الوسم: الصــور

بس هذا كان يحصل معي بالأول ..
الحين أنا مرتاااااااحة وما أتذكر يالله متى خلص الشهر أصلا ..
تبون تعرفون وش صار ؟؟

بصراحة جربت كل الخلطات اللي لقيتها ومافي فايدة ..
وخلطات الإزالة بدون ألم وبعد ما في فايدة..

واللحين بعطيكم خلاصة خبرتي ..
أولا :
أزيلي الشعر من جسمك بطريقتك العادية بس لازم إزاله
ماهو حلق إزالة يا بالشمع أو الحلاوة او الملقط ..
إذا ما تبين تتألمين عن خبرة .. كريم أو زيت ( إملا تركيز 5% ) من الصيدلية بس
تطلبينه من الصيدلي يوصيلك عليه هو بكل الدول بس هنا بعده ما نزل يعني
عاد هذا مخدر خفيف بقطنة وامسحي المكان اللي بتزيلين منه واستني
شوية وبعدين أزيلي .. وأنا أرجح انك تستخدمينه للمناطق
الحساسة – العانة وتحت الابط – يعني والباقي
بدون مخدر هذه عن تجربة صراحة
ولايهمك الألم تراه ما راح
يكون كل شهر

ثانيا : خلال عشر دقائق من إزالة الشعر ..
هات كريم smoothie lotion ( سموثي لوشن )
وادهنيه على المكان اللي ازلتي منه الشعر بعكس اتجاه نمو الشعر ..
عشان جسمك يتشرب الكريم ..
سوي كذا لمدة عشر أيام صبح وليل .. ومفااااااااااااااجأة !!
V
V

ماراح يطلع الشعر إلا بعد شهر- شهر ونص وبتلاقينه خفيف مرة ..
عاد قومي ازيلي شعرك ثاني مرة وبنفس الطريقة وادهني الكريم بنفس الطريقة ..
ولاعاد تفكريين بإزالة الشعر ثاني ……

انسي الألم لمدة 6 – 8 شهور

عاد هذه تجربتي …….
من تجربتي الحمد لله ما له أضرار .. وأنا عرضته على دكتور ثقة
عشان يقرألي تركيبته قبل ما استخدمه وقال لي ان تركيبته آمنة تماما على البشرة ..
ولما جربته الحمد لله
ما صار لي شيء بالعكس بتحسي ان بشرتك ناااااااااااااااااااعمة ومخملية ..
احساس رائع أتمنى تستمتعي ..
وأتمنى تجربوها وتقولولي النتائج ..
لأني متشوقة أعرف نتائج خلاصة تجربتي ..
ناطرتكم ..

وهذي صورته

منقول على ذمة كاتبته