتكلم عن طريقة أستعدادنا لأستقبال ضيوفنا مثلا وأكيد نظافة البيت والدخون والأكل وأذا تفاجأنا بضيوف المفروض شو أسوي أو المفروض شو يكون عندي جاهز لمثل هالمفاجأاااات أتمنى تكون فكرتي عجبتكم ووصل لكم قصدي وبهالطريقه بنتعلم من بعض الأتكيت وغيره . والسموحه منكن غالياتي

فكرة حلوة

اذا يوني ضيوف فجأة
ع طول ادخل اغير لبسي والبس شيء راقي اتعطر
و اذا ما كان عندي شي طيراااااااااان ع الجمعية او اطرش حد يسير اييب لي الاغراض اللي اباها

وطبعا لالالالالالازم المكان دوم يكون نظيف عسب ما اتفاجأ اذا حد ياني والبيت مب مرتب

وطبعا مثل ما قلتي الدخون هذا شي صار روتين عندنا لالازم ندخن البيت يوميا

وان شاء الله البنات يفيدونا اكثر — ما يحضرني شيء حالياً-

فكره حلوة . . .

نتريا إبداعاتكم

أنا مااااااااااا أداني يطبون عليّه الضيوف فجأة
.
.
.
طبعا بستقبلهم وبرحب فيهم وبيلس دقيقة وعقب
بستأذن ، بسير أحضر لهم الفوالة ، والجاي والقهوة ،
والمكسرات ، وإذا شفت يلستهم بتطول بتصل
بالمطعم عشان اييب عشا إذا ما كان في وقت إني
أزهب لهم عشا في البيت ،,

فكرتج وايد حلوه
ما يحضرني شئ غير عن اللي قالوه خواتي

وربي يعطيج العافيه

تحياتي للجميع

فكرتج حلوة….(بس انا ما احب ايوني فجأه موب حلوه فويهي)
وحاليا ما يحضرني شي
لي عودة

تبـــين يكون عندج ستيك طري من داخل !! شوفي الفكره :

السلام عليكم خواااتي ..

ملاحظه هالفكره إطبقينها قبل الطبخ بـ ساعتين ^^

هاي طريقة قبل ما تسوين الستيك ،، بيخليها طريه من الداخل :

إتيبين كميه متساويه من الزيت

والخل :

تخلطونه مع بعض

تمسحيبه قطعة الستيك :

وتخلينه مدة ساعتين قبل ما تطبخينه ..

وبالعافيه عليكم ..

قبل لا أنسى واللي حابه تنقل الموضوع تنقله مع ذكر المصدر لأنه من تجميعي ^^.

مشكورة عالمعلومة المفيدة
تسلمين الغالية

ماقصرتي

يسلمووووووووووووووووووووووو

مشكووورة
يـعـطـيـكـ الـعـافـيـهـ

تسلميييييييييين

ذكرتني هالصوره بواحد طباخ اجنبي اونه طابخ ستيك لحم ومن داخل كلها دم اخيييييييييج

ألـــــي تعرف مصانع في الدوله اعطيهم الفكره ويصنعولي الي اباه وبكولتي عالي تتفضل :)

السلام عليكم ورحمة الله وبركاته

مسائكم ورد
اعرف الموضوع مب مكانه هنيه
بس كل ما ابا احط الموضوع في مال واعمال يطلعلي مسج اني
شخص غير مخول بالكتابه في هالقسم ماعرف ليش اتمنى تنقلون موضوعي في المكان المناسب

وانا اتمنى انكم تعطوني ارقام مصانع في الدوله او خارج الدوله بس تكون مضمونه والضمان لله
يصنعولي اي فكره في بالي وبشكل ممتاز وحلو وربي لا يحرمكم الفضل العظيم والي بتساعدني الها
مني دعوه في ظهر الغيب عسى ربي يجمعني وياكن في الجنه انتظر مشاركاتكن

موفقة الغاليه

وان شاء الله الاعضاء بساعدونج

الغاليه ماقلتي..

فكرة مثل شو؟ يعني ثياب؟ مجوهرات؟ ……الخ

حددي الغاليه

انا شخصيا ما عرف مصانع تصنع الافكار اللي نملكها

بس اتمنى خواتي يساعدونج

وبالتوفيق ان شاءالله

والله حبيبتي ما عندي فكرة
بس اعتقد لازم تحددين شوه نووووووووع الفكرة اللي انتي تبينها
لانه كل مصتع متخصص في شي او مجاااااال معين

والسموحة خويتي

ان شاء الله خواتي يفيدنج

عندج مصنع الامارات اللي في بوظبي حق الاثاث تعطينهم فكرتج وهم حاضرين