السلام عليكم ورحمه الله
الموهييييم بدخل فالموضوع ع طووول
امممممم انا الحمد الله اشتغل في دايرة حكوميهـ
ومرتاحه وفي نفس الوقت مب مرتاحه في شغلي
يعني الشغله الحمد الله زينه والراتب مقبول الحمد الله
بقولكم المشكله
انا حاطيني في مكتب اطبع اوراق واسوي رسايل حق الدايره اذا بيطرشونها مكان خارج الدايره
المهم كانوا حاطيني مؤقت كنت توني موظفه يديده لان الي يسوي هالرسايل طالع سنويه وعندهم نقص
يوم رجع ما قدروا يحولوني مكان ثاني يابولي مكتب وحطوني وياه اساعده او بالاحرى يساعدني
المشكله المكتب الي انا فيه فيه ريايل 2 واحد يساعدني والثاني كبير في السن وشغلته غير عن شغلتي
المهم الصبح اتكون الاوضاع عاديه بس من عقب الساعه 12 المكتب كله ريااايل
يعني يخلصون شغلهم الريايل الي فالدايره وايون ييلسون ويا هذا الريال الكبير في السن ويسولفون
طبعا انا شكلي غلط امبينهم المكتب كله ريايل ومضطره ايلس عشان اخلص شغلي
لا تقولولي اطلبي نقل لان ما يقدرون ينقلون او ما يبون ينقلوني
يقولون انتي بنت شغوله وحطيناج فالمكان المناسب
فـ مب عارفه شو اسوي
الحين يوم يتيمعون الريايل اسير ايلس في المكتب الثاني
المكتب الثاني كله حريييم ايلس عندهم لين يخفون وعقب ارجع اكمل شغلي
حاولت ويا رئيس القسم يحطني ويا البنات بس للأسف ماشي مكان
الغرفه صغيره والبنات الي فيها وايد
يعني حاطين 5 مكاتب وما شي مجال يحطون مكتب سادس
عطوني حل
قولوا شو اسوي
والله ماعرف شو اقولج …….. بس …… شرايج تشوفينهم بحتقار يمكن يستحون و يظهرون برع خخخ
انزين رمسي ها الريال الي يشتغل وياج مب االشيبه
عشان يفهم الشيبه و يسير يسولف ويا ربعه برع المكتب
اصلا اليلسه والسوالف ليش ؟ رفعي للمسؤول طلب نقل بالاسباب يمكن انتي تكتبين طلب النقل بس ما تذكرين لاسباب
واذا تيمعوا تمي مع البنات وردي لمكتبكم اذا فيه شغل بس ردي طرشيله طلب نقل بالاسباب
او رمسي الريال الكبير في السن وقوليله انه يسير لهم هو بدال ماهم اييونه لنج بنيه ومب حلوه اتمين يالسه وسطهم و واستسمحي منه وضحيله انج ما طلبتي منه هالشي الا لنه طلب نقلج شوي صعب
اعرف هالسوالف كانت تستويلي كنت احيانا اضطر اقعد لاني استحي اوقف وامشي جدامهم لين الباب
بس عقب ما طفح الكيل اكبر طاااااف لهم من يدخلون انا اشل شلولي واضرب الشغل بعرض الحايط لو حد من المسئولين بيكلمني بقوله ما اقدر اشتغل والمكتب مستوي ميلس رياييل >> اضرب عصفورين بحجر
يعني كل ما يدخلون سوي طاف للشغل وقعدي مع البنات
او كلميهم بجرأة اللي وياج عسب ما يخلون الرياييل يتيمعون
المشاركة الأصلية كتبت بواسطة رياانة العوود 