الوسم: السبت

متى اول أيام رمضان الجمعه والا السبت ؟؟؟؟؟؟؟؟؟؟؟؟؟؟؟؟


متى اول أيام رمضان الجمعه والا السبت ؟؟؟؟؟؟؟؟؟؟؟؟؟؟؟؟
انتظر ردكن فديتكن عندي اشغل ابا ارتب الجدول مالي لطلعات قبل الصوم

اشغال

إنشاء الله السبت22-8

يقولون السبت
الله يرزقنا صومه و قيامه و مغفرته


السلام عليكم ورحمة الله وبركاته

الأغلب يقولون يوم السبت بإذن الله تعالى

وعسى الله ايبلغنا الشهر وايعيننا على صيامه وقيامه

آااامين يا رب

ياربي ما أحلى أيام رمضان

والله مشتاقة حق رمضان

اللي عرفته أنه بيكون يوم السبت

الله ايبلغنا الشهر وايعيننا على صيامه وقيامه

ومبروك عليكم شهر الرحمه

ساعدوني خواتي عندي امتحان ايلس يوم السبت

مرحبا خواتي منو منكم امتحن الايلس الاكاديمك من قريب يخبرني عنه الصراحه ما عندي خلفية عن الموضوع وما رحت معهد وspeaking عن شو كان واذا عندكم موقع اقدر ادخل اسوي براكتس

الله يووفقج ياارب

ربي يوفقج اختي

لا حول ولا قوة إلا بالله

Writing شوفي فديتج اهم شي في الايلس يعني لو ما فهمتي الموضوع اكتبي اي شي لاتخلينه فاضي لان يحسبولج درجه لو مب نفس الموضوع اللي يبونه اهم شي تكتبين

Reading مابتقدرين تخلصينه لان الوقت بسرعه يمر بس لاتخافين حلي اي شي>> تدرين اني حليت بدون مااقرا الريدنق والحمدلله يبت 5.5 يعني حلي اي شي والله يوفقج ان شاء الله

Listening هذا شوي صعب ومابتلحقين تسمعين كل شي بس لاتحاتين وركزي في اول section لان هو اسهل واحد والباقي حلي اي كلام ههههه بس جد والله انا جي سويت والحمدلله نجحت

Speaking واااايد سهل واحيانا يعتمد على الشخص اللي يمتحنج بس اهم شي ماتقطعين فالكلام وخليج ريلاكس والله يوفقج ان شاء الله

ترى انا خبره فالايلس ههههه

http://www.writefix.com/ieltsspkg/saywhat3.html

هذا رابط
تقدرين بعد تدخلين اليوتيوب وجوجل وتكتبين :ايلس اسبيكنق ويطلعلج ناس يشرحون
موفقه

موقع IELTS-blog وايد بيفيدج ,,,

http://www.ielts-blog.com/

ادرسي منه وشوفي اخر الامتحانات اللي امتحونها الطلبه وكيف المواضيع وادربي عليها ,

وان شاء الله بيكون سهل عليج وبتنجحين ^_^

اختج ف الله

ربي يوفقج

كم وحدة ريلها يروح عنها يوم السبت عسب دوامة تعالو نشكي الهموم

خواتي انا كل سبت اكرة هذا اليوم والسبب ريلي يسير بوظبي عني لأن دوامة هناك …. وانا مقدرة الظروف بس والله يا بنات النوم مايني واتم افكر لين الفجر, مادري ليش!!! الله يجعلة يحول شغلة ويقعد وياية هنية لاني ساكنة في بيت بروحي انا وولدي عمرة6شهور والبشاكير, وكلة اخاف بعيد الشر يمرض ولدي وماعندي ريال في البيت.

وانتو منو فيكم عندها نفس المشكلة تعالو خلونا نفضفض…

اختي دامج في بيت روحج مع وليدج ليش ما تنتقلين معاه بوظبي؟!
ما اعرف ليش أغلب الرياييل مكلفين على عمارهم ومسوين عمارهم عزابيين؟؟

70% من صديقاتي يشتكن مثلج، الي ريلها يشتغل في حقل البترول الي في بو حصاه يروح عنها 15 يوم وينزل أسبوع..
والثانية زوجها يشتغل فالسلع 10 عندها و10 فالدوام..
والثالثة ريلها موظف في الديوان في بوظبي وهي مدفونة فالعين ماتشوفة غير يمعة وسبت.. شو هالحالة والله لو أنا مكانهن لأخيرة يا أني أعيش معاك وين ما أتداوم يا تردني بيت أهلي وااايد أحسن دامه هو مب كفو يتحمل مسؤولية عايلة..
حراااااااام هذا عمر ينحسب منا، متى بنعييييش صح؟؟

انا مب معررررررررررررسه بس انا ابوي جي

هو يداوم ف دبي ما يي الا الويك اند

وصراااااااااااحه اوقااااااااات واااايد نحتاااااجله

الله يعين الكل

انا ريلي نفس الشي دوامه وبصراحه واااااااااااااااايد اضايج من يطلع من البيت حق الدوام بس شو اسوي
ظروفي ما تسمح اني اروح معاه وانا عندي ولد مثلج وحامل الحينه
الله يصبرنا على دوامات ريايلنا

اوك ليش ماتنتقلين معاه بوظبي بنفس شقته الي يسكن فيها

وترتاحين من هالهم

مــرحبــــــــــــا خواااتـــي ،،

واايد سهــــل اشوووف انه بعض الخوات كاتبين انتقلي وياريلج او خيريه بينج وبين دواامه !!!

وشكــلهن اللي كاتبات جي هب حاساات ولا عايشاات الجو اللي نعيشـــه احنـــــــــــــا

خوااتي ،، صعب تراه الوحده تنتقل من مكااان معيشتها لمكااان غريب ريلها اللهم يداااوم فيه !!

وخاااصه لو كان عندها دوام وبيت والتزامات ف المكااان اللي يااالسه فيه !!

كيف تهد بيتها ودوامها وتسير تحكر عمرها بشقه هي وعيالها والخدامه وغيره !!!!!!!!!!

بالنسبه لي انا ريلي يداااوم ف دبي ويطلع كل سبت يروح الدواام ويوصلني بيت اهليه ،،

بس ماااااقلت له ياتوديني وياااك ياااا تردني بيت اهليه !! جي لعبااان هوو !!

مع انه انا يالسه ف بيت اهل ريلي عندي ملحق والكل ماشاء الله متعلق فينا هناك ،،

بس هوو بروحه يقوولي ماباااج تيلسين ف الملحق روحج وانا محد ،، وانا مرتاحه اسير بيت اهليه وارد الدوام وامشيه الحال ،،

ترى هاي حال الدنيا الوحده شوووو بتسوي ؟؟؟؟ مثل انتي ماتعانين اكيييد تراااه ريلج يعااااني ،،

ويكرهووون عماارهم يوووم يروحوون ،، بس شووو تبونهم يسووون ،، تراهم يكدووون عشاانا وعشاان عيااالنا !!

واتووووقع اغلب الرياااييل اللي يداومووون برع مايصدقوون تيهم فرصة او اجاازه او شئ ونزلهم بيوووتهم على طووول ،،

ويالله ،، الله يعينااا ان شاء الله ^_^

انا قصتي بعد قصه يازوجي هو يشتغل بابوظبي ايي الخميس والجمعه والسبت والمشكله انا ممرضه يصاادف وقت نزوله بدوامي الليل والله ايي البيت ضاايجه وانا اروح متضاايجه بس اخلي ولدي الوحيد عنده بس تعودنا ع هالحال كلنا نعاني والله

العمرة بليز بروح بالسبت ان شاءالله

بنات ربي ينولكن اللي فبالكن الغاليات..
بنات اريد مساعدتكن …. انا خاطري اروح العمرة ولان صعب احصل حجوزات الحين
فان شاء الله قررنا نروح بر…………وهذي اول مرة اروح بر
الغاليات .. اريد ابدي اجهز الاغراض والاشياء اللي تفيدني بالطريق
خاصة اني بروح مع اهل ريلي وما واايد انا معاهم ..استحي اطلبهم شئ او انه اكتشف اني ما يايبة كل شئ وياي……….
اريد اعرف شو ااخذ معاي,,,,,,,,,,,,,,,ةكيف اجهز الشنطة
وعرفت ان في شنطة ياخذوها عشان النعال …حتى احنا الحريم نقدر ناخذ؟
وهل يجوز نطوف واحنا شالين النعال ويانا في شنطة..؟ومن وين اخذ هالشنطة وشرات شو؟
انتظركم الغاليات؟

ادري كلفت علكين

انتظركن الغاليات

عمرة مقبولة ان شاء الله

عمره مقبوله مقدما الغاليه ولاتنسين اختج ام عمر ^________^ من صالح دعائج وان اسكن في بيتي بالقريب العاجل يارب

بالنسبه للأغراض ::
مصحف .. وكتيبات للتسليه بالدرب .. حطيلج لبس ع عدد الأيام اللي بتقضونها وحتى الملابس الداخليه .. ومشط .. ومقرظة الاظافر .. فرشاه ومعجون وشامبو وصابون .. ومقص حتى اتقصين من شعرج اشوي بعد ما اتخلصين العمره .. وأعواد الاذن .. ملطف للجسم .. ونعالين مريحين احتياط غير اللي بتلبسينه .. وفوطين .. وشلي معاج كلينكس مرطب لأوقات الأزمات والاحتياط .. وسياده احتياط وبتنفعج بالدرب .. عباه احتياط وشيله ونقاب

والباقي عليج شوفي شو اللي بتحتاجينه وايد بالدرب

وبالنسبه لسؤالج عن كيس النعل عادي الغاليه شلي معاج اي كيس خفيف ومريح وفي هاي الكياس القماشيه اللي في طرفهن حبل تسحبينه وينصك شرات اكياس الشنط هاييل بعد حلوات اتشلين فيهن نعالج ونعال ريلج اثناء الطواف والسعي وعادي مافيها شي لأني كنت اسوي جذي كل ما اسير العمره اشل فيه نعالي ونعال ريلي وبنتي
وان شاء الله افدتج بشي

عمره مقبوله ان شا الله تروحين وتردين بالسلامه يارب

روزه ما قصرت يزاها الله الف خير

قبل لاترووحين قصي ظفورج وشلي الشعر كامل من جسمج علشان يوم توصلين الميقات بس تتسبحين
حبيبتي اول شي سوي شنطه صغيره وشنطه وسط
الشنطه الصغيره مب صغيره وااايد حطي فيهااااا مصحف – مناشف ديتول- كلينكس صغير-بنادول-سجاده للصلاه- مسباح تسبحين طول الطريق-مرطب — فوطه -ملطف للعرق-شامبو- صابوون ((علشان الميقات تستبحين وماتتلعوزين في فتح الشنط)) حطي فيها عباه وحده نفس طولج شان الطواف والسعي متتلعوزين فيها
خذي كتاب يعلمج عن العمره واايد تحتاجينه هناك اهم شي خذيه

قبل لاتروحين الحرم خذي عندج شنطه داخلها سياده بتلقينهم واايد هناك حطي فيها مقص صغير-وتيلفوونج
الشنطه الثانيه – عباتين و3 شيل -وشيل قطن علشان تاخذين راحتج في الفندق-فوطه
جلابيات على عدد الايام-ملابس داخليه-نعال طبيه- دلاغات وااايد وخذي النووع الثقيل خاصه- لاتنسين تلبسين الربطه السوداء علشان ترفع الشعرر زين فووق-كريم اعصاب ريولج بيعوورنج واايد هناك…وفازلين-مضاد حيوي سبحان الله يمكن الجوو متغير خذي من الصيدليه- مصاص للحلج-معجوون فرشاه-عطر صغير

اقري هالموضوع يمكن يفيدج

http://forum.uaewomen.net/showthread.php?t=757527