الوسم: الشاطرات

البنات الشاطرات بالمطبخ بس يدخلن .

[السلام عليكم خواتي كيف حالكن …….

بنات ابي مساعدتكم بأثث مطبخي ولاني عارفه شنو احط فيه يعني مواعين والشغلات هذي كل وحده تدخل تكتب لي شنو اشتري تراني مضيعه ياليت الي عنها خبره تفيدني

الله يجزاكم خير……..

شوفي الصور ممكن تساعدج
و اشتري اغراض المطبخ من بيتي و إيكيا و محل اسمه stockes في Up Town center
و طبعا يوم بتدخلين هالمحلات بتحصلين اللي تحتاجينه من اغراض المطبخ و ديكوراته :1 (4):
اتمنى اكون فدتج
اخليج مع الصور

هلا اختي عبير رتبي افكارج اول بعدين اشتري الاشياء 1 طقم الجدور 2 اباريق الشاي والقهوه 2 طقم صحون استعمال يومي وكوبات ماء واطقم الشاي والقهوه يوميه ودلال 3 اطم السكاكين الكبيره والصغيره واطم ملاعق الطبخ و اطقم ملاعق وشوك يومي علب التخزين وحاملت البهارات و بتحصلين عند ايكيا علاقات الصحون والكلينكس والملاعق وايد حلوه وعمليه تعلقينها على الجدار كذا وحده تحت بعض منظرها وايد حلو ومرتب….. وطبعن ما ننسى اطقم الضيافه الرسميه… وتسلمين

مششششششششششكوره اختي نيمو الله يعافيك ياقلبي

الظاهر انك ما فهمتي علي انا ابي قائمه بالاغراض الي احتاجها للمطبخ يعني مثلا كاسات سكاكين يعني زي كذا………

هلا بك اختي العيناويه2 ومشكوره يا عمري ما قصرت

اول شئ خبريننا كم عددكم حبيبتي ؟

مرحبا اختي عبير

اتمنى ان كلامي هذا بيفيدج

بداية لازم تحطي في اعتبارج عدة امور منها

1. انتي من الطبيخات والا راعية اقلي واكل نصف جاهز وجبنه ولبنه ومشي حالك اتمنى تكوني فهمتيني

2. عدد اشخاص الاسرة يعني مثلا انا بالنسبة لي الاطقم الصغيرة ما تنفع لي لان جزء من عيلتي الكبيرة ساكنين معي
3. الضيوف اللي غالبا تتوقعي حضورهم يعني ضيوفي رسميين والا غير رسميين وبذلك تكون اغلبية الاطقم
4. بالنسبة للادوات الكهربائية والخلاطات والعجانات وغيرها يعتمد على البند الأول
5. هل انتي او افراد العائلة من النوع الملول اللي يحب التغيير او من النوع القنوع اللي ما يفرق عنده الصحن وشكله
6. دائما اجعلي اختياراتك متنوعه يعني في الاحجام الماركات وراعي بعد اذا فيه اطفال يكون لهم ادواتهم الخاصة واللي غالبا ما يفضل تكون بلاستيكية يعني لو وقعت ما تنكسر ويمكن استبدالها بعد فترة لانها رخيصة
7. نوعي من صواني واطباق وكؤوس تقديم العصائر يعني كاسات الكوكتيلات تاتي كبيرة العصائر سريعة التحضير من مثل تانج وربعه تكون اقصر لان البعض لا يفضل شرب كميات كبيرة منها وحتى لا تنتهي في حوض الغسيل
8. بالنسبة للبيت افضل النوع البلاستيكي ولكن ذو الأشكال الجميلة تفتح النفس وفي نفس الوقت عملية
9. أدوات الطعام الشوك والسكاكين والملاعق يوجد في الاسواق دائما اطقم تحتوي على عدد كبير من القطع شوك وسكاكين وملاعق للاكل للحلويات مغارف وادوات صب شربه وسكين الكيك وغيرها افضلها للتقديم عنما استقبل الضيوف بالنسبة للاستخدام اليومي يفضل شراء الادوات بالقطع لانها متوفرة دائما في الاسواق وفي حالة ضياع عدد منها يمكن استبدالها بغيرها بدلا من شراء طقم جديد بالكامل

وانا بصراحة لما اثثت مطبخي اشتريت هالاشياء:
طقم قدور مكون من 23 قطعت تقريبا
طقم مقالي
كروسولات لغلي الحليب وصناعة الصلصات
مصافي متنوعة لتصفية الارز والخضار والمعكرونة وللعلم اللي تنفع للارز ما تنفع للمعكرونة وعن تجربة
طقم الواح للتقطيع بلاستيك وخشب
طقم ملاعق للطبخ (بلاستيكية وخشبية)
طقم ملاعق لغرف الطعام
طقم لغرف الحلويات
طقم سكاكين مثل اللي بالصورة
طقم سكاكين للخضار وتقشير الفواكه
طقم ملاعق للضيوف ياتي غالبا في حقيبة جليدة فاخرة
طقم شوك وملاعق للحلويات
طقم ملاعق وشوك وسكاكين للطعام

طقم اكواب بلاستيكية مع الدورق للعصائر
2 طقم اكواب للعصائر تصاميم بسيطة
2 طقم عصائر للضيوف من النوع المبهرج قليلا ولكن متناسب وميزانيتي
2 اكواب ماء زجاجية وبلاستيكية
طقم أكواب للشاي
طقم استكانات شاي
طقم فناجين قهوة تركية
طقم فناجين قهوة عربية

ترمس للشاي
ترمس للقهوة
ترمس للحليب (لان بعد كثرة الاستعمال كل ترمس بيصير له رائحته المميزة وبيغير طعم السائل اللي فيه)

ابريق للقهوة وانا افضل النوع القديم
ابريق للشاي
غلاية قهوة تركية

مكاييل للسكر والطحين للحلويات

أطقم صحون ويفضل المجموعات اللي فيها صحون للطعام والشوربة والحلويات

صحون متنوعة بمقاسات مختلفة للعيوش خخخخخخخخخ

صحون للحلويات

صحون اكبر شوي للفواكه

صواين لتقديم الشاي والقهوة والعصير
وتاتي باحجام مختلفة وانا دايما افضل آخذ اغلب القياسات لانها تنفع يعني اذا عندج ضيف واحد ما يحتاج تقديمله كوب عصير في صينية كبر الدنيا

اوعية بلاستيكية للمزج باحجام مختلفة

قوالب وصاني للفرن

اوعية بايركس للفرن

اوعية تقديم وغرف للشوربات والصلصات

اوعية لتقديم الحلويات

سلة او صحن مميز لتقديم الفواكه

حاويات بلاستيكية لحفظ الاكل والتوابل والمكسرات والمعكرونة والقهوة والشاي والسكر وغالبا كل صنف من اللي ذكرته مجموعة خاصة

نشابة لفردي العجين

خلاط عصير واذا تبي تريحي نفسج اشتري الطقم كامل عجانة وعصارة وطحانه في نفس الوقت

وما ننسى مصفة القهوة ومنخل الطحين والسكر

سخانات الطعام باحجام مختلفة

سكرية صغيرة وحلوة

هذا اللي اتذكره واتمنى ان اللي قلته نفعج بشيء ولو بسيط

تحياتي

اختج ام ذياب

الشاطرات في المكياج تعالو طلبتكم

السلام عليكم و رحمة الله و بركاته

شحالكم عساكم بخير

اختي بتعرس ان شاء اللله بعد شهر

و محتاره و ين تتعدل .. بين فاطمه المرزوقي و هيفا صفر

فانتوا عندكم صور لهم و لغيرهم ..

و اللي اتعرف وحده غير عن تجربه اتقول لي و اتحط صور لو عندها

عالعام او الخاص براحتكم ..

و اكون شاااااااااااكره لكم ..

السموحه

هيفا صفر
بالنسبة لي محد ينافسها

ومبروووووووووووووووووك

والله يوفقكن انتي واختج

مشكوره ام ميثاني

و ان شاء الله وياج ياا رب

تسلمين

وييييييييييين الشاطرات بس ام ميثاني

هيفا صفر

هيفا صفر

الله يوفقها

يا هيفا صفر يا رحاب ^^

يالله يا خبيراتنا الشاطرات وين أحصل ماركة جريماس؟



مرحبا خواتي يزاكم الله ألف خير وخاصه اللي بترد علي والله خاطري ببودرة مائيه اسمها جريماس grimass وخاصه خبيراتنا اللي ايعرفن فالميك أب وين أحصل هالماركه؟وأنا بيضا وأبيغها للمناسبات أي درجه؟ خاصه اللي يحطونها للعرايس…الصراحه البودره وايد روعه..وبكم سعرها؟ وسألت وايد خخخخخخخخ…وان شاءالله أتريا الرد من الطيبات…وتسلمن يا رب…

جيكي الخاص طرشت الرقم

انا بعد اريد اذا صدق روووووووعه

أنا بعد أبااااامن وين ؟

للرفع

ياليت تفيدونا من وين

انا بعد ابغي الرقم انا احيدهم ف السوق الحره ف دبي لكن شكله عندهم مندوبات و الله اريح

ابغي ارقم ؟؟؟؟

سمك الامارتيات الشاطرات

بنات الامارت الي شاطرت في السمك فية سمك يكون مبثوث ماعرف شو ايسمونة يعني ياخذون السمك و ياخذون بس الحم مالة ويعقون العظم والجلد ويفركون اللحم يستوي كانة تونة
الي يعرف الطريقة يعلمني ظروري

يمكن قصدج ( جشيد )؟

الجرجور يعني الجشيد

تقصدين القشيد

القشيد صح ؟؟

هي هو الجشيد

عمتي تسويه وماشاء الله فنان

بتخبرها ان شاء الله وبكتب لج الطريقة

قصدج الجشيد ؟؟
وايد سهله

العجينة يا الشاطرات

يا الشاطرات ممكن اتقولون لي يوم اعجن العجينة وارقها لفطائر الزعتر تكون يابسة يوم اسويها الفها بالجبن عادي ماتصير يابسة ليش تكون يابسة
وبعدين ابي اعرف اخلي العجينة اشوي سميكة لزعتر
والزعتر اكثر الزيت مع الزعتر على اساس يمسك على العجين

ابي حل

للرفع

اختي شي عادي الزعتر هو ناشف ونحنا كلنا نفس الشي

مشكورات الاخوات الي ردوا
يعني الزعتر ماخلطة بزيت الزيتون
وياليت الشاطرات بعد يردون

محتاجة رد كامل

السلام عليكم
اول شي لازم تخلطين الزعتر مع زيت الزيتون وتحطين ملعقة كبيرة ماء لان الماي يخلي الزعتر ماينشف
بعدين دوائر العجين لا تخلينها خفيفة يعني تكون سميكة شوي وبعد ماتحطين الزعتر عليها تخلينها تخمر وبعدين ادخلينها الفرن …..
ان شاء الله اكون افدتج في شي …

المشاركة الأصلية كتبت بواسطة حياه98
السلام عليكم
اول شي لازم تخلطين الزعتر مع زيت الزيتون وتحطين ملعقة كبيرة ماء لان الماي يخلي الزعتر ماينشف
بعدين دوائر العجين لا تخلينها خفيفة يعني تكون سميكة شوي وبعد ماتحطين الزعتر عليها تخلينها تخمر وبعدين ادخلينها الفرن …..
ان شاء الله اكون افدتج في شي …

اكيد اختي مي مع ازعتر؟ اول اسمعها بس بجربها انشاءالله

العروسآآآآت الشاطرات اقترحن عليهـ !~

السلامـ عليكمـ ..
هو موضوع شويهـ عبيطووهـ ><
بس ابا رايكم . ,
انا صارلي معرسهـ من كم شهر ’’ وهاي اول مرهـ ريلي ,, يسافر عني أسبوع ’. وانا ابا اسوي اغير في شكلي بس المشكلهـ
ما اقدر اصبغ 😡 لظروف صحيهـ لول
وما اقدر اقص شعري لانه قصير ., هزركم شو اسوي , غير اني اتحنى
بلييز هلبوووووومي

تسلموون ,,

uP

help 3aaaaaaaaaaaaaD

مرحبا الغاليه انا بقوولج سوي شي بسييييط مثلا جهزي فستان حلو وهادي واول مره يشووفه عليج تغيير من الروتين بدال قمصاان النوم وسوي ميكب خفيف وسوي بشعرج حركه يديده مب متعود عليهااا يعني حطي مثلا ورده ع صووب وانتري شعرج ع طرف وااحد انشاءالله فهمتيني ورتبي الغرفه غيري الكفر ونثري ورد من الباب لي الشبريه وعالشبريه سوي حركه قلب داخلهاا حروفكم واذا عندج طاوله صغيره مدوره حطي شمووع واذا عندج برواز حطي صوره من صور عرسكم اكثر وحده اتحبينهاا ونثري ورد عالطاوله واذا عندج ورقه شكلهاا حلو حطيهااا فاضيه وفوقهاا قلم عسب يكتب لج شو بخاااطره (سويتهاا مره وعيبه وايد الحركه) وحطي موسيقى هااديه ….الحيين انيي للحمام عزج الله
زهبي الفوط بطريقه رومنسيه مثلا رشيهاا بعطرج المفضل وحطيهاا بسله شكلهاا راقي ونثري ورد وحطي شموووع وورد مجفف واكتبي عالجاامه بالروووووج اي شي تحبينه واهم شي جهزي البانيو ماي دافي ورغوه حلوه ونثري بعد ورد فالمااي يطلع المنظر رووووعه عن تجربه واهم شي البساااطه ولاتنسيين اهم شي الدلع خخخخخخخ
اتمنى اني افدتج ولو بشي بسيييييييط
وانشاءالله البناات مابيقصرن
والسمووووحه

المشكلة اتحسين ان الشكل يتغير مع تغير الشعر

وانتي لاتبين تصبغين ولا تقصييين مممم انزين قصي قصج بس ؟؟ اذا طويلة مثلا

ولا غيري في ديكور الحجرة و اشتري اشيا يديدة .. قمصان نوم ولا بجايم ولا بدلات .. وجيي

ان شاء الله البنات يفيدونج ^^ بالتوفيــــــــــق

ما عندج غير تغيرين في الميك اب ولفة الشعر ..

يعني مثلا سويه فير .. او مموج .. وحطي فيه اكسسوار .. وحطي ميك اب بس بالوان ما حطيتيها يدامه قبل .. وحاولي تغيرين في الرسمة ..

ولبسي لبس يديد ما شافه ولا شاف شي يشبهه عليج .. حتى لو كان بدلة او بنطلون .. مب شرط لبس نوم يعني ..

اممم وتحني بطريقة يديدة .. يعني مب بس ايديج .. لا مثلا .. تحني بحنا سودة .. او مثلا من كتفج لكوعج (( شفتها على جويل وعيبتني )) على ايد وحدة بس ..

حطي تاتو ..

اهم شي سوي اشيا انتي ما سويتي شراتها قبل ..

لا بالعكس بس بخير الحجرة ورتبيها ترتيب رسمي وبخور يديد ماقد شمه
والبسي مثل ماقالو البنات لبس حلو ناعم غير عن اللي لبستيه قبل وشعرج غيري استايله او تسريحته
وحطس مكياب خفيف وبيرز جمالك هو اصلن…………. مشتاق لك من دون مقومات الاغراء

موفقه حبوبه

الله يرجعه لج بالسلامه

الشاطرات في العجينة

بنات العجينة دائما ماتضبط معاي حتى الدونات علموني ليش تكون الفطائر يابسة والدونات من داخل لينة موب ناشفة
في ظنكم العجينة كل ماطولت في التخمير اتكون احسن

ولا وحدة شاطرة في العجين مايصير
ولاتطنيش

اختي انا بعلمش طريق الدونات مالتي بس يوم تسوينها وتضبطينها انشاء الله خبرينا
المقادير
5 كوبات طحين
فنجان سكر
2بيض
نصف كوب زيت
ملعقة كبيرة بيكنج باودر
2 ملعقة خمير صغيرة
4 ملاعق نيدو كبيرة
2 كوب ماء دافي
الطريقة
نخلط النواشف مع بعض ونخلط السوائل مع بعض اقصد الماي والخميرة والزيت والبيض والسكر اذا تبينبعدين تحطين المواد الباقية وتعجنين زين لحد ما تصير العجينة لينة واذا حسيتي انها ناشفة زيدي خاشوجتين ماي بعدين خليها في مكان دافي لمدة ساعة بعدين شكليها علي شكل الدونات الي تريدينها بس خلي العجينة متينه شويه ورجعي خليها بعدش داخل مكان دافي ربع ساعة بعديس اقليها وبعدين حطيلها سكر اذا تريدين وراح تدعيلي انشاء الله .

مشكورة حبيبتي اقدر احطها في الفرن بدل ماقليها

مرحبا ..

العجينة يباله وقت لين تتخمر .. في من العجاين يبالها ساعه وفي منهم ربع ساعة

والجو يلعب دور بعد ..وانتي تقدرين تشوفين اذا العجينة اتخمرت ولا لا..

وماعرفت شو مشكلة المعجنات وياج.. اذا تقصدين ماتكون مستويه من الداخل فيمكن درجة الحرارة

عندج تكون وايد عالية .. وبسرعه الفطاير تستوي مب برع ومن داخل مب مستوية..

وبالنسبة للدونات ..فذا مب مستوية من داخل فها يعني الزيت يكون واااااااااايد حار وبسرعه من برع

يستوي ومن داخل نيي يكون

الدونات يباله مثل البطاط والدياي .. اول تحطين الزيت وتعلين عالنار لين يسخن .. وعقبها تخففين عالنار ويكون عادي وتبدين تقلين .. ومن تستوي من تحت تقلبين الدونات

وان شاء الله اكون قدرت افيدج ..

وانصحج اتيربين عجينة العشر دقايق تراها فنانه وسريعه وخفيفه..

وترومين تزيدين وتنقصين منها اشياء وتكون اوكي..

وموفقه ان شاء الله

ربات البيوت الشاطرات أجــــــــــــــــــــــار الطماط

مرحبــــــــــــــــــا خواتي ………….

ريلي مره كل عند ناس أجار طماط لذيذ و تخبل عليه .. عاده أنا ف خاطري أسويله شراته .. منو منكن بتكسب فيه أجر و بتعلمني … يقول الطماط ماكان مقطع يعني كل طماطمه كامله بس صغار …

و مشــــــــــكورين^_^

ان شاء الله تاجرات الآجار يساعدونج حبيت ارفع الموضوع

المقادير
طماط من الحجم الصغير
خل + ماي+ ملح
ثوم تقريبا 4 فصوص + فلفل اخضر حار
كركم
الحبة السودا
وشي نوع من البهارات مب متاكدة من اسمه ..يكون شكله مدور ..يمكن اسمه حبة حلوة او شمر
الطريقة
تغسلين الطماط والثوم والفلفل وتحطينه فبرطمان ..تخلطين مقادير متساويه من الخل والماي او تخلين مقدار الماي شوي اكثر عن الخل وتضيفين الملح والكركم ولحبة السودا وتصبينه في البرطمان وتخلينه تقريبا 3 ايام وبعدين خلاص بيكون استوى..وهني وعافيه

للرفع ^^

المشاركة الأصلية كتبت بواسطة ***ايمان***
المقادير
طماط من الحجم الصغير
خل + ماي+ ملح
ثوم تقريبا 4 فصوص + فلفل اخضر حار
كركم
الحبة السودا
وشي نوع من البهارات مب متاكدة من اسمه ..يكون شكله مدور ..يمكن اسمه حبة حلوة او شمر
الطريقة
تغسلين الطماط والثوم والفلفل وتحطينه فبرطمان ..تخلطين مقادير متساويه من الخل والماي او تخلين مقدار الماي شوي اكثر عن الخل وتضيفين الملح والكركم ولحبة السودا وتصبينه في البرطمان وتخلينه تقريبا 3 ايام وبعدين خلاص بيكون استوى..وهني وعافيه

يــــــــــــزاج اللــــــــــــــه خـــــــــــــير أختي ^_^

البنات الشاطرات بالانجليزي بليز دخلو

السلام عليكم ورحمة الله وبركاته

شحالكم بناات عسااكم الابخير

بناات ابغيكم اتساعدووني ابغي اكتب موضوووع عن

how you try to stay healthy and look good

حبوبه ادخلي google واكتبي راس الموضوع وسوي بحث وبيطلع لج كذا عنوان اختاري اللي تبينه وحاولي تكتبين بلغتج انتي … والسموحه

موضوع لازم يضمن مقدمه و بدي و خاتمه الي تضمن التوصيات

في المقدمه تقدرين تكتبين women in these days are so concering about their health and appearance

تسلمين الغالية ما قصرتي

you have to research look in the internet and try to find information about health , then you have to focus on main ideas ,

then start writing the essay , with the introduction talk about health and how it important to keep ourselves healthy , and why we should take care of ourselves..
, in the body , talk about ways help people to look healther such as eating healthy food and stop eating fast food …..etc

conclusion write about your opinion about healthy lifestyle

×( o0o0 طلب مساعده من التاجرات ,, وخاصة الشاطرات فالماااااااث ،، بليييييييييييزo0o)x

السلام عليكم

محتاجه مساعده من التاجرات
والمشكلة هي اني محتاجه احل مشكلة حسابية من الحياة

وممكن اي تاجرة تعطيني ارقام خلال التعامل اليومي فالتجارة

المطلوب :
انه انتي تاجرة وعندج 3 انواع من المنتجات بتوزعينها على اربع او ثلاث مناطق بالدولة

ابا

عدد الوحدات لكل منتج ( مثلا المنتج الاول 10 قطع الثاني 5 الثالث 6 )
عدد القطع من كلا المنتجات الي تصل لكل منطقه ( يعني امارة دبي توصلها 50 قطعه من المنتجات الثلاث ،، امارة الشارجه 40 ,,, ….)
واخيرا ابا النقطه الاهم وهي الشحن

الشركة الي تستخدمينها فالشحن ( مثل : ارامكس ،، )
كم تاخذ منج هالشركة فتوصيل كل قطعه
يعني

المنتج1 يصل لدبي بتسعيرة 20 درهم للقطعه عن طريق شركة ارامكس
المنتج2 يصل للشارقة بتسعيرة 25 درهم للقطعه

وهكذا

واخيرا مكان التاجررة ( مثل من دبي )

احس اني عقدتكن وانه ولا وحده بتعرف تساعدني بس قلت بجرب خخخخخخخخخخخخخخخخخخ

والي بتساعدني يزاها الله خيررررررررررر

لاني محتاجه الارقام بتحليل المسألة الي بحلها واقدمها فانا محتاجه شي واقعي من الحياة اقدر اطبق عليه !!
ثنكس

:1 (82): :1 (82): :1 (82):

المشاركة الأصلية كتبت بواسطة حنان العالم
:1 (82): :1 (82): :1 (82):

ليش عااااااد

ترا المسأله بسيطه

بس ابا تكملة الجدول التالي بما يناسب

يعني ابا امثال واقعي مثل ما هو مطلوب مني :22 (7):

عالعموم يكفي ردج الحلو خخخخخخخخخخخخ

ممممممممم ماعندي خبرة والله .. فديت روحج الله يوفقج