الوسم: السيارة

حلم ركوب السيارة و التبول

السﻻم عليكم ورحمة الله
الله يسعدك فسري لي حلم امي
رات امي انها فالسياره مع اخوي ويمشي فيها ووقف السياره عند بيته ودخل بيته وامي فالسياره ولما نزل تحركت السياره وخافت امي انها راح تصدم فالبيت اللي قدامها وكانت السياره تمشي بطيئه وفكت السياره ونزلت ولقيت جدار وتبولت وراه ورجعت ابغى اشوف السياره ولقيت عندها شرطي والسياره واقفه ورحت لبيت ولدي ودقيت على الشباك وسمعته هو وزوجته يهرجون ويضحكون وكنت اهاوش واقوله روح شوف
تركتني فسيارتك وسياراتك قامت تمشي في روح شوفها وانتهى الحلم
امي عمرها 49محافظه على الصﻻه
واخوي اللي فالحلم اخوي الكبير معلم محافظ على الصﻻه متزوج له سنتين وعنده ولد..

تمت الموافقه
خيرا نتلقاه و شرا نتوقاه
ان صدقت الرؤيا تدل ان كان ابنها قبل الزواج يهتم بالوالده فهو الان اصبح بعد الزواج
مشغول بحياته و زوجته و طفله و قل الاهتمام بالوالده و ربما الامر يؤثر علي الوالده فهي
تتمني اهتمام ابنها بيها و تدل الرؤيا علي زوال ضر عن الوالده و ربما هي في ضيق وسوف يزول عنها ان شاء الله و الله اعلم

كيفية العناية بالسيارة

مرحبا بنات كيف تنظفون سيارتكم

حتى لو البشكارة تنظف بس شو طريقه لا تقولولي

مغسله ابي طريقه فالبيت مرات ابي اغسل سيارتي

مافى احسن منى بغسل السياره خخخخخ هوايه
يوم اكون تعبانه ملنه مالي غير غسيل سيارتي لالالاتضحكوا على فى الحركه بركه
المهم اول شي انفض الغبار بمال الغبار..
بعدين احط شويه وشامبوه غسيل السيارات واسفنجه عوده وافركها وبعدين امسك الهوز واغسلها وعنديممسحه صغير مثل الممسحه لما تسيرين ذالمحطه يمسحو فيها الزجاج امسح الزجاج فيها واخليها تنشف شوي وعندي سائل يلمع التوائر هو على زيتى شوي امسحه بقطعه قماش وترجع واو
غير اني قبل ها اكون مسحتها من داخل واذا متربه اكنسها بمكنسه كهربه واخلي المبخره مال السياره شغاله…. وقبل ما اتوحم كنت امسح الكراسي بشويه كمفورت وماء ولكن الحين مع حملي ما استحمله اتلوع منه….
واي سوال ؟؟؟
والا اقلج يبي سيارتج خلينى نتسلا خخخخخخخخخخخخخخخخخخخ

ههههههههههه ما شاء الله عليج
بالصراحه اشجعج على تنظيف سيارتج ولو عندي فكرة بساعدج ^_^

مكيف السيارة

عندي مشكلة في مكيف السيارة مع أنة يبرد وايد بس أول ما أفتحة تظهر منة ريحة مب حلوة مع أني أعطر السيارة أتخنها.

عندي نفس المشكله اول ما اشغل السياره بس,,, عقب تخووز بعد ما يبرد المكيف.. في الجمعيه الغراش العطر اللي تنحط في مكيف السياره اول ما تشغلينه تطلع ريحته وااايد حلووو بيحل لج المشكله باذن الله

السلام عليكم
يمكن المكيف يباله غاز ؟؟؟؟؟؟؟؟ وتقدريت تحطين اوراق معطرة او اي نوع انتي تبين بتحصينه في المحلات والجمعيات ..

الغالية في فلايف ستايل اللي فالسنتربوينت يبيعون كرات خشب معطرة تنحط فالسيارة ووووايد ريحته حلوة

والشي الثاني اتاكدي من الغاز الخاص بالمكيف يمكن يكون مخلص

وانشالله اكون افدج

والسموحة

في انواع عطور وايد خاصة للسيارات في الجمعيات تخلي رحة السيارة حلوة

حبوبه لاتخلينه جي روحي شيكي عليه فالورشه لانه بعد فترهبيبتدي يسوي ليييك ههه "ليييك يعني تسريب" غاز واذا تسرب الغاز بيبتدي يطلع ريحه أرف تلوع بالجبد وبيأثر عالراااديتر مال السياااااره وبيسويلج الراديتر بف وياويلتااه وتالي عالمكينه حبوووووووبه والغاز بيأثر عليج وعصحتج مب زين تتنفسينه.شوفي روحي الورشه وخليهم يشيكون عليها يمكن المروحه مالت التبريد أو الثلاجه مالت المكيف يبالها تبديل …..

طبعا بتقوليلي كيف عرفتي لانها خبره وصارت لي قبل يابوج مرضت بسبت الغاااااااز ماله المتسرب… المهم انتي روحي شيكي وخبريني .اذا انتي من بوظبي بعطيج رقم ورشه مختصه بالمكيفات مال السيارات وتييب لج قطع الغيار ارخص عن الوكاله وربي يحفظج….

حبوبة انا صارلي نفس شي سألنت اخوية قالي انتي تتعطرن في سيارة فتكون ريحة لاصقة في المكيف بعد ما اعرف الله واعلم

حلم السيارة و التمر

السلام عليكم ورحمة الله وبركاته

اختي الفاضله حلمت بأني كنت مع شخص في سيارته وكنت مسانده على كتفه ووداني لمكان مثل المسجد واتصلت فيني اختي وقالت لي اسير انه هذا هو مكان الحرمه اللي توسم ( الوسم) ونزلت من السياره وشفت بنات من اهلي قلت لهم اصبروا انا بسير اييب سيارتي ورحت في مكان مثل السوق ولقيت وايد سيارات وتميت ادور سيارتي لين حصلتها بس كانت سياره نفس الشخص اللي كنت معاه وفجاه شفت بنت عمي يت صوبي وعطتني صحن فيه تمر وطحينيه

الحلم كان عقب ماصليت القيام بسورة البقره علما اول مره ابتدي اقرا سورة البقره في صلاه القيام

تمت الموافقه
خيرا نتلقاه و شرا نتوقاه
ان صدقت الرؤيا تدل علي تيسر الامور لك ان شاء الله مع هذا الشخص ان شاء الله
و تبشرك بسعه في الرزق و الله اعلم

ريلج و السيارة

بنات ابي رايكم في شي
اذا انتي في خاطرج سيارة وكالة يعني تكون راقية و برستيج مثل بورش و لا مرسيدس بتخلين ريلج ياخذها لج و لا بتنطرين لين تداومين عشان تطلعينها ؟؟
علما انه حالته المادية تسمح ياخذها بالاقساط مب كااش طبعا
كل وحدة فيكم تقول لي رايها ، لانه ربيعتي تقول حرام تشترين سيارة وانتوا بعدكم بالاجار ساكنين يمعوا لبيت العمر اولى !!

وانتي السياره الرااقيه ليش تبينها ليش مب سيارة سعرها معقول فكري تبينها حق الفشخره والخقه ولا لان خاطرج فهالسياره يعني … اذا هو يقدر يظهر سياره من الوكاله مب لازم تكون غاليه وااااايد خذي سياره معقول سعرها لان الرياييل ما يحبون الحرمه اللي تتطلب وااااايد واللي تحطهم ع الحديده وحتى لو يقدر يظهرلج هالسياره بالاقساط انتو عندكم التزامات غير السياره بس

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

انتي قوليله .. وهو ما بيقصر .. لكن تأكدي انه بياخذ عنج فكرة .. خصوصا لو هو كان من النوع اللي ما يشتري هالسيايير من الوكالة .. وبعدين تعرفين لو اشترى لج منها .. كم سنة بيتم اقساط .. وكم مبلغ القسط الشهري .. !!

اذا هو من النوغ اللي يشتري هالسيايير من الوكالة .. ما بيفرق عنده طبعا .. اما لو كان ياخ1هم مستعملات .. او حتى ما يبا يقرب صوبهم .. وانتي تخبرينه انج تبينها وممن الوكالة .. صدقيني لو ما قالج .. يمكن يدور في خاطره شي .. انج ابدا ما تراعينه ..

خلج قنوعة .. خلي ريلج يشوف فيج القناعة .. بتزيد محبته .. خليه يشوف فيج خوفج على مستقبلكم .. بتزيد ثقته فيج .. وبيقوم اصلا هو يخبرج عن كل اموره المادية .. لانه يعرف انج عون .. وكل ما كنتي قنوعة اكثر .. بتلاقينه يعطيج من نفسه اكثر ..

ومثل ما قالت ربيعتج .. هالاقساط اللي بتدفعينها في سيارة .. تغيرينها كل كمن سنة .. خليها توفير لبيتكم .. ترا ها اهم بوايد ..

وربي يوفقج ..

رب اشرح لي صدري .. ويسر لي أمري .. واحلل عقدة من لساني .. يفقهوا قولي ..

ربي يوفقج اختي

وما أحس السيارة البرستيج أحسن من بيت العمر

السيارة أختي مب ببرستيجها وانما بعملها وأداء شغلها !!

بنات اشفيكم علي السيارة الراقية مثل البورش و البي ام مب للفشخرة
للكرف
و السيارات الرخيصة ما تعمر وايد و مش مريحة للخطوط و اي خرابة ادمرها ع طول ، انا اريد اخذ شي يتم معاي سنين اكرفها كرف و اطلع جيمتها
شو دخل الفشخرة في الموضوع ؟؟
خلاص مشكورين ما اريد اي حد يشور علي
بروحي بقرر اذا انتوا تسيئون الظن في الناس
اتمنى ينغلق الموضوع شكرا *

اذا انتي صج محتاجه سياره اطلبي شيء تمشين فيه حالج حاليا ،، ولما تتحسن الظروف اخذي السياره اللي تبينها ويكون سعرها مناسب ،، احسن من انكم تنضغطون ماديا صح ولا لاء لانه الدين يكسر الظهر

سولفي مع ريلج عن السياره اللي تبينها وقول بخاطري بهالسياره وبس سكتي لا تقولين اشترها لي ،، بهالحاله جيسي النبض وشوفي ريلج هل يبادر ويقول لج انه بيشتريها لج ولا تحسين ظروفه ماتسمح ومايحب يجرحج و يقول مايقدر ،،

بنات اشفيكم علي السيارة الراقية مثل البورش و البي ام مب للفشخرة
للكرف

اختي صح كلامج هالسيارات صناعتها اووكي 100% بس بعد في سيارات صناعتها قويه وللكرف بس اسعارها في متناول الجميع مثل مايقولون ،، انا مابوقف ضدج عادي كل واحد وظروفه وحلال عليج اي سياره تشترينها

بس احسن شيء شاوري ريلج ويختار معاج اي سياره تصلح لج ، من ناحية الهيكل القوي والسعر المناسب و الخ ،، دام هو اللي بياخذها لج اخذي رايه ،، عقب بمعاشج اخذي اللي تبينه

حلم ركوب السيارة و الحلوى

السلام عليكم ورحمة الله وبركاته الحلم لاختي وانا كنت فيه ايضا

بلسان اختي..كنت في حديقة وذهبت الى صديقتها كان لديها طفلان تؤام واحد كان جميل والاخر كان جميل ولكن عيناها تكبر وتصغر ويتغير لونها دقيقة كانت شبه مخيفة بعدها ذهبت للسوبر ماركت وكان هناك شب لا اعرفه اشترى لي حلوى كثيرة وبعدها ذهبت انا واختي للمول وركبنا سيارة ولم تعرف اختي ان تقود السيارة واخبرتني ان اقودها عنها ووصلنا وكانت السيارة فخمة وسوداء ووصلنا للفندق وكان علينا ان نحل اسئلة لكي ندخل فاجبنا عن الاسئلة ودخلنا واستقيظت

هذا الحلم بلسان كما اخبرتمي لاختي والذي كان يقود السيارة فالبداية انا
تم حذف البيانات

تمت الموافقه
خيرا نتلقاه و شرا نتوقاه
ان صدقت الرؤيا تدل الرؤيا علي رزق واسع لكم ان شاء الله الرزق اما مال او علم
و الرؤيا تحثكم علي ان تحصنو انفسكم بالاذكار فالعيون عليكم ف بالرقيه و التحصين و الدعاء
لن يصيبكم ضر ان شاء الله و ايضا الرؤيا تدل علي مناسبه سعيده و امور تحلي لكم حياتكم
ان شاء الله و تدل علي انكم سوف تجتازو الامور سويا و تذهبو للجامعه سويا و سوف تصلو لمركز مرموق في دراستكم و حياتكم العلميه و العمليه ان شاء الله و الله اعلم

وين يبيعون مكنسة السيارة فالعين

مثل ما هو واضح من العنوان ابغي اعرف وين يبيعون مكانس للسيارة فالعين

للرفع

اختي أ،ا من بوظبي إذا تبغين أقدر أوفرلج منها ^^ وربي يسهل أمرج

للرفع

هدايا العين

اسواق العين للهدايا

يعني بهالاماكن

بس نصيحة المكنسة ضعيفة ما ابتشفط بقوة

للرفع

ركوب السيارة فيها مشكلة

خواتي الغاليات
ادري انا برفع ضغطكن من كثر ما انزل مواضيع يديدة
بس لأن هذا حملي الأول فلازم اشوف تجاربكم …

انا الحين الشهر الأول بس ما ادري اي اسبوع

المهم …

في البيت دايما راقدة او يالسة ما اتحرك …
وفي الدوام نفس الشي . طول الوقت يالسة …

وين المشكلة …

بيتنا في ام القيوين ودوامي في عيمان ..
امي اتقول حاااااسبي .. لان الشواقه عادي تنزل الجنين (ربي يحفظه )

وبعد شهر بتكون عندي دورة بعد .. ما ابا افوتها لمدة 4 شهور …
امي تقول خل اتولي الدورات اهم شي البيبي والدورة بتكون في عيمان

الحين صدق الدروب ممكن الياهل ينزل …

لا ان شاء الله ..

انا محاسبة على المطبات واسوق 80 بس

اللي أعرفه انه السواقة تأثر،، أقصد يلسة السيارة،،
بس يعتمد من جسم لجسم،، في حريم عادي يسوقون من أول شهر الين التاسع،، وبعضهم لا،،

عادي اذا مافي مشكله اذا الحمل اوكيه وامورج زينه بس اهم شي حاسبي لا تجهدين نفسج وراحه الاول ٣ شهور

للرفع

انا عاادي اسوووق واضرب خطوط احس مايخصه

ما يخصه الا اذا كان عندج مشاكل في الحمل

بس هذا ما يمنع انج تنتبهين علي نفسج

و عيشي حياتج طبيعي و لا تعقدين عمرج وايد

يعني حامل لازم اتم يالسه و لا منسدحه طول الوقت

إذا بنيه جسمج قوية وماعندج مشاكل كالضعف والتعب على اتفه الاسباب … عادي لا تحاتين

أنا من الشهر الاول لين التاسع اسوق وما اخلي مكان ما اروحة وصادف عندي 3 مؤتمرات نفس الفترة واراكض بكروشتي ما خليت شى ما سويته ..

بس للامانة انا صحتي زينة وزني زين واكل عدل وكل ساعتين اذا كانت المسافة اللي بتسوقينها بعيدة انزلي .. امشى

أو ادخلي الحمام في شيشة البترول حتى لو تغسيلين وجهج وايدج يعني اتحركي شوى وارجعي سوقى …

امي تقول كل ما تتحرك الام يدخل الاكسجين للبيبي .. وكثرة اليلسه تقطع الاكسجين عنه …

والحمدلله حتى قبل لا اربى بيوم رايحة بيت امي وانا اسوق .. وكنت كل اسبوع انزل العين

توكلي على الله

خواتي محتاجه حد يدعمني .مب بالسيارة تعالوا دعموني

خواتي والله اني محتاجه حد يدعمني مب بالسيارة بس بالكلام اللي اقوا من الدعمه هههههه

انا متزوجة من 11 سنه تقريبا وريلي وايد وايييد يحبني بس في بداية زواجنا كان فيه مشاكل والحمد لله انحلت وصرنا سمن على عسل …….

زوجي مدلعني وايد وما يقصر عليه بشي ابد بس انا مهمله وايد بس اهتم في عيالي وهو مطنشتنه واهملت نفسي وجسمي وزني صار فوق الطبيعي ب 30 كيلو وبشرتي ابتدات تخترب وما قمت اكشخ مثل اول بس لابسه الجلابيات ولا احط حتى كحل ………
والعلاقة تصير بموعد ياخذه عشان البس قميص النوم ………
وهو المسكين صابر ويقولي دائما انتي كامله والكامل الله بس ناقص شوي تخففين وزنج
والله يابنات اني مليت من ما اعرف شو ؟؟؟؟عند بيتي النادي الرياضي بس ما اسير
كله في البيت ما احب اطلع ولا اتعرف على حد ليش ما ادري ؟
حتى الصالون اتصل واطلب خدمة المنزل ما لي بارض اسير الصالون بعد ما دري ليش؟

مثل ما قلت ريلي مول ما مقصر فيني الي اطلبه يوصلني وانا في مكاني لو شو ما كان
وقمصان النوم يشتريها من اغلى الماركات وكله من الخارج حتى الكريمات من برع بس ما استخدمهم …….عندي عطورات بكراتينهم من فرنسا وشنطة كلها قطع تقولون زهبة عروس ولله كل ما يسافر مكان بجيب لي قطعة وذهب من كل دولة سافرها بس ما البسه ليش ما ادري ……….
ساعات احس اني محسوده لانه والله احس انه في شي رابطني استغفر الله ماعرف شو فيني اول اقرا القران كل ليله بس الحين بصعوبة صفحتين واتعب وايد

لا تنسوني يا خواتي وانتظر دعماتكم هههههه ولها نفس تضحك ……..

اختي مب كل وااحد مرض ولاا طااح قلتواا عين عذر اقبح من ذنب
كم بيصبر عليج حبيبتي احمدي ربج انه ريلج ماعنده خرابيط وبسج
من العياازه انصحج نصيحه اخت لاختهااا .. يمكن انتي لازم اتعلميناا
مب نحن 11 سنه متزوجه وحتي جحاال ما تحطين حرام عليج …
ونحن ما مخلين شي يعتب علينااا ويالله يالله اتقي الله فريلج …
وحااولي تسوين ريااضه لصحتج انتي اولاا عقب عشاان ريلج
لاتزعلين مني بس خاااطري ادعمج صدق *0^

مشكورة اختي على الدعمة وصلت والله ما ازعل بس صدق انا م عندي خوات اشكي لهم وامي الله يطول بعمرها بعيده عني

بحاول اسوي رياضة بس تصدقين كله احس انه ما عندي وقت رغم اني فاضية طول الوقت………..

بقولج كلمة .. عيشي حياااتج

اعيشيها قبل لاتطوف .. الواحد كم مرة بيعيش .. انتي عندج كل المقومات .. فليش مستبخلة ع عمرج

جربي وشوفي والله بتحسين بالفرق .. ومعنوياتج بتكون فوووق ..

عن ريلج تذكري انج بتتحاسبين على هالشي .. ورضا زوجج مهم

الحياة حلوة عيشوها واستانسو

ابدي اول خطواتج ولا تتراجعين .. وكل مايقص عليج الشيطان استغفري وكثري من الاستغفار

بالتوفيج .. نبا نسمع اخبار حلوة

الله يهديييييج اختي شووو تتري لييين مايطييييح الفاس بالراس الحييين الريايييل يتريون الزله عشان يسون شي من ورا حريمهم يالا الحييين كومي وروحي الصالون وغيري من شكلج رااااح يستانس ريلج واااايد وعلى الرياضه شوي شوي لييين ما تتعودي عليها والله يوفقج اختي

ربي يعينه ويهديج

يا ختي اهتمي بعمرج ولا تهملين نفسج الريال بيتحمل مرة ومرتين وعشر بس عقب اذا تغير ما بتقدرين تلومينه

الوزن مب مشكلة بينزل شوي شوي بس اهتمي واكشخي وعيشي حياتج واهتمي في ريلج وااايد، اذا اليوم وياج ويدلعج ومايشوف من ناحيتج اي شي صدقيني بسير عند غيرج وانا ما اتمنى هالشي يصير لج ياختي

حبيبتي حاولي قد ماتقدرين تغيرين نظامج والله يسعدج وياريلج

مساعدة بخصوص لون السيارة

شو الافضل اسود ولا فضي؟

أسوود .. ملكي فخم ^^

بس بسرعه يخيس

اختي فضي
الأسود بيعتبج وي الشمس والحرارة ترى وغير عن جي يخيس بسرعه

الفضي يخلي السيارة تبين قديمه

الأسود لونه ملكي

الفضي
الاسود متعبببببب والسيارة تصير مثل الفرررن في الشمس

اسود ملكي يبين السياااره اكثر فخاامه صح انه يخييس بس مب يخيس واايد بينها اجدم و واللوون الاسود خذي نصيحه وحده خبيره سيااراات

انا سيارتي سوده صح فخااامة واناااقه وشكلها ملكي بس الله لا يرااويج الظهر تكون حاااااااااااااااارة جنج داخله فرن وانا بصراحه الصبح يوم بنزل افتح الجامات شويه عسب تتهوى وماتنضغط من الحراره واحط شمسيه على الجامه اللي يداام وبجي الحراره تخف واااااااااااااااايد

وهي صح بسرعه تبين مغبره بس انا كل يومين او 3 اقول للبشكارة الصبح قبل ماظهر تمسحها بالماي والفوطه وعقب اسبوع ولا اسبوعين اوديها المغسله او فالبيت اغسلها بالماي والصابون ومرتاحه

بفتقدها هالأسبوع لأني بوديها الوكالة يصلحونها لأني دعمت هههههههه