الشوبينق الأرشيف - امارتيات الخليج

خبيرات الشوبينق في المانيا

مرحبا فديتكن

ابا انشدكن عن المحلات أنتن شو تشرن من هناك ابااا اشياء مميزه

خلال هالشهر بنسافر للعلاج ان شاء الله

اترياكن

أختي أحلى المحلات عندهم هناك H&M و C&A أرخص شوي يعني حق الهدايا وحقج بعد ملابس النوم والداخلية وللأطفال بصراحة عندهم روووعة وعندهم بعد كافوف حلو وايد بس أغلى من باقي المحلات بس لا تنسين تسوين عندهم تاكس فري ولازم تخلين كل الأغراض اللي اشتريتيها من هناك في شنطة عشان في المطار بيطلبون منج يتأكدون قبل لا يعطونج فلوس التاكس فري وأي استفسار أنا في الخدمة عالخاص.

ثانكس فديتج

الغالية عندج المارين بلاتز كل المحلات موجوده فيه والله يوفقج ان شاء الله

مشكوره الغاليه

مثل ما قالتلج الاخت المارين محلات انواع واشكال

الغالية عندج المارين بلاتز كل المحلات موجوده فيه والله يوفقج ان شاء الله

امم ما ادري شو احط بالعنوان ،،، الشوبينق و الحياة الزوجية و الطلعات

السلام عليكم

عندي موضوع صغيرون
مرات قبل العيد ابغي اطلع اشتري طبعا مب بين يوم و ليلة مثلا عبايه جلابية مخورة شنطة عطر ساعه خاتم ذهب او اي شي ثاني
عندي عرس ابغي اشتري لي فستان نعال بشتري عدسات
ابغي اشتري هدية لوحدة مربية لاختي لاخوي لحميتي لاام ريلي
ابغي اشتري طقم ذهب خاتم ساعة سويرة
ابغي اشتري ملابس لليهال
مثلا ملابس داخلية لانجري ابغي افاجئه بلبس يديد

يعني مثلا انا بطلع مع ربعي او خواتي او اهلي عسب نتشرى للعيد او للعرس
و عندي بو الشباب يقول انا بوديج في بداية الايام حسيته شي حلووو بس

يوم ادخل محل يبغيني في نفس اللحظة اشتري
و الله رحمه و السنتر صغير بعد و فيه 5 محلات كشخه
خلني اشوفهم كلهم و اختار الاحسن و الارخص و الاحلى مثلا لا لا يلعوزني و اكره عمري
و يقول غالي و عندج وايد و يعلق

في كل شي بنات مرات ابغي اشتري له هدية ما اقدر
مستوي نفس الرادار لا اقدر اشتري هدية ولا اسوي له سبرايييز
ولا اروم اسوي شي
ابغي اروح الصالون السبا يالس ع جبدي
و يحسب لي تعالي انتي ها الاسبوع طالعة 5 مرات ما تطلعين اليوم

يعني يحسب لي اليوم سايرة بدكير هاي مرة
حمام زيت مرتين
بيت امج 3 مرات
بيت اختي 4 مرات
و عقب يقولي تعالي انتي كله تطلعين طالعة 4 مرات

و للعلم بروحي في البيت ريلي يتم عندي بس 3 ايام و 4 ايام في الدوام

بنات تملللللللللت اكون بروحي في البيت و ابغي اخلص شغلي من صوالين و اغراض العيد و ارتب كل شي بس هو ما يخليني
ابغي اشتر له هدية ولا شي ما اقدر بالشردة و كله اوسوس اقول اخاف اسوي حادث ولا شي و عقب يزعل مني لاني طالعة ما اقدر اتحرك و الصالون نفس الشي و عندي مراجعات اسنان و جلدي يحسبها لي هاي طلعة

يعني لو سايرة عيادة جلدي و اليوم الثاني اسنان يحسبها لي طلعتين خخخخخخخخ
ينني قلت له انت واييد ترص علي ليش ؟
و لازم اختار الوقت المناسب و اليوم المناسب و يوم رايق عسب
اقوله ابغي اطلعه و مرات يقول لا
احس بتخبل لاني احب ادلع عمري و اهتم بنفسي و ما يخليني

يعني لو ابغي اطلع اتريى يوم يرجع و اشتري يدامه
كيف اسوي له سبرايز و هدايا و اشياء حلوة ما اقدر اتحرك ولا احط خيط بابره

سبحان الله وبحمده

عادي انا مثلج وألعن بعد

الله كريم

حرام عليج أحس ريلج طيب الله يخليه لج يعني يحليله مَ‘ـَُِنٍّ
كلامج عنه أحس هب مقصر يبا يحسسج انه مسؤول عنج. بس اانتي تعالي له بطريقة حلوة قوليله مثلا وانت فالدوام ?ن?ـMEـٌَِ?َِ خاطري أفتر وياخواتي وأشتري اللي أباه وانته ماريدك تتعب يوم اتي مَ‘ـَُِنٍّ االدوام أريد راحتك وييببيه مَ‘ـَُِنٍّ الكلام االزين.

اختي قريت ردج ف موضوع الاخت عندك خبر وقلتيلها انها لازم تفتح قلبها لريلها وتصارحهه، جربي انتي هالشي وصارحي ريلج لكن خذيه بالسياسه وقوليله مثلا انا بطلع ويا اختي وباخذلك شي ويوم برد براويك اياه وعطني رايك او مثلا قوليله ابا اشتري اشيا وافاجئك فيها، الرياييل مرات تيهم هفه ويحبون الفضول يوم ياكلهم .. وبخصوص الصالون حطيه ف الامر الواقع قوليله انا وخواتي ولا حمياتج مثلا سايرين الصالون وبنتاخر وترا الرياييل الحينه مب شرات قبل بالعكس يعرفون كل شي ف قوليله اول مره مثلا بسوي منكير وبدكير وحمام زيت خذي الاشيا الثانويه هههه وقوليله بطول وانا اسوي هالاشيا ف لا تعصب وانا يوم بخلص بخبرك لين ما يتعود ع تأخير الصالون وسوالفه وعقب استري ع عمرج كلمه صالون تكفي .. لا تصعبين هالاشيا ولا تحسسينه انه يضايقج ب هالشي عشان ما يودر هالطبع والحينه نادر تحصلين ريال يتكفل ب هالاشيا العاده الرياييل يبون الفكه من هالمسؤوليه بس انتي حاولي تلفين وادورين لين ما يقتنع ولو انه هالشي يتطلب انج تأجلين الطلعه عشان تقنعينه .. الله يوفقج ^^

انا عندي فكرة
تعالي عالخاص بخبرك عنها هههههههههههه

لانه كلام كبير خخخخ

المشاركة الأصلية كتبت بواسطة مالتيزرس

حرام عليج أحس ريلج طيب الله يخليه لج يعني يحليله مَ‘ـَُِنٍّ
كلامج عنه أحس هب مقصر يبا يحسسج انه مسؤول عنج. بس اانتي تعالي له بطريقة حلوة قوليله مثلا وانت فالدوام ?ن?ـMEـٌَِ?َِ خاطري أفتر وياخواتي وأشتري اللي أباه وانته ماريدك تتعب يوم اتي مَ‘ـَُِنٍّ االدوام أريد راحتك وييببيه مَ‘ـَُِنٍّ الكلام االزين.

حاولت بكل انواع الكلام ما شي فاايدة
حتى عشان افك عمري اشتري من النت و اختار اللي ابغيه او اوصي خواتي ع اشياء معينة

الشوبينق في باريس

السلام عليكم بنات
بليزز ممكن معلومات كافية عن الشوبينق في باريس شهر 3 و ماهي اوقات عمل المحلات عموم؟؟؟؟

يسعدلي يومج ختيه

احلا شي الشوبنج ف باريس
عندج الشانزليزيه و غاليري لافيت
اغلب محلات الماركه موجوده فيهن

المحلات ع حسب شي س 7 وشي
10 وشي فاتحات لـ 1 فليل

موفقه يا رب

موفقه الغاليه.. اختج @مبدعه@

و طبعا لا تنسين الأوت لت الي في باريس يبعد عن العاصمة ٤٠ دقيقة و قريب على ديزني لاند

بالتوفيق عزيزتي

تسلموا حبيباتي
يالا ردوااا كمان

ريلي ما يحب الشوبينق شو اسوي ؟؟؟؟

السلام عليكم و رحمة الله و بركاته

بنات عندي مشكله كبيــــــــــره و لا تقولون اني ابالغ لان ما في حد ما يحب التسوق او بالاصح

ماشي حرمه ما تحب تتسوق

ريلي الله يسلمكم ما يحب يتسوق لما نروح السوق ما يطالع اللي جدامه يطالعني انا يعني يالله خلصيبسرعه

احس كأن ملك الموت فوق راسي حتى ما اخذ راحتي و ارتبك ما اعرف شو اختار و اتم محتاره وايد

كل هذا من تصرفه

و لو كنت محدده له شو ابغي يا ويلي لو خذت شي غيره يقعد يقول انتي يايه تاخذين هذا

والا هذا ؟؟

مرات الوحده تنسى اشيا و يوم تشوفها تاخذها و مرات تعجبج اشيا تبين تاخذينها

هو من هالناحيه صارم و يقعد مبوز فالسوق على شي ما يسوا

مع انه مب بخيل عادي ياخذ لي هدايا و ساعات بالالاف توصل ل 10 الاف

بس ما ادري ليش جيه لما يكون وياي

احسه لما يكون بروحه ياخذ اكثر

فشو الحل وياه ؟

انا فكرت ما اسير وياه الاسواق بس بعد صعبه لان مب كل مره بتتوفر لي سياره

شو اسوي عشان اخليه فري مثل باجي الناس ؟؟ يتسوقون و هم يضحكون و يختارون الاشيا

مع بعض ؟؟؟؟

ياختي شي وايد من الريايل مايحبون سيرة السوق ويذمرون

اذا هو يبوز سيري ويا امج السوق وخذي اللي تبينه

والله يوفقج ^^

في رياييل جذي .. فـ لا تاخذين الامور بحساسية ..

مثلا أنآآ مب وآآيد أحب أحاوط في السوووق .. بس ان بغيت شي أروح اشتريه وأرجع .. ما أحاوط في المولات على الفاااضي
بس ريلي واااايد يحب يحاوط على الفاااضي .. حتى أنآآ أعصب عليه ><
وأقوووله يلااااااااا بسك ابا ارجع البيت مليت .. وكل شوي يوديني مكااان ويحوطني في بقعه

فـ عااادي

عادي ياختي وايد رياييل جيه منهم ريلي انا مايحب السوق .. بس حليله يوديني مايقصر يوم ابا والحين خلاص اروح مع خواتي يقول لي روحي معاهم وخلصي امورج والحمدلله مع خواتي اريح واحسن سوي نفس الشي روحي مع امج ولاخواتج وان مارضى عاد مادري شو اقولج

صح استأذني منهـ وسيري وياا هلج .. في حال لو تبين تاخذين اشياء وايد محتايهـ انج تلفين ع المحلاات

اما اذا مشوار بسيط ومحددهـ شوهـ تبين ومن وين واذا تعرفين انج مابتبطين خذيهـ هوهـ في هالحالهـ

موفقهـ

معظم الريايل جي فما بالج بلي يو تقولين له أبا أسير مايوديج الا في السنه حسنه

أنا من عرست ما قد سرت ويا ريلي السوق

ما يحب هالسوالف و المراكز
شو أسوي حاولت على الأقل نطلع تنغير جو

خلاص تعودت أسير روحي