الوسم: الطبيعة

وصفات عالمية متنوعة من الطبيعة

تركيبة سهلة التحضير يمكنك الإستفادة منها في أكثر من حالة . وهنا بعضا منها :

لأقدام ناعمة :

امزجي العسل مع السكر البني مع بيضة واحدة ثم افركي جسمك بهذا المزيج وركزي على القدمين ستجدين نعومة الجلد والملمس الحريري.

قناع ضد التجاعيد :

اخلطي بعض أوراق الخس مع 10 مل من اللبن و صفار البيض ثم ضعي المزيج على الوجه و اغسليه بعد 15 دقيقة يحتوي هذا القناع على مواد مضادة للتأكسد وتحديدا في الخس . أما الترطيب والنعومة فمن صفار البيضة و يقوم اللبن بشد المسامات ويرطب البشرة.

لتنعيم الأكواع :

امزجي 3 موزات مع 3 ملاعق كبيرة من الجبنة و اقسمي المزيج في وعائين ثم ضعي كل كوع في وعاء ولمدة ربع ساعة هذه الوصفة تزيل القشور الخارجية للجلد المتراكم على الأكواع وتسهم في تنعيم الجلد.
منقول

الخلطات بسيييييييييييييييييييييييطة وحلوة

بجرب خلطة الأقدام ..

يزاج الله خير

المشاركة الأصلية كتبت بواسطة كتكوتة كيوت
الخلطات بسيييييييييييييييييييييييطة وحلوة

بجرب خلطة الأقدام ..

يزاج الله خير

تسلمين حبوبه
موفقه ان شاء الله

مشكورة أختي ع الموضوع

مشكـــــورة غناتي ^_^

المشاركة الأصلية كتبت بواسطة حورية الجنة
مشكورة أختي ع الموضوع

العفو حورية

المشاركة الأصلية كتبت بواسطة أسرار111
مشكـــــورة غناتي ^_^

العفو فديتج

سفرتي لارض الطبيعة نيوزيلاندا

اليوم بعرض لكم مجموعة صور عن نــيوزلاندا ارض الطبيعة الخلابة والساحرة وارض المغامرات .. رغم سفري لوايد من الدول إلا ان نيوزلاند حبيتها وايد وايد يمكن لأنها بلد الانقى جو ف العالم او يمكن انها بلد الراحة والريلاكس .. شعبها رائع رائع وخدووم بشكل واللغة الانجليزية هي الاساسية بالاضافة إلى لغة السكان الاصلييين اللي يسمونهم المواري .. بعرض لكم تفاصيل السفرة كلها ف اجزاء ويارب اتعيشون الجو مثل ماانا عشته ..

بس بقولكم بنات ترى البلد مب بلد تسوق وشوبنق حسيتها اكثر لتغيير جو مع ريلاكس وراحة ..ويالله عاد عن المخاسير لاحقين عالاسواق … نيوزلاند مشهورة بالكيوي ولما يقولون لج كيوي مايقصوون فيها الفاكهه
يقصدون فيها طائر الكيوي اللي يعيش فيها وهذي صورته ..

[IMG][/IMG]

ول شي نزلنا اوكلاند وبتنا فيها ليلتين وكنا حاجزين في فندق اسمه skycity ماكان لين هناك بس موقعه حلو واستراتيجي ولاصق فيه التاور المشهور في اوكلاند اللي اسمه بعد skycity موجود فيه مطعم بوفيه اذا بتروحونه لازم تحجزون قبلها .. وهذي صور لاوكلاند وصورة البرج سكاي سيتي

[IMG][/IMG]

وهنيه حجزنا لشبه جزيرة اسمها ديفن بود ورحناها عن طريق البحر وهاي صورتها .. الجزيرة حلوة ووايد استانسنا فيها وبعدين رجعنا اوكلاند

[IMG][/IMG]

احنا كنا مأجرين سيارة ونافقيشن بس الصراحة مااستخدمناه لأن الشوارع سهلة واللافتات في كل مكان ووصلوها لنا لين الفندق .. كنا بنسير مدينة روتوروا تقريبا 3 ساعات من اوكلاند لي روتوروا وبنقعد فيها 4 ليالي والله يابنات من روعة الجو مااتحسين بالساعات إلا وصلنا ..وطول الدرب تشوفون هالمناظر والمراعي اللي ترعى واللون الاخضر المكتسح ..

[IMG][/IMG]

[IMG][/IMG]

[IMG][/IMG]

[IMG][/IMG]

كنا حاجزين في فندق اسمه the views وكان اسم على مسمى هو عبارة عن بيت فيه حرمة عيوز وبنتها اللي يخدمون والخدمه كلها خدمة فنادق وشغل عدل ومكانه فوق الجبل شوفو الصور واحكمو عليه

صورته البيت اللي سكنا فيه فوق الجبل .

[IMG][/IMG]

[IMG][/IMG]

هذي اليلسه اللي كنا نيلس فيها انا وريلي وتطل عالبحيرة والمراعي .

[IMG][/IMG]

يتبـــــــــــــع

والحين بروايكم الاماكن السياحية اللي رحناها وروتوروا فيها وايد اماكن حلوة وسياحية والسيتي سنتر مالها يجنن صغير وحلو .. انا موحافظة اسامي بعض الاماكن لأن بصراحة اغلبها مسميات ترجع للغة المواري وهم السكان الاصليين للنيوزلاند وشوي صعبه ف النطق وفي منها اسامي بالانجليزي ..

هذا المتحف وااايد حلو ان عن نفسي احب زيارة المتاحف واستمتع فيها وايد واحب اشوف واتعرف على حضارات الشعوب الاخرى موكبير وايد بس وايد ممتع

[IMG][/IMG]

المهم رحنا هالمكان وفيه يعرضون لج حضارة الشعب الاصلي لسكان نيوزلاند وهم المواري حلو المكان واستمتعنا وكلنا ذره كانو طابخينها بالطريقة البدائية المواري تقريبا هم نفس الهنود الحمر من طريقة لبسهم وتصرفاتهم .. هاي الصور

[IMG][/IMG]

[IMG][/IMG]

[IMG][/IMG]

وهالمكان اسمه شيب شو عرض للحيوانات والخرفان والكلاب والبقر حلو اليهال بيكيفوون عليه اكثر من الكبار وبعد مايخلص العرض تركبون قطارات مفتوحه اتوريكم المزرعة كلها اسمها فارم شو وتنزلون منها بعدها اتأكلون الحيوانات وتشوفون الخرفان والبقر والعزلان بس انا كنت ميته من الخوف ريلي كيف واستانس وقعد يأكل الحيوانات بس كان الجو روعة والحيوانات ترى مهدووده بس ماتتحرش في حد ..

[IMG][/IMG]

[IMG][/IMG]

[IMG][/IMG]

الحين ب تشوفون صور الطبيعة تحت الارض وهي عبارة عن براكين وطين والدخان اللي يطلع من تحت الارض في مكااان مفتووح وسبحان الله اتشووفون فهالمكان ابداع الخالق وقدرته وطبعا كل شي من صنع الخالق مافي اي اضافات صناعية …

[IMG][/IMG]

[IMG][/IMG]

[IMG][/IMG]

يتبـــــــــع

نيوزلاند طلعت مشهوره بالطين والعسل ونوع من العسل اسمه مونوكا هوني وهو يستخدم للعلاج ولعلاج الاصابات او قرصات الحشرات وهو ان اتحطين اشوي منه عالجرح ..

وهذا المكان في هالصور اسمه قايزر .. ويبعد عن مكان الصور اللي فوق تقريبا اقل من ربع ساعة .وهذا هوالعرض … وصار معلم سياحي لأن له قصه في انفجار البير ..

[IMG][/IMG]

صورته بعد الانفجار ..

[IMG][/IMG]

بعد ماخلصنا من مدينة روتوروا اتجهنا للمطار وركبنا طيارة لمدينة كوينس تاون هي منطقة جبلية عكس روتوروا .. حلوة وصغيرة واستانسنا فيها وايد ولايفوتكم المكان السياحي اللي اسمه اب سولوت ووتر فرونت هناك ف المكان بتحصلون كل شي تقريبا الاسواق المفتوحه بس بطريقه حلوة والمطاعم بأنواعها وغير التمشي واللي يحب المغامرات موجوووده بكثرة وفي السفينه البخارية اللي تعمل بالفحم وفيها كوفي صغير وفي كوفي او مقهى الثلج رهيب دخلناه واسمه ( ماينس فايف ) وفيه يقدمون لكم فيه مشرووب بارد ف قلاصات من ثلج .. صور عامه لكوينس تاون

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

وهذي صور مزرعة الكرز ياويلي على لذته وطبعا انتو اللي تقطفوونه..

[IMG][/IMG]

[IMG][/IMG]

هذا اللي جمعناه من الكرز

[IMG][/IMG]

وبعد ماخلصنا من كوينس تاون وعقدنا فيها 4 ليالي طرنا لمدينة كرايس جارج مدينة حلوة وصغيرة ويلسنا فيها ليلة وحده بس وزرنا فيها بعض المتاحف ورحنا عالسيتي سنتر مالهم ..

وتم بحمد الله من نيوزلاند اللي صج صج اتحفتنا بالطبيعة الخلاابة وغيرت نفسيتنا ومعروف عنها ان جوهاانقى جو في العالم .. ولاتفوتكم بالنسبة لأنسب وقت لزيارتها هو شهر من 12 إلى 4 لأن الجو يكون حلو ورائع وماتنفع تزورونها في الصيف لأن يكون عندهم شتا والبرد يكون قارص ومابتستمتعون ..

ما شاء الله المكان وايد حلو الله يسعدج ويه ريلج

نسيت اقلج عادة خاطري في هالكرز

الصور ظالمة المناظر للامانه الطبيعه اروع بكثيير

ما شاء الله مبين ع الصور انها حلووه

اي شهر سافرتوا لـ هـا ؟

ارحب باستفسارات واسئلة خواتى بكل ما تحتاجه البشرة من الطبيعة وحل مشاكلها .

السلام عليكن ورحمة الله وبركاته ,, مرحبا خواتى عساكن بخير وسهاله .
الغاليات بكل سرور يسعدنى افيدكن بخبرتى المتواضعه فى مجال الاعشاب والطبيعة كل من لديها مشكلة فى بشرتها سواء بشرة الويه او الجسم ,, تقول المشكلة وان شاءالله افيدها بما اعرفه واطلعت عليه من الطب النبوئ.
خواتى رجاء اللى تطلب وصفه او علاج لمشكلة تخص بشرتها لازم تعرف انى افهم فقط فى الأعشاب الطبيعية المعروفه ,, وما عندى خلفية عن الكريمات والخلطات الأخرى . فالسموحه منكن على القصور .
وحياكن الله .

مشكورة

تسلمين الغالية بغيت استفسر عن الحبوب الصغيرة السمراء الي تطلع في الوجه شرات الاجانب الي يطلع لهم في الاكتاف ما ادري اذا فهمتي قصدي

بشرة وجهي بيضاء وطلعت لي كم حبه فيهم بمنطقه الذقن شو الحل معها ؟

موفقه

السلام عليكم اختي مشكورة على البادرة الطيبة منك …
عندي مشكلة متعبتي وهي المسامات الواسعة في الويه …. شو ممكن يكون لها علاج مع العلم ان بشرتي مختلطة عند الانف وايد دهنية …

جزاج الله ألف خير

المشاركة الأصلية كتبت بواسطة طيف الغربة
تسلمين الغالية بغيت استفسر عن الحبوب الصغيرة السمراء الي تطلع في الوجه شرات الاجانب الي يطلع لهم في الاكتاف ما ادري اذا فهمتي قصدي

بشرة وجهي بيضاء وطلعت لي كم حبه فيهم بمنطقه الذقن شو الحل معها ؟

الله يسلمج أختى.
الغلا اخلطين المقادير التالية ,,وضعيها على الويه .
ملعقه صغيرة زيت اللوز المر
ملعقه كبيرة زيت الزيتون
ملعقه كبيرة من حبة البركة مسحونه ناعم
قطرات من الليمون
اخلطيهم كلهم وضعيهم على البشرة 7_10 دقائق
وبعدها نظفين البشرة بماء فاتر .
ان شاءالله تلاحظين الفرق الواضح.

منو شاف مكياج نور المنصوري ام منصور عالطبيعة ؟؟؟ بكل امانة مابي دعاية

بصراحه شفت الصور واااااايد تخبلت عالمكياج نفس الاستايل اللي احبة

بس احس بعد ما يبين الشغل بالصور تعرفون فوتوشوب الخ …

انا مب قصدي انتقد بالعكس وايد عاجبني بس ابا اعرف كيف عالطبيعه بدون مجاملة

اللي شايفة بعينها بس ترد بليز

موووووووووووووووفقه

بالتوفيق

بالتوفيق حبوبة

موووفقة

نور الي ف راك

صراحه بدون مجامله مكياجها حلو ف الصور لكن على الطبيعه مب شي

وحده من الاهل متعدله عندها وكانت عروس بس صراحه ما طلعت حلوه حتى هي اتندمت
بس الاشخاص العاديين اوك

شوفي وحده ثانيه نصيحه وخاصه لو عروس

عندج وايد خبيرات

وصايف حلو وايد يمدحونها بس نوعا ما اوفر
ملاك الليالي بعد بنفس استايلات نور بس وايد يمدحونها
امممم جميله بعد بس اوفر وحق العرايس رووعه

الله يوفقج

للرفــــــــــــــــــــــــع

كرمانشاه الايرانية قمة الجمال والطبيعة الرائعة والتاريخ القديم

كرمانشاه هي إحدى محافظات إيران الثلاثين. يحدها من جهة الشمال محافظة کردستان ومن جهة الجنوب محافظة ایلام و لرستان ومن جهة الشرق محافظة همدان ومن جهة الغرب العراق تضم محافظة کرمانشاه اربع و عشر بلدة و يقدر عدد سكانها بمليون و 900 ألف نسمة و جميعهم من الاكراد.أشهر المعالم السياحية في کرمانشاه: طاق بستان، بیستون، معبد آناهیتا و كهف قوري قلعة.

هذي المقاطعة على الحدود العراقية وتوجد قيها الكثر من الحيونات خصوصا السناجب

جمشيد الفندق — كرمنشاه ، إيران

[IMG]http://1.bp.********.com/_7j_dqXpJIAk/SnOuG1-QDCI/AAAAAAAAAIA/yzSLVYvam-0/s400/Hotel_Jamshid_Kermanshah.jpg[/IMG]

مشكورة اختي
المناظر وايد حلوة

رووووعه الصرااحه

تسلميين

روووووووووووووعة

وااااااااااااااو هذا بايران ؟؟؟

يبالنا زياره خخخخخ

تسلمين على الصور

——————————————————————————–
رووووعه الصرااحه

أهم قوانين الطبيعة

قانون الاصطفاف :

إذا صاف في طابور بطيء وقمت غيرته، طابورك اللي غيرته

فجأة يصير يمشي أسرع من اللي انت الحين فيه

قانون التلفون :

عمرك ما تتصل على رقم غلط ويطلع مشغول

قانون التصليح :

بعد ما إيدك تتزيت وتتوسخ من الشحم ودهن الماكينة،

خشمك يبدأ يحك

قانون المعدات :

إذا طاح من إيدك أي شي، تأكد انه بيظل يتـدحرج إلى أن

يوصل لمكان ما تقدر تطلعه منه

قانون الأعذار :

إذا تأخرت عن الدوام وقلت لرئيسك أن كان عندك بنشر، اليوم

اللي بعده يبنشر من صج

قانون المسبح :

بعد وضع جسمك في الماء، يبدأ التلفون يرررررن وما يسكت

قانون الالكترونيات :

إذا أخذت جهاز عند مصلح تبي توريه انه ما يشتغل، حزتها

يشتغل أحلى كلام

قانون السينما :

اللي حاجزين كراسي في النص لازم يجون آخر ناس ويدوسون

على رجولك

قانون القهوة :

أول ماتجيب لك كاس قهوة ساخن، يجي رئيسك ويعطيك

شغلة ما تخلص الا لما تبرد قهوتك

قانون المصادفات :

إذا كنت مع واحد ماتبي حد يشوفك معاه، فجأة كل اللي

تعرفهم يطلعون من كل مكان

قانون الأقساط :

إذا عندك سيارة أو طراد أو أي سلعة مطلوبه للأقساط،،،

مجرد أن تنتهي الأقساط تخترب !!!

قانون الزواج :

بعد شهرين من زواجك… يسألونك ها في شي بالطريج ؟؟؟

قانون المعاش :

آخر الشهر لازم كل العزايم والهديا والطلبات تزيد

(حبكت يعني)!!!

قانون الطقس :

لازم بنهاية الاسبوع وانت حدك متحمس بتطلع حدائق أو تروح

البحر مع الربع يصير الجو هوى وغبار وحر و رطوبة بمعنى

ثاني الفصول الاربعه بيوم واحد

و أخيرا قانون البحث :

إذا حبيت تدور شي معين(ما تلقاه)…. مع إنك كنت كل يوم

تشوفه مجابل ويهك ؟؟
[/CENTER]

^_^

مشكورة على الموضوع

العفو حبوبه