الوسم: السهلة

شوفو حبيباتي العزيزات الغاليات
وين السهل نركض وراه صح ؟؟

بدش بالموضوع

المقادير :

لحم مفروم جيس كامل المثلج واذا طري اخذي نص كيلو

بطاط مسلوق ومهروس تقريبا 6 7 على حسب حجم البطاطة

توووووووست خمس حبات ست حبات على حسب عرض الصينية

الطريقة :

تسوين اللحم المفرو مثل مانسويه حق المكرونة بس بدون طماط
يعني نحمس البصل لما يطرى ونضيف اللحم والثوم والبهارات
نخليه لما ينشف مايه ونتركة على جنب
نييب صينية الفرن البايركس ندهنها شوي زيت اوكي
وعقب نحط البطاط المهروس ونساويه بايدنا مثل الصورة :

وبعدين تحطين اللحم المفروم عليه بالتساوي مثل الصورة :

وبعدين تصفين التوست بس تقطعين اطرافه اول مثل الصورة :

تالي تصبين الصلصة اللي بقولج عليها فوقهم مثل الصورة :

الصلصة :
تييبين كريمة الخفق كي دي دي وتبشرين عليها قوطي جبن كرافت الازرق حجم المتوسط وشوية ملح وفلفل اسود وشوية ثوم وتخلطينهم مع بعض وتصبينها على التوست وتدخلينها الفرن لما تتحمر شوي ويذوب الجبن وهذي صورتها عقب ماتطلع من الفرن :

خل تبرد شوي وقطعيها وقدميها وهذي صورة بعد :

وبالهنا والشفا

المفروض كل صورة تدرجينها بروحها

مب كوبي بيست

لأ

اضغطين رايت كليك ع الصورة

تاخذين اللنك وتنزلينه كصورة

لو ما عرفتي أنا عندي صور الموضوع.. بنزلهم إن شاء الله

اولا: أفضل وقت لتعليم الطفل هو الصيف و ليس الشتا عشان انا طريقتي اني لما اعلمهم اقطعها تماما يعني بالليل ما البسهم و دايما اعلمهم من بعد السنتين يكون الياهل يفهم و يطلب

ثانيا: أشتري له قيصرية بشكل حلو و حببيه في أستخدامها

ثالثا: لا تلبسينه حفايض أبدا و اذا طلعتوا خذي القيصرية معاج و لبسيها كيس نايلون و هذا اذا المكان يصير تاخذينها فيه

رابعا: اذا المكان ما يصير تاخذين القيصرية لبسيه حفايض الكلوت في بامبرز و في هجيز(انا اشتري علبة وحدة و ما تخلص خلال هالمرحلة) اللي مثل الاندر وير و اذا طلب و هو لابسها وديه الحمام و رجعي لبسيه احتياطي و لا تسمينها حفاضة جدامه و سموه شي ثاني مثلا الاندر

خامسا: اذا شاف الحفايض العادية او حد لابسها او طلعت بالتلفزيون قولي مال البيبات الصغار

سادسا: الدليل على ان الياهل يقدر يودر الحفاضة العادية و يروح الحمام انج بتحصلين الصبح حفاضته يابسة هنا خذي قرار البدء بالتعليم

سابعا: لا بد من حوادث أثناء تللك الفترة لا تعصبين عليه عشان ما ينتكس عادي نظفي من وراه
أحسن اجلي الموضوع لين شهر 4 أو 3 يكون خف البرد

سابعا: في تلك الفترة وديه الحمام كل ساعة و في البداية تراه ما يطلب و حطي القيصرية بمكان او حمام قريب و لا تغيرين مكانها و عشان يسوي و ما يرفض فتحي حنفية الماي الصوت يساعد اما التبرز فهو يكون بعد الاكل و بتلاحظين انه في نفس الموعد تقريبا كل يوم

عملية التعويد على الحمام سهلة و مب صعبة لا تشيلين همها كله أسبوع او 10 أيام بالكثير

و اتمنى اني افدتج من واقع تجاربي

افكاري و اهدافي دائما اقيدها في دفتر متواضع …. و اظل اتابع ما وصلت اليه و كم اقتربت من الهدف

و في دفتر اخر …. اكتب الاحداث اليومية … و اعود اليها بعض الاحيان حتى اتذكر شيئا معينا كموقف حدث معي او تاريخ معين او اسم شخص و الامثلة كثيرة

و كذلك تسنح لي فرصة متابعة تطور حياتي و اعقد مقارنات بين الماضي و الحاضر لاستفيد من ذلك في اعداد العدة للمستقبل

الحديث يطول لكنني اختصرته بتلك الجمل