السلام عليكم الغاليات
حبيت اسالكم عن السليب باق والشنطه مال البيبي
وين المحلات مالاماكن الي اقدر احصل فيها باشكال حلو
غير BABY SHOP لان مالهم تقليديات وعند كل حد وانا ابي شي مميز
لا تردوني ما عندي وقت خلاص في التاسع وماجهزت للحين
سامحوني وايد اطلب
بس مالي غيركم واول حمل
ادعولي الله يخليكم
اله بقوكج بالسلامه و اتيبين اياهل بسهاله و يكون من الذريه الصالحه
الغاليه انا اشتريه من ايوب في بوظبي و بيبي شوب وعندج بعد في المذركير بس اذا تبين شغل داتيلات وغيره ممكن اتفصلين
و للرفع و الله المسهل
اسمه "برتي مذر " ورى فواله الي ف شارع الدفاع ،،
والله يسهل عليج إن شالله ويقومج بالسلامة
والفــــــــــــال لــــي إن شاء الله
الله يسهل عليج 
كل محلات الاطفال عندهم وحتى لو تبين ماركة في محلات الماركات سواء ابوظبي او دبي
والله يسهل عليج
ماميز اند بابيز حلوو..
وفي بوظبي مول محل المتحف عندهم دزاين واحد بس حلو..وبريمارين في بوظبي مول بعد..
وفي فستفال سيتي شي محلات صوب التويز ار اس في الخشه..
سيري وشوفي..
عندج محل Mamas & Papas
ال Sleeping Bag إللي عندهم وااايد حلوة وألوانهم هادية ^__^
المحل موجود في دبي في مركاتو
المشاركة الأصلية كتبت بواسطة مفنوده 
