انا مشتركه جديده
فكرت وايد قبل ما اعرض مشكلتي بس مالي حد والله اتمنى انكم تساعدوني مشكلتي طويله
المهم انا كنت بنت ماحب هاي الحركات الي يحبون وجي وكنت اكره الي يكلم اقول كيف مايشفون قصص وكلي حتى الاغلبيه يقول معقده
المهم اخواني انا خطبوني وايد ها اثر بنفسيتي وايد لانه كله ما يصير نصيب واكثر سبب رفض من هلي اونه ما يبون ام الولد عصبيه المهم وايد اضايقت قلت ليش قلت ليش ما اجرب الحب الكل جربه ادري بتقلون غلطانه هيه نعم غلظانه بس شيظان شاطر وقص علي وحبيبت بس حبيت من ضمير لا خنت ولا شيء بس كانت لي اضافات في الاميل من شباب وكل واحد اخبره احب عشان ما يفكرون فيه وسبب كان اونه حبيبي (اخ اكره ايامي اشمئز منها) المهم كان واحد يسمعني دوم يوم اشتكي له ينازعني يقولي جيه تسمعين كلامهم ومايحبج وجي من ها القبيل انه اخ لي وتميت معاه لين قطعت هايك للابد هيه قصه طويله ما اقدر اطول وايد انا حمدالله اهتديت وكله ها ما يهمني بس ابي اوصل لكم كيف ندمانه وابا حل المهم يوم قطعت هايك صج يوم يقلون وحده تصير مدمنه تبا غير يشلها من جرحها رحت شو ادور حق الي كان يسمعني بس ماحصلته وعفت كلشي كان بس ودي احد يسمعني لو بنت المهم تعرفت ع ثاني عاد وانه شو حبني وحبيته وعاد يت اربيعتي لي كنت اعتبرها اربيعتي روح بروحهاا هاي جزء من المشكله قالت ما تذكرين هايك قبل خانج خونيه ها ولا قلبج بيتعور اكثر لو حبتيه دوم تصر لي اخونه وخنته لانه لقيت الي اشكي له هو كان يحبني صدق بس مب قادر يقولي عقب اعترف عقب شو عقب ما تعرفت ع هايك قصه خبيصه وماحبها اكرها يوم افكر بكل ها اقول يالله وين كنت وين كنت ادور ع سعاده والله سعادة زائفة المهم اطريت بيوم اتسلف عن الي كنت اشكي له وانا اقسم بالله مب منوع الفلوس حتى قالي مابا المبلغ قلت له انا والله برده وتسلفت يابنات والله مش لي احد غاصبني والله اكبر هاي مشكله بروحها المهم كنت بضياع كنت كله ابا انتحر احس كل ما يحبني متعقده كله اقول بموت حتى اقوله بموت يوم يعصب يقولي موتي موتي اذا ما متي بجتلج واتم اصيح متعقده والله سبه ورفض اهلي لهذا اليوم يرفضون المهم انا الي كنت اشكي له ما ارمسه بتلفون وماعطيته رقمي هو كان يبا يكلمني شو صار اربيعتي اهلها ما يعطونها تلفون وجي وهي كانت تبا رقم عشان بس تغازل وتكلم المهم ياب رقمين لي ولها لانه يحبني ياب والله بنات متاكده من حبه بس ماباه اوف كرهت كلشي المهم سالفه والله كنت بسوي بموت كنت هاك الاسبوع خططت اروح البحر اموت ربكم ستر ربي فديت ربي انا المهم اختي درت وصارت سالفه تعرفون شو صار ودرتهم كلهم كلهم حتى ربعي ووالله بنات الكل وتميت اصلي وادعي اخ حسيت براحه سعاده والله بنات اكتب لكم ادمع حصلت سعاده الي كنت ادوره راحه نفسيه المهم يعني اربيعتي تكلم ها الي كنت اشكي له بس مسجات لو كنت ما ارد له اوشيء
المهم انا قطعتهم الكل لحد ها اليوم والحمدالله مرتاحه بس شيء مضايقني كلمت اربيعتي مره قالت لي هو معصب عشان تركته قال لا هي ماخده عني بيزات وايد يعني انا ماخده بس 1500 اقسم بالله عندي خير وايد هب محتاجتنها افلوسه حتى هو ماشاء الله عليه عنده خير وايد الله يزيده المهم قالها لا هي ماخده 5000 اضايقت قالت لي لا يمكن يوم عصب ليش ودرتيه المهم انا قطعتهم كلهم قلبي متحرقص ماحب الدين ها دين وحيد بحياتي مابها فلوسه انا ابا اردها له بس شو مابا ارمسه ولا شيء فكرت وايد بنات
قلت ابا اطرش له بس اميل مو اني انا اني بنت خالتي بس اطيب منه رقم الحساب وابا ارده لها لاني قسم مابيها وربعي والله العظيم ودرتهم وقلبي يعورني اربيعتي قلت حقها شو تبين رقمه شو تبين تكلمين فلان وعلان انا اعرف ما بتسمع قلت لي لا ماروم ودرتها ماقدرت استمر مع اربيعتي ودرتها هيه عبالها اهلي غاصبيني ما ارمس حد هاشيء مب من اهلي من نفسي الاني مابا مابا اكره ها طريق كله جذب والله الله يحب التاوبين وانا تائبه ومابا ارد بها سوالف بس ها شيئن مضايقين فيني
شورايكم ارده له فلوسه؟
وبعد هل اكلم ربيعتي او خلاص ما اكلمها للابد والله اشتقت لها بس لاني احب ربي اكثر تركت الكل رفاق السوء والله بنات بس شورو علي
اعرف قصه مخربطه كاتبتنها لانها طويله
وابي انصح أي بنت توب توب اقسم بالله حصلت سعاده الي اتمناها سعاده عند ربي الغالي ,رغمني قطعت الكل بس حصلت راحه نفسيه من ضمير
بليز اخوني ادعولي دعواتكم ادعولي بثبات الله يثبتني يارب الله يخليكم ادعولي ربي يرزقني بزوج صالح ارجوكم خواتي شو اسوي ارده البيزات؟؟؟؟ او شو مابا دين مابا وعن ربيعتي ارد لها؟؟؟ ولا خلاص شورو
ها سؤالين بليز ردو لي
ارد له بيزات ؟
اكلم اربيعتي ؟
بليز لا محد يجرحني انا تبت والله وعرفت غلظتي بس اتمنى تسعفوني بل الاجابه وتدعولي في الثبات لكم الاجر في الوقفه مع اختكم بالله عند الشده ان شاء الله واسئل الله لي ولكم الفردوس الاعلى اختكم تائبة
جزاكم الله خيرا
الله يعيييينج يارب ختيه ….من ناحية الفلوس اكييييد تردينهن هذي دين بس عطيه ياللي خذتيه لاا اكثر ولا اقل وبعد مب انتي شخصياً تردينهن لا ..طرشي اي حد ..
بالنسبه لربيعتج حاولي تبتعدين عنها فره ختيه لانه بكل بساطه بتحلي سالفة الشباب في عينج ويمكن تقنعج تردين لهالسوالف …
الله يسعدج ويوفقج
إختي الحبيبة
إذا كنتي تسألين عن الحكم الشرعي في المبلغ اللي خذيتيه فأنا أقترح عليج تسألين مفتي.. والأفضل إنج تعملين براي الشرع.. يعني طلع أنه من حقه الفلوس رديهم وإذا لا فلا..
أما عن رأئي الشخصي رفيقة السوء مافي صحبتها خير وما من عشرتها إلى المصائب تنجنبيها خير لك والحمدلله الذي هداك للصواب وأسأله تعالى أن يثبتك في الدنيا ويوم تزل الأقدام..
اختي التائبه … اهنيج على التوبه والله يثبتج ع طاعته ودينه يارب …
انا ما بعاتبج ع كل اللي صار لأن هذا " ماضي " وانتي عرفتي غلطتج
بالنسبه للدين … رجعيهم دوري طريقه ما تكونين ع تواصل فيه المهم ترجعينهم وترتاحين
وربيعتج هاذي .. انا ما اسميها ربيعه للأسف الصداقه تنبني ع اسس المحبه وربيعتج هاذي لها دور انها ضيعتج معاها بدرب كان ممكن يوديج بستين داهيه خليها ولا يخصج فيها ربي بيعوضج بالصديقه اللي تخاف وتحرص عليج مب تجرج معاها للغلط
الله يثبتج يارب ..
الف الف مبروك لج عالتوبه
وتيقني ان حب ربي لج كبير الي هداج والحمد لله
1) الفلوس لازم ترجع لانها دين. بس دامه كان قايل انه ما يباهم وتالي قال متسلفهوايد فيمكن يبى يلعب عليج. فتحذري وبعد ما ترجع له البيزات وانا افضل ترسلينهم عالحساب فيكون عندج وصل انج سلمتي المبلغ لان شباب اليوم ينخاف منهم.
2) ربيعتج كلميها لو حسيتي انج اقوى منها ومن الشيطان الي لعب عليج في يوم. يمكن ربج يهديها على ايدج ويكون لج بدل الاجر اجرين. اجر اهتداء واجر هداية.
ومبروك مره ثانيه.
ااممم سالفة طويلة وخربطة مثل ما قلتي بس ابغي اسألج وين اهلج خواتج وين ينج عن العايلة؟؟؟
انتي قوقعتي نفسج في علم الوهم وتميتي فيه لين ما صحيتي وفهمتي اللى حواليج … الحين خلي عنج الذكريات واستغفري الله لان الاستغفار يخفف الهم والذنوب ويريح النفس انصحج بالاستغفار ماشي بعده والتوابين الله يغفر لهم بأذنه لانه يحبهم بعدين حبيبتي ردي المبلغ له اللى قاله 5000 عشان ماتصير فضيحة وهو بروحة بيتلوم ويمكن يتوب ويعرف اللى خذه ماله حق فيه والله يهديكم اجمعين
الحمد لله اهتديتي شوفي انتي طرشي له فلوسه بالانصاري عطيهم اسمه الثلاثي ورقمه وبس هم بروحهم بيطرشون له مسج وبيخبرونه وانتي بعدي عن هالدرب ومثل ما قلتي الانسان يوهم له انه في هالدرب سعاده ولكنها تكون سعاده مؤقته واكثر الوقت فيها عذاب وجرح ومرات خساره لاشياء غاليه مثل الشرف والسمعه
""و اعتقد ما يصر تقولين فديت ربي لانه الله خالد فما يصير نفداه بروحنا يمكن نقدر بس نفدى انسان عايش ""
المشاركة الأصلية كتبت بواسطة ÷ ~ امـ حمد ~ ÷ 
