السلام عليكم ورحمة الله وبركاته
بكتب الاثار السلبية اللي شفتها انا واربيعاتي سواء من ديكوتان او ريكوتين و غيره ….
انا استخدمته من كم من سنه و لمدة 3 شهور مارمت اكمل ، كسرلي عظامي كلها من كثر ما مفاصلي كانت تعورني ماكنت اقدر امشي
ينشفج عدل من داخل وبرع وينشف السائل اللي بين المفاصل عشان جي مع الاحتكاك وغيره يزيد الألم
حتى اربيعتي وبنت خالتي عانوا من هالشي وطبعا يوم تقطعين العلاج كل شي يرد طبيعي لكن عقب فتره
بعد ما قطعت العلاج طبعاً بشور الدكتور ،، بعد كم من شهر بشرتي ردت دهنيه اكثر من قبل و طلعتلي اكياس دهنيه في العين كل حد يقولي من الحجال والمكياج والعدسات وانا واثقه انه مب من هالاشيا ومتأكده ، وعانيت سنه و انتبهت انه في نفس الفتره اللي ويهي زيّت فيها يعني قلت اكيد سوا خلل في الافرازات الدهنيه (لنه بعد ينشف العين بعد ) و أدى الى هالشي ….. لنه اربيعتي بعد استوالها نفس الشي وسألت في المنتدى وكم وحده قالت نفس الشي (طبعا عقب ما جربوا هالعلاج ) والقهر انه الدكتور يقولج مافي اي اثار جانبية غير الجفاف و يمكن تساقط الشعر و ما ينفع للحامل.
بشرتج ترجع نفس قبل لكن يصفيها من الحبوب ويمكن بين فتره وفتره تطلع حبه او 2 حسب …
وبعض الاكياس الدهنية في العين ما تروح الا بجراحه وهاي بروحها معاناه
فانا انصح كل وحده تستخير لنه هالعلاج وايد قوي ومب لعبه
وما انصح فيه اللي عندها مشاكل سطحيه او تبا تاخذه بس دلع عشان حبتين او 3 في ويهها
طبعا الدكتور ما بيقول لا لنه هو يبا يستفيد بالنهايه استشاره ورا استشاره لنه هالعلاج كل شهر لازم تردينله اونه متابعه.
وبالتوفيق للجميع
مشكوره أخت برونزيا
صج إني ما بديت بالعلاج بعدني >>>> بس تعلمت منح شيء يديد عن الآثار السلبيه الي بصادفها
والله يشفيج و يشفي الجميع يا رب
انا جربتها و كنت مرتاحة
يعني اشرب ماي واييد و احط مرطب يومي ع ويهي
و ويهي صار صافي الحمد الله بعد الكورس
مشكوره اختي اصاله
cobon : هيه صح هو على حسب الشخص نسيت اكتب انه مب كل حد نفس الشي ، بس عشان الوحده تحذر وتهتم وترطب عيونها بعد بالقطرات الطبيه
مب بس ويهها وشفايفها نفس مايقول الدكتور
مشكورة عالتجربة .gif "55 (8)")
المشاركة الأصلية كتبت بواسطة AM00LA 
.gif)
