الوسم: الصالونه

سؤال عن الصالونه ؟؟؟؟

ابي اعرف كيف نسوي الصالونه حق اللحم او الدياي بس تكون غليظه شوي ولونها احمر … حاولت اسويها بكل الطرق بس تطلع خفيفه ….

لا تكثرين ماي حطي شوووي بس

كثري صلصل

انزين اذا ما كثرت ماي بتطلع الصالونه شوي بس … والصلصل ما يطلع طعمه في الصالونه ؟؟؟؟؟؟؟

زيدي معجون الطماط وخفي الماي

كثري كميه الخضره و اللحم او السمج او الدياي وكثري الصلصل وماي خليه شوي يعني على كل حبه صلصل 2 ماي بقياس قوطي الصلصل

عن نفسي احط طماطم كم حبه على حسب الكميه للي بتسوينها مثال 6 طماطم كبار ولينات احطهم بالخلاط مع ماي التمر الهندي وحبتين ماجي وافرمهم عدل بالخلاط الكهربائي مال العصير وبعدين احطه فالجدر واحط صلصه زياده والماي ماتكثرين منه وبتطلع لذيذه

منو تعرف الصالونه البرتقاليه مالت قصر الهند ^_^

بنات حبيت اسئلكن حد يعرف الصالونه الي يسونهاا في قصر الهند لونهاا برتقاااااالي..
نسيت شو اسمهااا..بس هيه صالونة دياااي لونهااا برتقااالي ..

خططييييييييييييييييييييييييييييييييييييرهــ….. ياليت الي تعرف تسويهااا ..تخبرن سر الوصفه‘..وشكرا"

خبرينا شو اسمها عشااااااااااان نقول لج نعرف والا" بتر جيكن" والا جكن ماسالا" والاجكن شيلي" جيكن مانشوريان" والا جيكن كاري" والا جيكن 65" والاجيكن كورما" جيكن كاداي……اوف ماتم شي ما كتبته …

انا اعرف ال بتر جيكن

هي تقصد البنيه جكن ماسالا

انا بعد ابغيها مرة جربيتها من المنتدى و ما ضبطت

كانت تقريبية بس مب نفسها

ياليت لو حد يتكرم و يعطينا الوصفة

اسمها بتر جكن … بس ماعرف كيف يسونها

الغاليه.. شوفي وصفة العضوه اليازيه انا طبقتها وكانت نفس الطعم

الصالونه مع العيش الابيض

السلام عليكم ..
بنات ممكن تعلموني طريقة صالونة الدياي ويا العيش الابيض
ما تضبط معاي ..

حبووبه

بالنسبه للصالونه

المكونات
بصل 2
خضره مشكله (بطاطس وكوسى وباذنجان وفلفل بارد وطمام )
لومي يابس
دياي مقطع ومقلاي نص تقليه
بهارات مشكله(بزار -كركم-فلفل اسود-هيل حب-جرفه -كمون)
ماي
صلصة طمام علبه وحده او اكثر حسب الكميه

الطريقه:

يبي جدر كبير شوي
قلي البصل
حطي تشكيله على ذوقج من البهارات
حطي لومي يابس 2 او 3 حسب
صلصة طماط
وحطي الخضره المشكله
وحطي الدياي المقلاي
وخلطيه وضيفي عليه كميه من الماي
وخليه يطبخ لين ما تنضج الخضره كلها

وسكري النار

وبالعافيه

ما شاء الله على الاخت احساس ما قصرت بس نحنا انحط فيها ثوم مبشور وزنجبيل يوم انشيط البصل

موفقه

موفقة

مشكورة حبيبتي احساس … بسوي طريقتج وان شالله تضبط وياي
ام عبادي … هيه حتى انااحط الثوم .. بس مادري ليش ما تضبط …
وشكرا لمروركم خواتي ….^.^

بالتوفيق ان شاء الله

طبخت الصالونه الهنديه البيضاء على طريقة منال العالم / صور

من فتره طويله شفت منال العالم وهيه تسوي الصالونه الهنديه البيضا

وسويتها وعيبتهم في البيت وايد // اليوم سويتها لكن صوريتها عقب من انغرفت

بس بعطيكم الطريقه // سهله وحلوه

الصوره الاولى

المقادير

_باكيت واحد صدور دجاج ( نقطعها مكعبات صغار ونفورهن مدة نص ساعه )

_ بصل

_ طماط طازج عدد اربع+ ملعقة طماط صلصه
_ عدد 2 روب كبير

_ بهارات ( ملح + كركم + فلفل اسود + فلفل احمر مطحون )

_ صبار ( انا استخدم نص باكيت اودنه في الماي عقب اشخله )

_ في الخلاط الصغير ( اربع فصوص ثوم + زنجبيل طازج )

_ اطحن كازو ( كوب وربع تقريبا )

_ ينسون ( حب )

الطريقه

_ اقطع البصل واحمسه شويه لين يشقر لونه واضيف عليه الدياي لمفور

اعلي على الضو اشويه عشان يحمر لون البصل والدياي

_ احط في الخلاط العود ( الروب + البهارات من كل شي شويه يمكن نص ملعقه صغيره الا الفلفل الاسود ملعقه صغيره كامله + شخال الصبار )

واخلطهم زين // عقب اضيفهم على الدياي والبصل

_ اخلي السابق يفور مده دقيقيتين وعقب اضيف الثوم ويا الزنجبيل
وملعقه ونص ينسون + اخلط الطماطم الطازج في الخلاط واصبه عليهم
مع ملعقة صلصه

_ عقب خمس دقايق اخلي الخلطه تفور زين واضيف عليهم الكازو المطحون

يستوي الخليط غليظ شوي اخفض على النار واخليه يفور مع التقليب لمدة سبع دقايق

وانتهت الطبخه ( ممكن تاكلونها ويا العيش او الخبز )

وهاي الصوره الثانيه

هاه اشوه رايكم في طبخي

تسلمين بس كيف الصبار ^_^

المشاركة الأصلية كتبت بواسطة لازم اسم
تسلمين بس كيف الصبار ^_^

الله يسلمج

والله ما عرف له غير هالاسم

سيري اي بقاله وقولي له ابغي صبار سيده بيعطيج

يعرفونه هم بالذات في البقالات

وحياج

يمممم يمممم يشهي شكله لذيذ
يالله باخذ الطريقه وبسويها
بس بسالج شو هو الكازوو؟؟؟

يسلم ايديج

المشاركة الأصلية كتبت بواسطة سيدجروحي
يمممم يمممم يشهي شكله لذيذ
يالله باخذ الطريقه وبسويها
بس بسالج شو هو الكازوو؟؟؟

فعلا اللي اسوي لهم ياخذون الطريقه لانه لذيذ

والكازو حبيبتي نوع من المكسرات

خذي الابيض موب لمحمص ( اللي في الصوره محمص )

صورته لج

وحياج

المشاركة الأصلية كتبت بواسطة معسوووووول
يسلم ايديج

الله يسلمج

^_^

الصالونه الهندية


شحالكن خواتي انا مسويه رجيم و الحمد الله نقصت 9 كيلو

ولين الحين مستمره بس صراحه كل ما اشوف الصالونه الهنديه

بطني يعورني لاني بصراحه من الناس الي تحب الاكلات الحاره وما اقدر اقاومها

بس الحين غصب عني اقاومها عطوني نصيحه وشجعوني؟؟؟؟

أنانصيحتي انج ما تحرمين نفسج من شي
لأنج بتملين أو لما تهدين الرجيم بتاكلين وااااايد من الاشياء اللي حرمتي نفسج منها
وبتضيعين تعبج

كليشويمن اللي خاطرج في….. لا تحرمين نفسج

حبيبتي لا تحرمين نفسسسج من شي ترى النفسيه
تلعب دوور .. ماعليه .. خصصيلج يوم وخلهم يسوولج
صالونه هنديه .. بس لا تكثرين

> شهيتيني زيين جي خخخخ

كلي بالعافيه عليج مآآيضر مرهـ ., خليلج يوم مفتوح فالاسبوع

ويالله بالتوفيـق لج ^.^


انا ابا اضعف … واحاول من متى ومب قادره .. ووزني مايخف .. يمكن اتكون طريقتي
خطأ ….. ابا حد ينصحني … وعن تجربه اتكون ناجحه ..

لاني موووول حارمه عمري من اشياء وااايده وماعرف شو آكل .. حرمت عمري طول النهار
وييت أكل الفليل على الساعه 7 ونص خبز ومتنت مره ثانيه …

عطوني لستته اكلات مفيده واتضعف … لاني مااتقبل اشياء واايده من الأكل بس عطوني فكره لو
سمحتوا عرسي قريب وللحين ماضعفت ساعدوني ارجوكم …

التخفيف التخفيف

شوفي انتي ابدي خفي اكلج تدريجا مب مره وحده … خلي العشاء يكون روب او شي خفيف خليه ع المغرب …وعقبها لاتاكلين شي .. …….. اذا حسيتي بيوع شربي ماي اوعصير

المشي ……… الحرمااان ممنوع كلي كل اللي بخاطرج بس بحدون ودري الحلويات والكوافي خليها مره في الاسبوع او مرتين ………..

ليش ما تروحين عيادة دكتور نيوترشن أنا بصراحة أستفدت منهم ما شاء الله رحت عند دكتورة وفا واااايد شاطرة في العيادة إلي على بحيرة خالد بالشارجة
بس أهم شي أنج ما تستعملين أدويتهم ولا منتجاتهم