ليش ما تدخلينه مدرسه حكوميه .. النموذجيات ممتازات بصراحه عن تجربه ..
ولدي في روضة السندس في الشارجه .. بصراحه كلمة روعه اشوي عليها من حيث التأسيس والانجليزي والعربي والدين ما شاء الله ولدي كي جي 1 ولين احين ماخذين 9 سور تبارك الرحمن .. وغير هذا الأكل والواجبات وكل شي على المدرسه يعني لا بتعاني من مقصف وحلويات وبلاوي وغيره اكلهم صحي الحمدالله مجرد انج تدفعين عند التسجيل مبلغ رمزي للأكل طول السنه وكل أكلهم شغل نظيف .. الحمدالله
ويسوون فعاليات حلوه للأطفال بين كل كم اسبوع و يودونهم رحلات ترفيهيه ورحلات تعليميه …. هذا غير الهدايا التحفيزيه والتشجيعيه للطلبه بين فتره وفتره …
وسعر التسجيل بصراحه رمزي جدا مقارنه بالجهد المبذول من المدرسه ^^
بصراحه أنصحج ما تفوتينها لانه الروضه هاي عضو في مؤسسه اليونيسكوا العالمية و نظامها رائع في التدريس بصراحه ^^ أعتقد السنه كامل التسجيل مع الأكل واللبس والمواصلات طلع علينا 800 درهم فقط!
و عندج في عجمان مدرسه الحكمه ممتازه بس بالانجليزي مب هاك الزود عن تجربه عيال حميي يدرسون فيها وعيال ربيعتي .. بس باللغة العربيه وايد اوكيه ^^ بس ما فيها فعاليات وترفيه بصراحه
و التسجيل فيها أعتقد 7000 درهم في السنه للكي جي … وكل مرحله يزيد السعر اشوي
و يقبلون الطفل للكي جي من عمر 3 سنوات و أكثر ^^
.gif "12 (64)")
