السلام عليكم
شحالكن يابنات من زمان عنكم
شكت لي صديقه مشكلتها مع ولدها البكر وطلبت مني الاقي لها الحل
قلت خلني اكتبها هنا واشوف بشو ممكن نفيدها
السالفه باختصار ان ولدها كان العام الماضي يتصفح مواقع سيئه ويشاهد صور مثيره
ولمن اكتشفت أمه الامر حاولت تعالجه بطريقه حسنه وخوفته بالله بالذات انهم عايله محافظه
وخبرت ابوه عشان يكون على علم وعشان يكون ابلاغ ابوه ورقه تقدر تهدده فيها
الولد عقل عن حركاته حسب مالاحظت وصار اكثر ادب في تعامله معها وصار يقبل راسها وخدها كل مادخل البيت وطلع والام المسكينه على نياتها تظنه من ادبه واحترامه لدرجة انه يضمها
الى ان اكتشفت قبل عدة اشهر انه فيه احد يدخل غرفتها ويفتش اللانجري حقها
وبالصدفه شافته وهو طالع من غرفتها وبعد مادخلت لقت اغراضها منكوشه
الحرمه صعقت انه ابنها يجلس يتفرج على ملابسها الداخليه
حاولت تطرد الشكوك الا انها لاحظت انه اذا صار يبوسها اول مايجي من المدرسه مثلا او اذا جا بينام
يقوم يبوس راسها وخدها وبقوه لدرجة انه يصدر صوت طوييييل أو يدخل عليها فجأه وهي نايمه ومايطق الباب..!!!
المسكينه انصدمت في ولدها وكيف ان الشيطان تغلب عليه وخلاه يعشق امه
صارت تمنعه انه يدخل غرفتها نهائيا وصارت تتكلم معه بطريقه اكثر فضاضه وماتسمح له انه يبوس خدها
بس على راسها وصارت حياتها كئيبه بسبب هالهاجس
صارت تتنبه في لبسها تركت لبس البناطيل او الملابس الضيقه
صارت طول اليوم بالجلابيه او تنوره واسعه
وكان ولدها مازال في غفلته وكان ينتهز الفرصه عشان يلامس يدها او يحط ايده على ظهرها او حتى يبوس خدها بوسه خاطفه ويتفحصها بعيونه اذا كانت تمشي ويركز بنظراته عليها بشكل مشمئز…
تقول انها حرمته من كثير من وسائل المتعه اللي يحبها وصارت تتجنب الجلوس معه لوحدهم عشان تنبهه انه تفكيرك غلط وقاعد ترتكب جريمه خطيره بمجرد التفكير السيئ في امك تحدثت معه عن من يتمنى يتزوج من البنات وانها راح تخطبها له ولكن مافيه فايده
تكلمت معه عن الاصدقاء وعن المواقع الاباحيه وخوفته بالله وماجاتها الجراءه انها تقول لها ليش تتحرش فيني ….
تقول بلغت ابوه وابوه اخذ الامر ببساطه متناهيه وسكت عالموقف بدون تعليق …
المشكله ان الولد مايحب يطلع من البيت ولا مصاحبة ابوه او عيال عمه
الحرمه احسها منجنه من كثر ماتحس ان نظرات ولدها لها غريبه
حتى الكحل والروج هونت ماصارت تحطها ومب قادره تفصح حق احد تخاف ياخذون عن ولدها فكره سيئه
لانها عارفه انها فتره وتعدي لكن ماهي عارفه كيف تتعامل معها
رحمتها وحيرتني معها…؟؟!!!
عطوني شوركم واللي قد سمعت عن هالسوالف من شبابنا في هالزمان اللي هو آخر الزمان والله الهادي….
دعاء الام مستجاب .. خل تدعي له بالهدايه والله يهديه ..
خليها تخطب له وتزوجه..بسرررررررررررررعه والا الولد بيضيع..الله يستر عليها وعلينا
لا تعليق !_!
خليها تدعي له ، وتكثر الدعاء لأنها أم
ودعوتها مجابة بإذن الله ، والله يهديه لها
يا رب . . 
اختي الرجاء وضع
سورة النور في المنزل وبصوت عال ،، حتى تبث بقلبه الاطمنان والخشوع ..
والله يكون في عونها ويهديه لطريق المستقيم ..
الله يعينها
المشاركة الأصلية كتبت بواسطة مياسة العود 
