بسم الله الرحمن الرحيم
السلام عليكم ورحمة الله قبل أي شي
طبعاً دايركت بدخل في صلب الموضوع^___^وادري وااايدات خاطرهم يتعلمون صنع اللوشن بس مب عارفين شو الي يدخل فيه من مواد
و بقوول شغلة
يمكن وااايد بنات يتحسسون من اللوشنات وللأسف انه الي يسوي اللوشن هدفه مادي بحت ويبغي يصرف بضاعته بأي طريقة كانت فيخلط اللوشن مع اشوية عطر وخلاص
كثيرات ينغشون فالمعارض بالروايح الحلوة ويشترون اللوشن على اساس ريحته
لكن تعالي استخدمي فالبيت بتلاقينه سببلج حساسية وعقبها كمن يوم والا انتي فاره اللوشن
فليش مب كل وحدة فينا اتسوي لوشنها الي تباه وبالريحة الي هي تتنقاها^__^ ,بنفس الوقت ضامنه جودة اللوشن ومكوناته لأنها هي الي مشتغله عليه ^__^
ادري طولت عليكم بس ها من ضمن المشاكل الي اتمر علينا كلنا وانا نفسي مريت فيها قبل ما اعرف سالفة اللوشن وغيره >_<
اللوشن الي بنسويه اليوم ,,ريحته حلوة ومكوناته مفيدة للجسم لأنه بندخل فيه فيتامينات وزيوت طبيعية +النعومة الي نباها والي ما انحصلها فباجي اللوشنات ^___^
اذا عيبكم الموضوع فمابا منكم كلمة شكر
بس والله ودي بدعوة طيبة من قلبكم لي بالتوفيق والستر بالدارين وانه الله يعوضني خير على كل يلي مضى من حياتي
وحلال على كل وحدة من عقب هالموضوع اتاجر باللوشنات ولا اتسوي منه هدايا ولا غيره ^____^
ندخل في صلب الموضوع وفي عرض الصور :
هاي المكونات الي نباها ,خلونا نبتدي من يسار الصورة
ملة فاظية(ما راح نستخدم فيها أي شي من عقب هالمرة يعني بس بنخصصها للوشن)
خواشيق بلاستيك (ما نستخدم الحديد ولا لستيل)
زيت الجاي الاخضر(من بدي شوب على 33درهم)
فيتامين e(طبعاً اترومون تاخذون الفيتامين السائل او حتى الكبسولات وبتلاقونهم فالصيدلية وعلى حسب الاحجام شي ب100 وشي 59 وشي49)
اي عطر زيتي من بدي شوب ب89درهم(انا هذا يخبلبي وهو بريحة الياسمين والله كلمة خباااااااااال اشوية عليه )
ابر(طبعاً للتعبئة مب لشي >_<بس اترومون تستخدمون القطارات لكبار)اتلاقونها فالصيدلية والوحدة بريال >_< قصدي بدرهم
الزيت الي نحن نباه (الريحة الي انحبها فاللوشن وهي الي بتكون اساس اللوشن وريحته)
دبة كريم (اترومون تستخدمون حيالله كريم-نيفيا ولا بيبي جونسون أي كريم)
غرش لوشنات فاظية
استكرات
وهاي المكونات من جريب(زيت الجاي الاخضر-فيتامينe-الزيت العطري من بدي شوب)
أصب لكريم
بعدين اظيف الفيتامين(خاشوقتين كبار) زين يوم اتكثرين من الفيتامين احسن لج ولجسمج ^___^
أحينه الجاي الاخضر (بس لا اتكثرين خاشوقة كبيرة وحدة اتكفي لأنه ريحته قوية وبتخرب لج ريحة اللوشن +مفعولة يكون فيه حتى لو كانت الكمية بسيطة)اسألي عن فوايده من الي يشتغلونه اهناك فالمحل ^___^
أحينه الزيت العطري من بدي شوب (ثلاث خواشيق ولا اتكثرين زود عسب لا تطغي ريحته على اللوشن) ولو انه ريحته حلوة بس بعد ^__^ نحن نبا اللوشن بالريحة الي بالاساس شارين عشانها دبة الزيت العودة ^___^
أحينه اظيف الزيت العطري الي انا اباه واحط من 8-10خواشيق حسب العطر(لأن شي اعطور اتييج ريحتها قوية فما يحتاي اتزيدين الكمية+شي زيوت اتكون غليظة بزيادة من جذا يختلف مقدار الخواشيق فيها )
أييب الابره وافصل عنها مكان الحديدة(واييب لستكر واكتب عليه اسم الزيت الي استخدمته فاللوشن)عسب ما تختلط عندي عقب الابر بالتالي تختلط الروايح عندي
واسحب اللوشن
واعبي الغرش باللوشن(انتبهي وانتي تعصرين اللوشن بالابرة –يعني اطري انج اشوي اشوي اتصبين فالغرشة عسب لا ادخلين الهوا فاللوشن بالتالي بيكون عندج فراغات وايد فالغرشة ما اتعبت ) وشي وايد حريم يلاحظون هالشي فالغرش الي يشترونها(يحسون انه اللوشن ناقص والغرشة مب متروسة وهذا لأنه الشغل يكون مال ابسرعه ابسرعه ومب مضبوط –يعني شغل حيالله كلام >_< –)
هاي اللوشنات قبل ما اصكرهم ^___^ طبعاً امسويه حفلة ياسه اشتغل واصور –عقب مسحت الي طلع برع ونظفت لغرش
واهنا يوم خلصت اول كمية 
وهاي آخر صوورة وفيها الكمية الي سويتها من هاللوشن ^______^طبعاً ما نشيت الا من عقب ما خلصت 3درازن ومن كل درزن نوع وريحه مختلفة ^___^وان شاء الله بعرضهم عقب فالقسم التجاري (لا اتقولون دعاية من احينه هههههه)
ووووووووووبس خلصنا^____^
اي وحده حبت تنقل الموضوع حلال عليها بشرط ذكر المصدر واسم العضوة ^___^
وفمان الله
.gif "12 (99)")
… ومع هالتجارب بعدنا بناخذ دخون أيديد علينا وبنجرب لأنه بطبيعة المرأة تحب التجديد وتمل من المعتاد… .gif "44 (30)")
.gif "12 (27)")
عشان أنشوف آراء البنات في الدخون إلي جربوه وشو إلي عجبهم أكثر شيء… وبجييييييه كل وحده منا بتنتفع بتجارب خواتها الثانيات .gif "12 (75)")
سواء اشترن الدخون من تاجراتنا فالمنتدى أو برع… خاصه وأنه رمضان.. والعيد قرب والناس في هالأيام ما تتفجج روسها إلا بالدخون الخنين .gif "12 (36)")
.gif "44 (21)")
المشاركة الأصلية كتبت بواسطة elle 
