الوسم: الفروق

حبيت أبدأ بنص كتابي نقلته من موقع Czech Business Weekly

اللي حابه تقراه، تدخل هاللينك

http://www.cbw.cz/en/looking-beyond-…ges-/2959.html

بس انا نسخت المهم من الكلام اللي هوووووو التالي:

“It was almost impossible to tell the fake packaging from the original, apart from some minor mistakes in Czech text, but the texture of the product was totally different.” said Komárová.
As a result, Dermacol plans a complete rebranding of its export lines, with packages that will contain special security features like holograms and hard-to-fake colors.

وهاذي ((الترجمة التقريبيه)) للنص هي:

كان من المستحيل تقريباً تمييز المنتج الأصلي من التقليد، مثل بعض الاخطاء الثانوية (غير مهمة) المكتوبة باللغة التشيكية، ولكن تركيب المنتج مختلف تماماً، قال كوماروفا
وبالتالي، ديرماكول تخطط لتجديد شامل للعلامة التجارية للجهات المصدرة الخاصة بها، وذلك بتزويدها برُزمة تحتوي على مميزات سلامة خاصه مثل الهولوجرامز و جودة الالوان.

************************************************** ****

هذا موقع ديرماكول

http://dermacol.com

وهذا الموقع التشيكي، مع اني مالقيت عندهم نفس المنتج يمكن مغيرين شكله مادري
http://www.dermacol.cz/

طبعاً اللي بتشتريه من الموقع نفسه يمكن يطلع عليها 130 مع الشحن والضرائب (معلومة منقوله من وحده ثانيه)

بس يقولون هني في شركة معبئة في جبل علي عشان جيه نلقاه بـ 30 و 40 ويكون أصلي

************************************************** ****

كيف نعرف اذا اصلي ولا لا؟ الحين بخبركن (تحت بتلقون دلالات أكثر نقلته من بنات غيري )

أهم الدلالات هي:

1. الشكل الخارجي (الكرتونه):

شوفوا الصوره وعلمت بالاحمر على اماكن الاختلاف

a. بتلاحظون انه الاصلي لون كرتونته أبيض صافي والكلام اللي مكتوب عليه واضح. اما التقليد ترا لونه باهت
b. لون الليبل وردي او (لحمي مثل ما يسمونه البعض) في الاصلي ، والتقليد لونه بيج
c. علامة السي موجودة في الاصلي بس
d. بلد الصناعة التشيك ، وفي ناس يقولون انه من امريكا ومن هناك الاصلي، هو اصلا من التشيك ولكن يصدرونه لباقي الدول، التقليد مكتوب عليه صناعة سولوفينسكا!!!!
e. الباركود اللي بدايته 8591، والتقليد كاتبين نفس الشي مع انه بلد الصنع سولوفينسكا؟!
f. تاريخ الانتاج والانتهاء ، الاصلي معروف انه مدته 4 سنوات وينتهي، التقليد كاتبين مدة الانتهاء عقب سنتين اونه
g. كلمة هايبوليركين ولا مادري شو

2. التركيبه:

a. الأصلي تركيبته مثل كريم الاساس العادي بس على أغلظ وأسمك، التقليد جنه صبغ مال الالوان الزيتيه ويكووون معباي زيت ويلوع بالجبد
b. الأصلي يوم وزعته شويه في الصوره الثانيه كان مثل أي كريم اساس، بس التقليد تم مثل الزيت ولا امتصته البشره

3. الرائحة:

اقتباس من الأخت: ( ألماسة السبله (اليمامه))

url=http://www.0zz0.com][/url]

شوفو شكل كرتون العلبه
الاصلي لون الخطوط وردي
اما التقليدي تلاحظوا ان اللون باهت
وحتى لون الكرتون نفسه الابيض تلاحظوا في التقليد انه باهت

هنا يظهر الفرق بين الاثنين واضح جدا من حيث اللون والكتابة والاستيكر
لو تلاحظوا استيكر الاصلي مربع اما التقليد مستطيل
وكمان في الكتابة اللي موجودة على الاصلي والتقليدي وبلد الصنع
والمعروف انه الديرماكول الاصلي مصنوع في التشيك
وغير هذا يكون تقليد

لاحظو الاستكرات على التقليد فيه استكرين كبير والصغير والاصلي استيكر واحد فقط

وأخيرا
هذي صورة الاساس التقليد
لما فتحته أول شي طلع منه سائل مثل الجل
شوفوا السائل

حابة أقول شي انه مش الفرق بيكون بين الاستيكرات لانه سهل تقليدها
ولكن الاصلي معروف بغلظه وكثافته
تحطي منه شوي تحسي انه غليظ ويغطي كل عيوب الوجه
أما التقليد كثافته تكون قليلة ويكون سائل جدا وليس بكثافة الاصلي

وهذا اقتباس من الاخت (ريم )

اول واحد الاصلي طبعة السنة الجديدة

والثاني الاصلي طبعة السنة الماضية

ومدة صلاحيتهم ينتهي كل بعد اربع سنوات من تاريخ الانتاج

وكلها صناعة تشيكية 100%

وغير ها الشكلين تقليد

اما الشكل الثالث تقليد وواضح من ناحية اللون والكتابة

وهاذي صورة للشكلين الاصليين من قرب

وهاذي علامة الاصلي من قرب لطبعة وينتهي في

وعلامة الاصلي فية حرفcمثل ماهو واضح بالصورة

وكتجربة على اليد شوفو الفرق الشاسع بين الاثنين

الاصلي ثقيل وتغطيتة قوية وريحتة حلوة بس انا حاطتة للتجربة بس توزيعة بالطريقة الصحيحة رووعة

اما التقليد زي الفازلين وزيتة كثير وريحتة كريهة ولا يغطي وسيئ للغاية

اتمنى ان يكون شرحي كافي ووافي

(على فكرة كل اللي مكتوب صحيح وشفت الفرق عندي نفس الشي ، بس يمكن يكون في اختلاف بسيط حسب سنة الانتاج)