الوسم: الشاهي

الشاهي الاخضر للحامل

السلام عليكم الغاليات اريد منكن شي ضروري انا حامل فالشهر الاول وبغيت اتخبر عن الشاهي الاخضر والزعتر هل هو يضر الحامل بليز ردن علي ضروري

حبيبتي االلي اعرفه ان الزعتر مضر .. والله اعلم

الغالي والشاي الاخضرلان وزني وايد فقالولي ان اذا شربت كوب فالليل بينقص وزني انا فاول شهر وزني 86

وووووووووووووووووووونكن الغاليات

مااعتقد الشاي الأخضر يضر اللي اعرفه عن الزعتر يضر والله العالم

بس الأحسن تنسين سالفة الضعف وخاصة انج حامل بالعكس في هالفترة البيبي محتاج ياكل ويتغذى
لا تنزلين وزنج الحينه خليه بعد ماتربين

لاتشربين يضر البيبى تحملى اختى………….. خففى من الدهون فى الاكل والسكريات ,, عشان بس تحافظين على وزنج

بثقل عليج بسوالي بس كيف بيضر الياهل انا الاقالولي ان عادي يهدي الجسم دكيلكن ردن علي ضروري

مركز دايت نيوترشن والشاهي الصيني الاخضر

سلام عليكم..

شخباركن بنوتات وحريم..

حبيت استفسر عن مركز دكتور دايت نيوترشن..

راح اشترك بالمركز هالاسبوع… الكل يقول زين..

اشرايكم باللي يضيفها المركز للريجيم..؟؟

هل لها اثار سلبية

وكيف بالنسبة للشاي اللي يبعوه… هل زين او ما منه فايدة؟؟!!

انا افكر احذ الشاي الاخضر الصيني .. يجولوا احسن من الشاي الاخضر العادي مثل ليبتون..؟ ويضعف اسرع..

ابا اضعف عندنا عرس شهر 2

اب اب….

ماشي جواب!!!!!!!!!!!!!!!!!!!

مرحب يالغلـآ ،،

انا ربيعتي مشتركة ف مركز نيوترشن كان وزنها قريب الـ 100 يعني حوالي 98 او 97 ماعرف بالضبط والحين صار وزنها 75 وتقريبا صار لها 3 شهور بالمركز
هم يعطوج نظام تتبعيه و بتنقصين بالاسبوع 2 او 3 كيلو او اكثر وماتوقع لها اثار سلبية لان اللي بيعطيج نظام الرجيم دكتور مب اي حد ..

اما عن الشاي الصيني ماعرف ،،

المشاركة الأصلية كتبت بواسطة وحيدة الحال1
مرحب يالغلـآ ،،

انا ربيعتي مشتركة ف مركز نيوترشن كان وزنها قريب الـ 100 يعني حوالي 98 او 97 ماعرف بالضبط والحين صار وزنها 75 وتقريبا صار لها 3 شهور بالمركز
هم يعطوج نظام تتبعيه و بتنقصين بالاسبوع 2 او 3 كيلو او اكثر وماتوقع لها اثار سلبية لان اللي بيعطيج نظام الرجيم دكتور مب اي حد ..

اما عن الشاي الصيني ماعرف ،،

تسلمي حبيبتي,, ع ردج.. شجعتيني وايد.. الكل يمدح بالمركز ونظامهم..

قريبتي كانت مشتركة معاهم و ضعفت 5 كيلو في شهرين بس بعدين وقفت و ردت شرات قبل و زادت 2 كيلو فوقهم ^_^ و الحين تمشي على نظام خاص مب تابع للمركز و نزلت أظني 2 كيلو و ان شاء الله توصلون للوزن المطلوب بصحة و عافية و بالنسبة للشاي دايما خذي النوع العضوي و اللي ينباع بالوزن و تجنبي شاي أكياس التغميس لأن فائدتها تكاد لا تذكر ! ان شاء الله أكون أفدتج
في حفظ الرحمن

المشاركة الأصلية كتبت بواسطة Lotus5
قريبتي كانت مشتركة معاهم و ضعفت 5 كيلو في شهرين بس بعدين وقفت و ردت شرات قبل و زادت 2 كيلو فوقهم ^_^ و الحين تمشي على نظام خاص مب تابع للمركز و نزلت أظني 2 كيلو و ان شاء الله توصلون للوزن المطلوب بصحة و عافية و بالنسبة للشاي دايما خذي النوع العضوي و اللي ينباع بالوزن و تجنبي شاي أكياس التغميس لأن فائدتها تكاد لا تذكر ! ان شاء الله أكون أفدتج
في حفظ الرحمن

تسلمي فديتج.. افدتيني وايد ..

فوائد الشاهي والبسكوت؟


اخواتي العزيزات

ابي مشورتكم انا هذي الايام نازله اكل في البسكوت والشاهي
ابي اعرف ضرر هذا على الصحه وهل يسبب سمنه لاني اتبع حميه وطفشت منها

الله ينور لها ويخليلها زوجها اللي بترد عليه وتفيدني

ما عندي فكره !! حبيت ارفع الموضوع

بس اختي البسكوت مال الحميه ؟؟ ولا بسكوت عادي !!

والشاي اعتقد أفضل بدون سكر وما يكون بعد الوجبه على طول يعني أحسن عقب الوجبه بساعه اقل شي

والله يوفقج

انا الي اعرفه انه البسكوت المالح اوكي بس مب بكميات كثيره او بسكوت الدايت بس اتحملي من الشاي الي بالحليب لانه يمتن مع كثرة الشرب فحاولي تاكلين باعتدال وحطي ممكن سكر الذره حلو للرجيم

شكرا خواتي لتجاوبكن جزاكن الله خير
وهو البسكوت العادي ماري مب حق الرجيم

الشاهي الاخضر

توصلت الدراسات الطبية الحديثة مؤخرا ان للشاي الأخضر فوائد عظيمة للحفاظ على الصحة ….

1- الشاي الأخضر يساعد في تقليل مستويات البروتين الشحمي ldlوالذي يعرف بالكوليسترول السيء فيقي من الاصابة بأمراض القلب وتصلب الشرايين .

2-غني بالمواد المضادة للأكسدة التي تحمي الجسم من الأمراض.

3- و أن أحد أقوى هذه المركبات ما يعرف اختصارا بالرموز EGCG الذي يساعد في الوقاية من اشعاعات الشمس وأنواع متعددة من الأورام السرطانية .

4- كما يحمي أيضا عند وضعه على الجلد من التقرحات والبثور وانقسام الخلايا غير الطبيعي الذي يظهر بسبب أشعة الشمس المؤذية .

5- انه يصبغ الاسنان ولكنه يحميها من التسوس لأنه يحتوي على الفلورايد .ويحافظ على اللثة ويقاوم البكتريا الضارة علاوة على انه يقاوم رائحة النفس الكريهة .

6-يحسن وظائف الكلى ويقاوم الفشل الكلوي كما يحميك من الإصابة بالقرحة وينظم حركة الأمعاء .

7- يقاوم ارتفاع السكر ويساعد على انقاص الوزن إذا شرب بعد الوجبات .

8- يحمي المخ من الجلطات وينشط الذاكرة والتركيز والإدراك

منقووووووووول للافادة…….والسموحه

الله يجزيك كل خير على هي المعلومات

يعطيج العاافية على النقل المفيد

غناتي

ثانكس ع الملعوومات

ثانكس ع المعلوومات

تسلمين اختي عالمعلومات

يزاج الله خير ع المعلومه

لمــــتا وحنا نشرب الشاهي بكاساااات جبنه

منقول من الأميل

تسلمين الغالية….بس وين نلقى منهن؟؟؟؟

حلوييين
مشكورة

حلوييين
مشكورة

أما أنا أحب أشرب الشاهي في فنجال القهوة…>>>>>الناس أذواق:1 (35):

يالله يالله شو هالزين

تسلمين حبوبه على الصور الغاويه

اظني الجاهي فيهن يستوي عسل

:1 (84):

تسلمين الغاليه على الاكواب الحلوه

هذيل الاكواب دلع

لكن اكواب الجبن مزاااااج

&&حطيتي قهوة بدلا الشاهي في ترمس الشاهي الحل عندي&&

مشكورة حبيبتي على المعلومة وان شاء الله ما نغلط في الدله

يعطيج العافية

يعطيج العافية

مشكوره فديتج عـ الافاده^_^

تسلميييييييييين إن شاء الله مانخربط ……ههههههههههههه

والناعم ماينفع؟؟؟

اخاف من كثر ما اخضه يستوي لبن
او اييني ارتجاج ف المخ

الشاهي الاخضر للحامل

بنات فيدوني ابا اشرب جاهي اخضر بس يقولون مب زين انا ف الثامن ماشاءالله بس الكل يقولي شي وحترت الصراحه وشو تنصحووني اشرب بدااله الانه فيني سكر حمل
ربي يرزق كل محروم بالذريه

دورت فالنت لقيت انه مب زين نسيت اسم المادة اللي فيها …

عامة سوي سيرج فقوقل

للرفع

الله يتمملج على خير و تقومين بالسلامه ان شاء الله

للرفع

انا كلللللللللللل يوم اشرب جاي اخضر
بس من اعرف اني حامل اوقفه
لانه مضر

بس انا سألت الدكتوره اول ما حملت قالت عادي بس اشوي ما اكثر

الله يتمملج على خير يارب

منو تعرف كيف شكل الشاهي الاخضر. وو وين ينباع .

هلا بنوتات اخباركن
فديتكن ابغي اعرف من وين ايييب الشاهي الاخضر

لاني ابا اسوي هالخلطه اللي ايقولون عنهها تحرق الدهون

زنجبيل
وزعتر
وشاهي اخضر
وانا بظيف لها عيدان قرفه
وبسويلي دله وبتم اشرب منها

بس ما اعرف كيف شكل الشاهي الاخضر
ووين ايبيعونه

ممكن اللي تعرف اتخبرني
او اتحط صوره له

ووين ينباع فالعين
ويزاها الله كل خير اللي بتخبرني
وترفع موضوعي

حبيبتي ينباع في كل مكان غريبه ماتعرفين الجاي الاخضر

عندج الجمعيات شي اكياس وبودره ماركة تونيق
السوق الصيني
في بعض المولات في الكشكات

والله ما اعرفه

بدوره

بس اللي عنده صوره ايطرشها بكون شاكره لها

للللللللللللرفع

دلوني على تقديمات شاهي ممكن أفرزنها عندي ضيافة مع الشاهي وودي استعد لها .؟

السلااام عليكم ورحمة الله
كيفكم حبايبي
صلوا على نبينا محمد أول وبعدين أبا منكم مساعدة في أفكار لمفرزنات ممكن أفرزنها عشان توفر لي الوقت وعند العزيمة ما أبتلش …
ناااطرتكم يا قمامير

السلااام عليكم ورحمة الله
كيفكم حبايبي
صلوا على نبينا محمد أول وبعدين أبا منكم مساعدة في أفكار لمفرزنات ممكن أفرزنها عشان توفر لي الوقت وعند العزيمة ما أبتلش …
ناااطرتكم يا قمامير

سمبوسه .. سبرينغ رول .. كبه .. رولات التوست ..

اللهم صل و سلم وَبَارِكْ على محمد و على ال محمد

جميع انواع المجدات او الأكلات المفرزة تحصلينها في الجمعيات و كارفور
بس انا احبها فرررش

سوي سمبوسة بالجبن ،، بالخضار ،،، باللحم ،،، و بالبطاط
سوي سبرينغ رول و على فكرة لو تاخذينها جاهزة يكون احسن

كبه ،، فطائر جاهزة بالجبن و اللبنة و و و

عليكم السلام والرحمه اللهم صل وسلم على سيدنا محمد وعلى اله وصحبه اختي الغاليه افضل شي الفرش وماياخذ وقت انانظامي اسوي الحلويات ليوم وباجر افضى للعشى او الغدى وجي اكون وفرت وقت

اختي عندج افكار وايد
عندج التوست عقب ماتفردينه تحشينه بحشوات وايد جبن مع نعناع او اجبان منوعه شيدرو جبنه بيضا
او دياي او خضره الشي لي تحبينه وعقب تشكلينه يا رولات او شكل الهلال (نفس القياطف) وتغطينه في بيض وعقب بقسماط وتفرزنينه
وعندج السمبوسه بحشوات وايد
وعندج البف باستري
وكرات الدياي بعد
او البطاطا المحشيه بالدياي ونفس الفكره غاطتنها فبيض وبقسماط
عندج الخبز العربي تقدرين تقطعينه مثلثات تحشينها كيري وتصكرينها بعود اسنان وعقب تفرزنينها وقت الضيوف تقلينها وترشينها عقب بزعتر لذيذه وايد وبعد لو سويتيها بحشوة دياي عقب ماتمسحين الخبزه بشوية جبنة كرافت وتلفينها وتثبتينها بعود اسنان وحطيها فالبيض والبقسماط وفرزنيها وقليها عقب
وعندج عجينة السمبوسه احشيها جبنه بيضا قليلة الملح ولفيها ع شكل رول وفرزنيها وعقب قليها وغطيها فالشيره وهي حاره شرط الشيره بارده
وصفيها بمصفاه ورشي عليها فستق مطحون او ناريل
وايد اشياء تقدرين تستفيدين منها

اتمنى تعجبج افكاري