بسم الله الرحمن الرحيم
السلام عليكم ورحمة الله وبركاته
شخباركم يا أمهات ويا بنات بغيت أوراق عمل لأطفال الروضة أول روضة وثاني روضة
ساعدوني الله يخليلكم عيالكم
للرفع
انا بعد ابغي
للرفع
اب اب اب
إن شاء الله هنا بتحصلين اللي تبينه 
http://www.kidzone.ws/kindergarten.htm
http://www.starfall.com
مواقع ممتازه
هلا خواتي ابي اعرف متى بتكون اجازة الاطفال الروضة
انا بنتي فالخاصه وقالولهم تاريخ ١٩-٣ آخر يوم يداومون
الخاصه خلصو واجزو بس الحكومي حد تعرف تخبرنا
السلام عليكم خواتي
أنا عندي ولد وكنت أبا أدخله روضة الرضوان اللي في خليفة أ هي روضة حكومية وشراكة
بس المشكلة يوم سرت أسجله حق السنة اللي يايه قالو هو ناقص عن السن اللي مطلوب
ويوم جيكت حصلته ناقص بس 6 أيام عن اللي مطلوب
الروضة روعة والادارة أسلوبهم وتعاملهم حلو والمديرة ما عليها كلام ما شاءالله عليها ربي يحفظها
المهم قالولي روحي وزارة التربية والتعليم وهاتي رسالة استثناء في العمر وقالولي السنة اللي طافت جي سوو مع أولياء أمور الطلاب اللي ناقصين وقبلو عيالهم
انيي حق الوزارة سرت لهم أول مرة قالو بعدها الاستثناءات مايت وعطوني رقم وقالولي دقيلنا ونحن بنقولج اذا يت والا لا
وتميت أتصل بين فترة وفترة كله يقولولي مايت وطبعا قرب موعد التسجيل في الروضات الحكومية يخلص أخر شي سرت للوزارة وقالولي اكتبي رسالة باللي تبينه ونحن بندخله على المدير
وتميت وراهم لين دقولي اليوم تاريخ 26 يقولولي والله سيري الروضة وهاتي ورقة أو كتاب موقع من المديرة ان في شاغر حق ولدج
الحين سؤالي منو صار معاها جي وهل قبلو ولدها أو بنتها في الروضة
وهل ممكن أحصل شواغر في الروضة مع ان التسجيل بيخلص في يوم 28
سوري طولت عليكم والسموحة
انا بنتي نفس الشي لما بتبدا الروضة ما بتكون امكملة الثلاث سنوات سجلتها بشويفات والحمد لله قبلوها
وقالوا لي عن الورقة بس قالت لي مع بداية السنة بيعطوني ورقة من المدرسة واوديها للوزارة ويطلعون لي ورقة الاستثناء
ان شاء الله اتحصلين شاغر لولدج ..
مشكورة اختي روس ريد
يمكن نظام الخاص غير عن الحكومة
لاني أول مرة يوم سرت حق الروضة قالو نحن عادي بنسجله بس السستم ما يقبله لازم رسالة من الوزارة
الله كريم أنا بار بسير الروضة وبشوف
اب اب اب اب
السلاااام عليكم خواااتي
منو عيااالها ولدها ولا بنتها بيدشون الروضة السنة الياية ؟؟؟
وين سجلتيهم ؟؟ وشو تحسين المدرسة الي سجلتيهم فيها خاصة ولا حكومية ؟؟
ارجوو التفااعل من البنااات
ااااااااب
الله يوفقه
الخاصه احسن
أنا ولدي ان شاءالله السنه اليايه بدخله الروضه وان شاءالله في مدرسة المدار الدوليه الخاصه يجربها وان شاءاللهً خير لانه الكل يقول انهم يركزون على الانجليزي اكثر والله يوفق
للررررفع
روضه حكوميه وان شاء الله صف الاول بدخله مدرسه خاصه
تسلموووون خوااااتي الله يوفقكم ويووفق عيااالكم وعياالي ان شاءالله
السلام عليكم
انا ابى احط ولدي في مدرسة روضة خاصة بس مش عارفة وين احطه بالظبط ماعندي خبره بالسوالف هاي
شو تنصحوني وين احطه؟؟؟ابى احطة روضة خاصة تكون زينه ومش غالية وااايد
بلييييييييز ردن عليه
في اي امارة انتي اختي
للرفع
ربي ايوفقج
فوووووووووووق
هلب مي بلييييييييييز
انا من العين
اختي ظني ما راح تحصلين مدرسه خاصه عشان تسجلين ولدج … لانه خلص التسجيل الا اذا حطيتيه حكومي ..شوفي شو اقرب مدرسه لج حكوميه
السلام عليكم ورحمة الله وبركاته
بليييز بنات: افكر تقدم معلمة في الروضة: ترى مجلس بوظبي للتعليم فتحوا المجال حاليا للتقديم
بس بغيت اسأل: كيف الدوام في الروضة؟
شو الصعوبات؟
شو ادرسون اليهال؟
وهل في منهج؟ ولا كل معلمة وبكيفها؟
الدوام متى يبدا واي ساعه يخلص؟
وشي مساعدات للمعلمة في الفصل؟
وشي امتحانات ودرجات وشهادات؟
ليش محد يرد علي!!!
للرفع
السلام عليكم حبيباتي….
باجر بدخل ولدي الحضانة لانه عمره 3ونص يعني بس ابيه يتاقلم مع الوضع لان السنة الياية كي جي 1
وفكرت ادخله عشان ما يخاف من اليهال ويتعلم كيف يتعامل معاهم…
بس انا خايفة يصيح وااايد لانه هو وايد متعلق فيني وما اعرف شو اتصرف لو يلس يصيح..عظوني من تجاربكم الله يخليكم…اخاف تضيع البيزات عالفاضي.
يعني ابيكم تخبروني كيف اشجعه..
يالله ولا وحدة عندها ولد ودخلته الروضة؟؟؟!!!!!!!
ردووو بلييييز
مرحبا الغلا
لا تحاتين مرحله وايد صعبه عليج وعليه وبنفس الوقت سهله اسالي مجرب
انا ولدي السنه اللي طافت دخلت الحضانه وهو البجر يعني متعلق فيني بدرجه ما تتخيلها المهم وديته واول 3 ايام ايلس عنده ساعه لين يندمج واشرد واي اخذه مبجر يعني اخليه وياهم ساعتين بروحه بس لين اول اسبوع وعقب اوديه واروح وشو الصياح وانا قلبي يتقطع بس المدرسه تجو ل يصيح نص ساعه وخلاص وكل ماخطرت باله عقب خلاص تعود
الحين بجي 1 وعمره 3 و8 شهور احيانا يصيح واحيانا اوكي والله كريم
اللله يصبرج اهم شئ قوي انتي قلبج وبالتوفيق
صدق مرحله صعبه انا ولدي هالسنه كان كيجي1 ومتعلق فيني واااااااااااااااايد لاني أنا مجابلتنه طول الوقت لا خدامه ولا حد يعتني فيه غيري .. البدايه أول أسبوع رحت معاه يومين ومن اخليه فالطابور يصيح وقلبي يتقطع عليه بس أشوفه من بعيد واتم لين ما يدخل الصف واراقبه لين ما يهدا وعقب أروح ونفس المعاناه يوم يركب الباص بس اسوبع على هالحاله والحين يوم ريده يغيب ما يطيع واااااااااااااااايد يحب الروضه والمس حتى فالاجازه لعوزني كثر ما يسأل عن مسه ..
الله يعينج،، انا مريت بهالظروف
ولدي الكبير يوم دخلته الحضانة قعدت وياه شوي، ويوم التهى ويا اليهال طلعت عنه، وطبعاً يوم انتبه صاااااح، تقطع قلبي عليه صراحة، بس المس قالتلي عادي خليه، لين ما تعود
وبنتي هالسنة نفس الشي، دخلت الحضانة، وهاي متعلقة فيني اكثر من اخوها، صااااحت طبعاً ، بس قويت قلبي ، وخليتها ، تميت اطالعها من دريشة الصف، شوي تلعب، ويوم تتذكر تصيح، وعلى هالحالة لين ماتعودت
وطبعاً في البداية دوم كنت اتصل فالحضانة اسأل عنها، لاني ادوام وما اقدر اسير كل يوم، بس اشوف حريم ما شاء الله عليهن اييون يشوفون عيالهم من بعيد لبعيد، خاصة اللي توهم مسجلين
فنصيحة ، قوي قلبج، و ان شاء الله بعدين بتشوفين النتيجة وما بيلعوزج يوم بيسير الروضة ، بيكون متعود عالجو
والله يحفظلج اياه، وبالتوفيق
معروف ان الاولاد يتعلقون في امهاتهم اكثر من البنات واكثر شي الاولاد يصيحون يوم يروحون المدرسة عكس البنات
انا بنتي هالسنة كي جي 1 ما شاء الله عليها حتى ما سوتلي باي باي ،، راحت الصف ولا طالعت وراها اتشوف امها شو اخبارها اتصيح ماما ولا لا ؟ ههههههههههههه وانا انقهرت الصراحة كيف استغنت عني بسهولة ههههههه
طبيعي بيصيح بس مب معناته انج ما تودينه اليوم الثاني يمكن حتى يصيح لاسبوع واكثر ،،
عقب يبتعود
تعرفين امي انا انجبرت تيلس ويا اخوي في المدرسة لثلالثة ايام وهي كانت تيلس وياهم في الصف والاستاذ اخر شي قال لامي ما يستوي جي لازم اتخلينه يتعود ،، وبدون ما يحس اخوي طلعت امي وخلاااص ،،
يعني بالمختصر لازم تتحملين صياحه وانتي بهداوة لا تعصبين عليه ،، وتمي امدحي الاولاد الثانيين زملاءه وبيغار منهم وبيهدأ ويتعود …
وبالتوفيق
حبيت أستفسر عن شي سمعته
هل الوافدين ما يقدروا يدخلون أطفالهم الروضة الحكومية؟؟؟
أرجو الأفادة؟؟؟؟
جزاكن الله خيراً
الله أكبر كبيرا والحمد لله كثيرا وسبحان الله بكرة وأصيلا
الله أكبر كبيرا والحمد لله كثيرا وسبحان الله بكرة وأصيلا
الله أكبر كبيرا والحمد لله كثيرا وسبحان الله بكرة وأصيلا
رررررررررررررررررررررفع
الي سمعته انهم ما يقدرون لان بنت اخوي وافده ودخلوها خاص ..مش متأكده ..
الله يوفق الجميع
والله انا سمعت ان اوقات التقديم اللى هى بتكون فى شهر 3 و4 بيكون فى يوم واحد بس للوافدين فممكن تنتظرى انشاء الله على تقديم السنة الجديدة وربنا معاكى
بالتوفيق
اللي اعرف الحين يستوي يدخلونهم حكومي قبل كان لا بس اعتقد في رسوم ..بس تاكدي من هالمعلومات قبل
السلام وعليكم ورحمة الله وبركاته
استفسار شو مطلوب من التخصص أو الشهادات علشان
وحده تستوي مدربة رياضة وهل يوجد دورات خاصة
تستطيع من خلالها الوحده تكون مدربة رياضة
اتصلي على مجلس أبوظبي للتعليم
شوفى المتطلبات
لا إله إلا الله وحده لا شريك له
ربي يوفقج
لا إله إلا أنت سبحانك إني كنت من الظالمين
بنات شخباركم؟؟
عندي ولدي دخلته روضة أولى عمره 3 وأربع شهور شرايكم ؟ ربيعتيه حشرتني قالتلي صغير هي ولدها نفس عمر ولدي دخلته حضانة..هي في رايها ان الدراسة في المراحل اليايه صعبة وانه ما بيقدر عليها احسن يكون أكبر شوي ..يعني بيدخل أول وهو عمره 5 واربع شهور ..تصدقون بديت أقتنع شوي أحس صدق الدراسة استوت صعبة ولازم يكون الطفل فاهم شوي..
عطونا رايكن جزاكن الله خير
ام احس احسن شي يدخل اول ابتدائي وعمره 6 عشان يكون داش في السابعه لانه السن الي وصانا فيه الرسول صلي الله عليه وسلم بتعليم عيالنا الصلاه ومعني كذا انهم يكونوا فهذا السن اقدر ع الفهم ولاستيعاااب
للرفع
الدراسة وايد صعبه على ياهل عمره 3 سنين
الحين الكي جي مب لعب وبس
لا تعليم حروف بالانجليزي والعربي وحفظ قران
ورياصيات وعلوم
3 سنين حرام حتى عضلات ايده ما تكونت والكتابة جدا صعبه عليه
الحمد لله انا دخلت ولدي الكي جي ون وعمرة 4 سنوات و 3 شهور
واحسة عمر مناسب له
صراحه أحس يعتمد على الطفل…اذا الطفل ذكي ويلقط بسرعة ويتعلم، ما فيها شيء يدش في هالسن،أما اذا كان محتاج تأسيس وشوي يباله وقت علشان يفهم فاحسن تأخرينة شوي.
صراحه أحس يعتمد على الطفل…اذا الطفل ذكي ويلقط بسرعة ويتعلم، ما فيها شيء يدش في هالسن،أما اذا كان محتاج تأسيس وشوي يباله وقت علشان يفهم فاحسن تأخرينة شوي
أنا راي من راي الاخت
للـــــــــرفــــــــع
الصف الاول 6 سنوات أحسن الغاليه