مساكم الله بالخير والنور والسرور حبايبي شحالكم ؟
ابغي اسألكم بخصوص معالجة حب الشباب والاثار .. انا اليوم سرت عند دكتور جلدية شاطر واايد
قالي علاج حب الشباب يكون بطريقتين اما بالكريمات وهالنوع من العلاج مايشيل الحب مره وحده
يعني احتمال ترد مره ثانيه .. واما عن طريق الحبوب وهاي تاخذ فتره حوالي 6 شهور من العلاج
بس النتيجة مضمونه يعني الحبوب مولية ماترد .. وسألته عن المضاعفات قالي نسويلج تحاليل قبل
وعقبها نحدد اذا يصلح لج هالعلاج ولالا .. الحينه انا ابا اعرف منو يربت هالنوع من العلاج
وهل لاحظة اضرار او جوانب سلبية على هالادوية .. ؟؟
ما انصحج اصلا مب الكل يستفيد ……ز انا استخدمت الكريمات والحبوب بعد ماشي فايده ترد تطلع
والحبوب سوتلي مضاعفات كثيره …….. وسبحان الله في ناس ما ياهم شي من الحبوب
قوليلهه يعطيج حبوب اسمها فايبرامايسين هي مضاد
انا بعد مره رحت عن دكتور جلدية الكل يمدحه
عشاان نفس المشكله "حب الشبااب"
و عطااني نفس الحل <– الحبوب
بس قالي قبل لازم انسوي لج تحاليل
يبون يتأكدون أنه هالحبوب ما اتأثر في الكبد
يمكن قالي إنه نتيجة التحاليل تاخذ شهر أو شهر النص من التجاارب
انا صرااحة من رمسته خفت واايد <– بعد ما عندي غير (كبد) وااحد لو اخترب جبدي شو بيرقعني حب الشبااب
اختي انا رحت عند دكتور جلدية بعد و كتب لي الحبوب والكريمات والحين صار 20 يوم تقريبا وآخذ الحبوب مرتين فاليوم والكريمات كل وقت له كريم الليل والصبح والمغرب وطبعا مع الواقي ,, وتقشر ويهي واستوى شكلي سم هههه بس الدكتور قال انه بتطلع كل هالحبوب ويستمر العلاج من3 الى 6 شهور على حسب استجابة البشرة لها
والحمدلله الكل لاحظ علي التغير ويهي صار احمر وانا مستانسة على هالشي لاني انا ملاحظة على عمري بعد وبنتريا النتيجة الاخيرة بعد ثلاثة اشهر …
الحبوب احيانا لها مضاعفات ابتعدي عنها
^.^
السلام عليكم حبوبه
أنا استعملته وصافى بشرتي بس طاح شعري لانه وايد يجفف وماقدرت اكمل اخدته تقريبا 4شهور وتميت فترة من دون حبوب بس رد هالايام مادري ليش
على العموم احسنلج استخيري قبل ماتاخدينه
انا اختي خذت الحبوب ومن اول شهر والثاني وقفها عنه وماكملت ال6 شهور لانه مفعوله قوي وماشالله راح منها نهائيا بس انصحج كل اسوع راجعيه هالدكتور حتى لو هو ماطلب منج بس عشان تتطمني ع عمرج ولا تخافي اناشفت وايد اوكيه هالدكتور مدامه وصفلج هالحبوب ولو تبين صابونه بتساعده ع عدم ظهور الحبوب وترطيب البشره طرشيلي ع خاص بعطيج اسمها وايد مفيده لانه قالها هالحبوب تسوي جفاف بالويه وبالجسم اذا مكان فيه حب شباب وسلامات ان شاءالله الغلااا
المشاركة الأصلية كتبت بواسطة قـرمـوشه 
