..
السلام عليكم
الغاليات وين أقدر احصل الجواتي المرتفعه شووي يعني فيها كعب مريح
مب الكعب ( مسمااار )
xxxxxx
للرفع
u may find in the shoemart or its store in BXB mall
الغاليه انا شاريه جوتي رياضي بكعب وشكله وايد راقـي من ماركة skechers
وPuma عندهم اشكال وايد حلوه بس اسعارهم شوي غاليه ..
ومري ع Adidas مرات ينزلون اشكال حلوة
شايفه في وافي بس ماحبيت اشكالهم والمحل ماعرف اسمه خخخ بس الطابق اللي فوق
خذيلج
أم بي تي أكيد تعرفينه
ربي يوفقج اختي 
السلام عليكم ورحمة الله وبركاته
شحااالكم ؟؟
ان شاء الله عقب اسبوع بسافر لبنان
وعندي بنوته عمرها شهرين ونص !!
صاحبات الخبره .. شو اشل ويايه
وكيف ارقدها في الطياره .. ؟؟ وهل بتصيييييح يوم الضغط الجوي 
انا وايد احااااتي
هاي سالفه صعبه بصراحه … انا بعد افكر كيف بشل ولدي ويايه يوم بسافر و بيكون 5 شهور تقريبا ..
ان شاء الله اصحاب الخبره يفيدونا
شوفي اختي اول شي تروحين عند طبيب الاطفال خبريه بموعد السفر
وخليه يعطيج الاحتياطات من ادوية تخفف الضغط على الأذون و
الادوية الثانية
دوا للحمه "بسم الله عليها"
ودوا للاسهال والترجيع والغازات الله يحفظها ..
بس احسلج تاخذينهم من البلاد عشان ما تبتلشين هناك
وبخصوص السفر بالطيارة عادة يسبب الضغط الام لليهال فيصيحون
بس نصيحة وأنا مجربتنها مع بنتي فديتها لما كان عمرها 4 شهور وايد اوكيه …
وهي انج ترضعينها بالمرضعة عصير او شاي اطفال او حليب اهم شي انها تبلع ريجها وقت
اقلاع وهبوط الطايرة عشان يخف الضغط
على اذونها … اتمنى اني افدتج وسفرة موفقة ان شاء الله
هاي كانت معاناتي مع بنتي يوم سافرنا
كان عمرها هذاك الوقت 5 شهور
بس الحمد الله ما تعبت وياها كثر ماكنت احاتيها…
اختي اول شي توكلي على الله …
ثاني شي خلي رضعة الحليب في الطيارة بحيث يوم تقلع الطيارة ما تحس بشي …
بس تعرفين اختي انا شو سويت عطيتها يوم كنا يالسين في اللونج ( ماي غريب) هدأ اعصابها و خلاها ترقد طول الرحلة ما شاء الله …..
لا تحاتين يا اختي
بالتوفيق
خذي وياج اكياس المراضع عشان ماتيلسين تغسلين المرضعة
يعني بس عليج تعقين الكيس وتحطين غيرة وتسوين الحليب
وتسيرون وتردون بالسلامة
أنا كنت اسافر وعيالي عمرهم شهرين,أهم شي .. يوم تطير الطياره أو تحل تعطينها شي تمصه.. المصاصه ولا المرضعه او حتى صدرج اذا كنت ترضعينها<<<بس احسها صعبه شوي .. بس لازم تخلينها تمص شي هذي نصيحه دكتورتي علشان اذنها ما تنسد وماتعورها ..
بالنسبه للأشياء الثانيه .. خذي ترمس الاستيل وحطي فيه ماي مغلي طبعا ..
والمراضع من البيت يكونن مغسولات ومعقمات ونظاف حطي في اللي بتستخدمينهم ماي مغلي نص الكميه اللي تستهلكها البنت سواء في شرب الحليب ولا شاي الاطفال.. يعني اذا كل مره تسوين لها 200مل,صبي في المراضع 100 مل, قولي ليش؟ ليششش << انا قلت بدالج
علشان يوم بتسوين لها حليب ولا شاي في الطياره يكون هذا الماي اللي صبيتيه في المرضعه برد ويوم تصبين عليه الماي المغلي من الترمس بيكون دافي وحرارته زينه ما تحتاجين تبردين الماي الحار وتتلعوزين.. فهمتي؟
عموما لبنان جريبه وإن شاء الله البنت ما بتلعوزج وممكن أنها ترقد طول الرحله اذا كانت واعيه قبلها بفتره طويله, وطبعا شلي وياج خمس او ست حبات بامبرز وكم كيس بلاستك عسب تعقين البامبرز فيهن,وكم قطع غيار للبنت بس لاتكثرين علشان ما تستوي زحمه في الشنطه اللي بتشلينها..وشلي بعد كلينكس للجيب لانه الطياره فيها نقص في الكلينكس اذا بتمشين بوزها ولا تنظفينها.. وشلي كلينكس معطر للأطفال طبعا.. وبالنسبه لرقادها في الطياره بيحطون لها سرير خاص بس لازم تكون كراسيكم في اول الكراسي..واي سؤال آخر أنا حااضره
انا يوم حجزت طلبت السرير يعني اول كرسي و جدامنا السرير ^_^
وحق الطياره بشل لها بدله و افرول كامل مال النوم عشان ساعات تكون الطياره بارده و قبل ما ننزل بلبسها بدله خخخ
وعن الحليب شلي 4 مراضع 2 للمطارات و 2 للطياره عشان ما اقدر اغسلهن يوم بوصل الفندق بغسلهن
عن تعقيم المراضع يبيعون في بيبي شوب سائل تعقيم .. اول شي تغسلين المغسله و تترسينها ماي شوي و تصبين السائل المعقم و تخلينه 5 دقايق و تردين تغسلينهم شوي
ها بديل للغلي
وتعرفين الباجي البنات ما قصرو بعد ^_^
خواااتي بغيت شوركم انا بسافر ان شاء الله فوقت الشتا لبلد اوروبي طبعا لازم لبس ثقيل وبنتي عمرها سنه معاي بتم 10 ايام
فبشو تنصحوني من ناحية الثياب لي ولبنتي والاغراض بلييييز لاني اول مره اسافر لا تبخلون عليه ؟؟؟
اغلب المحلات في هالفتره منزلين كوليكشن الشتا
سيري و بتحصلين لج و لبنتج أشيا روعة … مثلا عندج الوحدة مول في بوظبي
و تسيرون و تردون بالسلامة ان شاءالله
upppppppppppppppppppppppp
اذا انتي ما ترضعينهااااا طبعا تاخذين الفورملا مالها
وبسكويـــت اذا بتسويلها قبل النوم تكون وجبه عشاااااااء برقدهااا لين الصبح
والاكل امممممم اذا بتسكنين في شقه وفيها مطبخ
اشتريلج عيش من اهناك حق تسويلها غداهااااا
عيش مثلا او شوربه او معكرونه
خواتي حبيت اسالكم ممكن اتساعدوني ابا اسافر بس ما اتكون الرحلة اكثر من 4 ساعات لاني حامل دكتورة منعتني من رحلة طويلة
ما حطيت في بالي مكان يعني يكون مكان حلو يا ليت اتحطون لي اماكن حلوة
انا في خاطري في جزر شو رايكم خبروني
اللي عندها اقتراح حياها الله
لا تبخلون علينا بردودكم
قبرص جزيرة حلوة
وأتوقع أنها مب بعيدة وااااايد لآنها في البحر الأبيض المتوسط
يمدحون تركيا واااااايد وما تاخذ وايد 4 ساعات بس
ممكن تسيرون تركيا
لبنان
سوريا
قبرص
مصر
هاي البلدان الي يت على بالي حاليا و قريبه و احس انها مناسبة دان انج ماتقدرين تسيرين بعيد
تركيا .. الهند .. سريلانكا …. جزر المالديفز … مصر … ايران … هذيلا كلهم اقل من 4 ساعات ..
مشكورات خواتي
السلام عليكم،،،
شخباركم يا حلوات ، رديت لكم بعد فترة انقطاع طويلة، و مشتاقة لكم كلكم.
أنا مسافرة لتركيا في شهر اغسطس بإذن الله تعالى ، و باخذ بناتي وياي، لو سمحتوا ممكن تفيدوني شو التطعيمات اللي لازم أخذها لتركيا قبل السفر.
بالنسبة لي سألت ثلاث دكاترة ، اثنين منهم قالوا ان تركيا نظيفة و ما تحتاج اي تطعيمات و واحد نصح اطعم بناتي عن الكبد الوبائي ب و السحايا و الحين محتارة.
اللي عندها فكرة لو سمحتوا لا تبخل علينا،،،
الكبد الوبائي ثلاث تطعيمات ، و بين الاولى و الثانية شهر الاخيره تكون بوووست يعني منشطه
طالعي بطاقة تطعيمهن لانهم يطعمون عنه
السلام عليكم ورحمة الله وبركاتة
تركيا خالية من الامراض المعدية وماتحتاج تطعيع
تركيا ماتحتاج لانها نظيفة
السلام عليكم
اشكركم كلكم ع الرد.
و بالنسبة لرد الخوات مريم الفهد و شما الهاجري، بالفعل دكتورين عطوني نفس الإجابة و هي ان تركيا خالية من الامراض و نسبة النظافة فيها عالية و حتى احسن من اوروبا، بس مشكلتي وايد اخاف لان بنتي الصغيرة فيها الربو و اي نوبة برد تطور عندها و يكون صعب علاجها.
و شو بالنسبة لتطعيم الانفلونزا ، سألت عنه اكثر من عيادة و مستشفى في دبي ، الرد واحد "مش متوافر حاليا، بيكون متوافر في شهر 9) غريبة صراحة.
الغاليات حابة أسافر أنا وريلي وولدي وبنتي وأختي إلى النمسا عن طريق مطار ميونخ….
وبطلع على طول على المناطق الريفية في النمسا مثل zell am see كم بتكلفني السفرة بدون تذاكر …. على فكرة الطفلين أقل من ثماني سنوات وبنسكن في شقة متوسطة أبغي مساعدة بالحسبة الصح إذا أمكن ……؟؟؟؟؟؟؟؟؟؟؟؟؟؟؟؟؟؟؟
ما عندي اي فكرن حبوبة ان شاء الله بنات يفيدونج
رحلة سعيده
روحي بالقطار ارخصلج
وايد
مع انهم عندهم طيران داخلية
ما عندي اي فكرن حبوبة ان شاء الله بنات يفيدونج
رحلة سعيده
السلام عليكم و رحمه الله و بركاته
شحالكم ^_^
اممم .. بغيت اخذ رايكم
بسبب بعض الظروف تأجل سفرنا لـ بعد رمضان
ان شاء الله ثاني يوم العيد ،
بس قلنا بنغير الوجهه بعد 
..
لـ خبيرات السفر <~
ابا مكان فيه عرب اهم شي
لانه كل سنه ميونخ بس قلنا بنغير شوي لانه المده بس 10 ايام او اكثر بشوي
يعني مش مطولين .. ^^
سيري تركيا حلوه
اممم لالا غير تركيا >.<"
سيري ماليزيا او تايلند
تايلند ^^
نحنا ان شاء الله بنسافر ثاني العيد بنخليها باريس 5 ايام ومنها بنروح بلجيكا وامستردام وبعدين 5 ايا ميلان ومنها بنروح فينسيا ولوقانو السويسريه وبيزا
خواتي بغيت اسألكم متى يكون السفر آمن للحامل؟؟
اتريا ردوودكم خواتي
أنا سافرت أول الثالث لمدة 7 ساعات
والحمد لله ما استوى شي
أهم شي تستشيرين دكتورتج وتكونين مرتاحة في السفرة
يعني تشربين سوائل و تحركين ريولج كل شوي
السلام عليكم ورحمة الله وبركاته
والله احترنا الصراحه
حد يوقل هب زين وحد يقول عادي
أختي سألت دكتورتي قالتلي اول 3 شهور لا يستحب ومن اول الثامن نهااااااااااااااااااااااااائي ما تسافري لأني عندي تجربه سابقه في عموري ابني سافرت فنص الثامن و 3 ساعات فقط جتني تقلصاااااااااات وتبهدلت وكيس الميه تفتح وولدت في خلال 3 اسابيع يعني اول 5 ايام من التاسع
اعرف وحده سافرت وهي في الشهر الخامس ^_^
واعرف وحده سافرت وهي في الشهر السادس في السياره …
وحمدلله ماصابهم شي ^_^
الحمدالله انا سافرت ع شهري السادس 450 كيلو ف السيارة والحمدالله رب العالمين
شربي سوائل وايد وحاولي ترتاحي ف الخلف وحاولي وانتو ف الخط لازم تروحي دورة المياة وتمشي شوي ف الباركانات والله يسهل عليج
اختي لو ما عندج مشاكل بالحمل عادي سيري……….واتوكلي على الله بس استشيري الطبيبة
السلام عليكم
شحالكم خواتي …
بما ان الصيف قرب وان شاء لله رمضان بيصادف نص العطله .. ان حاطه في بالي من 1-7 الى 18-7 اذا الله احيانا وياكم ,,, شو رايكم في الجدول لي سويته
فرنسا-ايطاليا- اسبانيا ؟؟؟
عدد افراد السفر 6 اشخاص
ميونخ صدق عائليه لكن شبعنا منها … نبا نغير ..؟؟ شو رايكم ؟؟
وانتوا وين ناوين ؟؟؟؟؟؟؟
الدول اللي اخترتيها حلوه.. وفي كل دوله ان شاءالله بتستانسين ^^
امممممم اسبانيا انا شخصيا ما احبها
و الكانيا حلوه بس ليش ما تغيرون بدل لا تسيرون ميونخ تسيرون دسلدورف روووعه تونا من رادين
هناك و الله حبيتها اكثر من ميونخ
اللهم ارزقني قبل الموت توبة وعند الموت شهادة وبعد الموت جنة
اللهم ارزقني حسن الخاتمة
اللهم ارزقني الموت وأنا ساجدة لك يا ارحم الراحمين
اللهم ثبتني عند سؤال الملكين
اللهم اجعل قبري روضة من رياض الجنة ولا تجعله حفرة من حفر النار
المشاركة الأصلية كتبت بواسطة روح بلاروح 
بعدنا نفكر … وياج يالغلا
المشاركة الأصلية كتبت بواسطة وردة الجاردينيا و الكانيا حلوه بس ليش ما تغيرون بدل لا تسيرون ميونخ تسيرون دسلدورف روووعه تونا من رادين
هناك و الله حبيتها اكثر من ميونخ
يعني بس دسلدورف ؟؟
ميونخ شبعت منها
اسبانيا وايطاليا تحسينها غير في اشيا ايجابيه وفي اشيا سلبيه
وحلو الواحد يغير ويكتشف مناطق ودول ما زارها
دسلدورف حلوه بس دام سرتي وشفتي جو المانيا وجي غيري
اسبانيا شوي اقدم بس فيها اماكن غير مدريد واشبيلية وبرشلونة وفي جزيره بس اتوقع الجزر في الصيف ما تناسب عوايل على المناظر الموجوده هناك
وايطاليا روما وميلان وفلورنس وبحيرات كومو وفينيسيا او البندقية
>>>>>>>>>>>>>>>>>>>>>>>>>>>>>>>>>>
للرفع
تبين اسويلج بسكويتات وسويتات بسويلج ووممكن تاخذين له هدية بسيطة وتغيرين اللوك تقصين شسعررج تصبغين انا جي سويت واتحنيت ولبست جلابيه كشخه من الغالية
غيري في ديكور الغرفة اشوي
مثلا .. خذي كفر يديد
خذي لج قميص نوم يديد
والبسي فستان بسيط أو بدلة حلوة يوم بيي
سشوري شعرج
وحطي مكياج
واتحني
وخذي ورد وحطيها في المكان اللي هو يحب ايلس به
والسموووووووووووحة
أنا بعد ريلي مسافر و بيرد بعد أسبوع
الله يرده لنا بالسلامة يا رب
و احسن شي يحبه و يرتاح له هو المساج
لنه تعبان من السفر و ماله خلق يقعد و لا يشوف ولا شي خخخخ
صح بنات وإلا كلامي غلط ممكن الأشياء الثانية تخلينها بعدين لليوم الثاني يعني
و إذا بغيتي مجموعة الإستحمام و المساج فالج طيب ….بكل الالوان و النكهات و السعر ببلاش 85
بس و عندي المجموعة العيناوية اذا كان ن محبي العيناوي ؟؟
لا بلاه …..يا الغاليه اتعدلي و تدلعي بعد وسوي نيوولوك وغيري شكلج وغيري في الغرفة…… التقدرين عليه ….وبدلي فراش السرير جديد..بلون حلو… واكسسوار ….يغير شوى..مع حركات الشموع ..والورد الطبيعي… والحمام بدلي الفرش مع الستاره عندج اذا وجد. ودخني الحجرة مايباله تعليم … …وعليج بالغداء السنع ..او العشاء …مع الحركات على الطاولة ….والسويت المميز…وما اوصيج ادخني بدخوان السنع ودهن العود الخنين وهاك العطر الفنان عاد انتي وذ قج…وضربي بذاك القميص اليذكرة بيوم …عرسج…….وماعليج من الحكي ……. سامحيني ياختي خذتني الهذره ..يارب اني افدتج ومانسيت شىء .. !! ((((يويلي عدها في خاطرها شىء)))) ^.^
غسلي سيارته ودخنيها وعطريها