الوسم: الرحم

السلام عليكم ورحمة الله وبركاته …
خواتي .. ممكن ادلوني ع دكتوره ممتازه في الشارجه لأن عندي قرحه في عنق الرحم وقريت ان مالها علاج الا الكي بالتبريد .. ماادري ! بالثلج اسمه … وانا بصراحه زايغه و مب عارفه وين اسويها ؟؟؟؟
فياليت اذا حد منكن مجرب ويطمني … ويزاكن الله خير مقدما.

أنا اختي مسوية الكي عند الدكتوره جيهان في دار الشفاء في بوظبي ماشاء الله عليها اوكيه بعدها حملت

دكتورة بالشارجة ماعرف انا من الفجيرة وسويتها بالفجيرة … سرعة سرعة ..

ومعافاية ان شاءالله

سيري عند الدكتورة كاميليا تسوي الكوي
وهي وايد ممتازة بتحصلين رقم تلفونهم في الدعايات الي فوق مركز القصر الطبي
الله يشفيج ويعافيج

انا رحت عند الدكتورة كاميليا سويت الكوي والحمد لله روحي عندها سوته حقي 850درهم والله يشفينا ويرزقنا جميعا لاتتاخري لانها تكبر

تسلمن اخواتي الغااااليات ع الرد … ويزاكن الله خير … وابعد عنكن الامراض والهموم .
دووووومكن ماتقصرن.الله لايحرمني منكن .

(ربي لا تذرني فردا وانت خير الوارثين)

حبيت اعرف منومنكم خذت التطعيم ضد سرطان عنق الحمل او هل له اضرار وهل يمنع الحمل
جاوبوني جزاكم الله الف خير ياااارب

اول مره اعرف ان له تطعيم الله يبعده عناا

للرفع

في تطعيم …………..

انا خذته ع 3 جرعات وكل الدكاترة ينصحوون انه الوحده تاخذهم ،،، وحتى المدارس يعطعوون بنات الثانوية هالتطعيمات …. لان الامراض منتشرة … وللعلم التطعيمات مب بس للسرطان ( الله يبعدنا عنا اجمعين ) هو يبعد عنج أكثر منج 20 فيرووس ممكن يصيب الوحده …

عالعمووم هو تطعيم مثل اي تطعيم ع شهوور محدده ،، تحدده لج الدكتوورة ،،، وانا الحمدالله حملت ع طوول بعد ما خلصت منهم … اللهم لك الحمدالله والشكر يارب العالمين ….

اول مرة اسمع بتطعيم

مافي تطعيم يمنع الحمل..

المهم اذا الدكتورة وصفته لج خذيه..

جزاكم الله الف خير علي الردود

خواتي عندي للكم سؤال محرج اشوي … بس بغيت أسأل كيف تكون طريقة الجملع للي يعانون من الرحم المقلوب بالخلقة ( طبيعي) لأني أعاني من هالشي و اتمسحت بس ماشي فايدة…
أرجوكم فيدوني … و شو الأشياء اللي تنشط المبايض؟؟؟

مرحبا اختي..

انا بعد نفسج الرحم عندي مقلوب بس هذا تراه طبيييييييييييعي ولا تخافين ولا يأخر الحمل عادي انا الحين حامل في الشهر التاسع صح تاخرت في الحمل 4 سنوات بس انقلاب الرحم مااااااااله خص انا السبب كان عندي تكيس شديد في المبايض وعدم انتظام الدوره الشهريه والحمدلله سويت حجامه في ظهري (في مركز الحكمه في العين)وعقبها تعالجت في توام اخذت كورس حبوب وابر منشطه والحمدلله حملت ولا تنسين حبيبتي الدعاااااااء وقيام الليل وقراءة سورة البقره و شرب ماي زمزم والله يوفقج …

ماعندي فكره

الغاليه مافى مشكله نهائيا من الرحم المقلوب وان شاء الله تحملى وربنا يوفقك

انا الرحم عندي مقلوب والحمدلله حامل بشهري الاخير,,مع اني ما سويت شيء لا امتسحت ولا هم يحزنون اتزكلي على الله حبوبة وكثري من الاستغفااار

مرحبا اختي …الغالية اذكر انا مرة قالت لي الدكتورة ان رحمج مقلوب ولما رحت عيادة ثانية جان تقول لي الدكتورة الظاهر ان مخ الدكتورة اللي قالت ان رحمج مقلوب مشوش….الحمدلله انا طبيعية ومافيني الا العافية

والله يرزقنا يااارب

كيف البنت تعرف انه رحمها مقلوب؟
ان بنت بعدني ما عرست و ابا اعرف شو الاعراض
اللي بتفيدني تطرشلي عالخاص
و مشكورين

مرحبا خواتي اشحالكم انا مسويه ربط من شهر تقريبا ودايما احس بشد تحت بطني وظهري واحيانا احس بافرازات مثل الماي اللي مرت بنفس حالتي اطمني بليز

للرفع

الله يتمم لج على خير
للرفــع

عادي فديتج كل مايمر اسبوع بتخف عليج الافرازات حاولي بهالفتره ترتاحين ولا تقعدين عالارض لاني انا بعد مريت بهالفتره يعني شراتج امسوية ربط عنق الرحم

انا كنت مسويه ربط دبل سيركولاج يوم كنت حامل باخر ال3 طبعن سويته متأخر
الالم طبيعي انا نفس الشي كان وايد يعور وبيزيد ع الشهور لي جدام واللي ينزل ماي الياهل
شوفي لاتتحركين وايد اهم شي تحتها مليون خططط تمي طايحه طول اليوم منسدحه وممنوع مشي وطلعات خلي شغاله تخلص شغلج , ولا تشلين اشيا ثجيله
انا كانو يضربوني كل اسبوع ابرة تثبيت حمل , + عطوني ابر يوميه اضربها بفخوذي تحرك الدم
أذا صارلج نزيف حتي لو شوي روحي جيكي وحتى لو شفتي الماي زاد خطر ع الياهل دوم جيكي وتأكدي ولو حتى لعوار وايد زاد راجعي طواري
الله يعينج ,, وأتمني لج كل التوفيج والله يتمملج ع خير

هي صح نسيت أمتنعي عن زوجج ولا تخلينه حتى يثيرج لنه الرحم يتمدد ويتقلص وعادي
يفتح الربط وتستويلج مشاكل وبيسويلج اللم شديد ومابتقدرين تنامين الليل من الويع

مشكورين ع الرد تسلمون

ربي يوفقك اختي

السلم عليكم ..
شحالكن خواتي .؟؟
خواتي حد منكن صار لها حمل خارج الرحم ؟؟؟
ومتى أكتشفت هالشي؟؟؟ وكان له عوارض ….
والسؤال الأهم كيف نزلتييييييه ؟؟؟ بروحه ولا بأبره …؟؟؟

للرفع……………

المشاركة الأصلية كتبت بواسطة روحي_تحبك

السلم عليكم ..
شحالكن خواتي .؟؟
خواتي حد منكن صار لها حمل خارج الرحم ؟؟؟
ومتى أكتشفت هالشي؟؟؟ وكان له عوارض ….
والسؤال الأهم كيف نزلتييييييه ؟؟؟ بروحه ولا بأبره …؟؟؟

ضرووووووووووووووووووري خواتي اللي تعرف ترد عليه بأسرع وقت .. ويزاكن الله الف خير

من اعرااضه الدوخه و الالام صوب الكتف و الالام في المباايض و حدوث نزيف..

و لكن يكون الكشف دقيق عنه عن طريق السونار و تحليل الدم..إذا كانت نسبه هرمون الحمل قليله يعني مثلا 75 أو 420 و هااي النسبة ما تزيد ابسرعه ممكن يكون الحمل خارج الرحم

ساعات يوم يكون حمل خارج الرحم سبحااان الله ينزل الجنين ابروحه في الاسابيع الاولى ممكن الرابع او سادس بس لو خليته او ما كنتي تدريين و كملتي زياااده عن 6 اسابيع لازم جراحه و في بعض الاحياان توصل لأزالة المبيض اللي البويضه تلقحت ااو لصقت في جدااره…

مشكوره اختي ويزاج الله الف خير على الرد

السلام عليكم ورحمة الله وبركاته
شحالكم خواتي ؟ عساكم بخير ؟
بغيت اخبركم عن وضعي ، أنا سويت سونار تفصيلي للبيبي من أسبوع تقريبا والحمد لله طمنوني ع البيبي ، بس الدكتورة قالت ان عنق الرحم طوله 2.9 سم ، ولازم ارتاح راحة تامة وما اجهد نفسي عسب ما يقصر أكثر ، وألحين قاعدة أحاتي لاني معلمة وأدرس اطفال اعمارهم 7-8 سنوات وشغلي متعب جدا ، وطول الوقت واقفة ما ينفع ايلس فترة شغلي .
قريت ف النت ان الربط يكون حده الشهر الرابع ، وانا ألحين بداية السادس ووايد تييني الام تحت الياهل حركته كلها تحت .
خايفة من الولادة المبكرة ، وموعدي بعد أسبوعين بعيد شنو أسوي ؟
منو مرت بنفس تجربتي وكملت الحمل للتاسع .
الحمل السابق مريت بتجربة ولادة مبكرة لاني كنت حامل بتوأم بس تعبت وايد وتعب الولد معاي شهر قعد في المستشفى وألحين صحته مب اوكي كل فترة يتعب علي . عشان جذي ما ابي اكرر نفس التجربة .
واطلب منكم تدعولي الله يتمم حملي ع خير وأكمل حملي للتاسع واشوف ضناي بين يدي بصحة وعافية .
آمين ،،،

لا تخافين انا مريت فهالحاله و ربيت اول التاسع الحمدلله اهم شي ترتاحين وما تعبين نفسج
ك وضعج اذا تقدرين تقدمين اجازه قدمي وشوفي ولو رفضو حاولي ماتجهدين نفسج معاهم
الله يتمم حملج على خير

افكر اقدم اجازة ، بشوف وضعي جدام ، لان الدوام مافيه مراعاه لوضعي وما يصير ارتاح فيه ، انا ولاداتي كلهن قيصريات ، الحمل الاول انفتح الرحم 7 سم وما ولدت طبيعي ، والحمل ثاني سويت العملية ما خلوني بسبب نبض الجنين لانه كان توأم معي ، وكنت اخذ مثبتات حبوب وابر ، ما فتح معي الرحم وكنت ببداية التاسع .
هالمرة الدكتورة لما قالت لي ان عنق الرحم قصير معاي كان ودي اقول لها ان ولاداتي قيصري ومحددين لي موعد العملية من ألحين . لان بالي راح ان اللي تولد طبيعي بس يتوسع عندها عنق الرحم وانا ما ولدت طبيعي ولا مرة .
عسى خير والله يتمم حملي ع خير الحمد لله عكل حال تعبانة وايد اخذ انسولين بسبب السكر ، وعندي التهابات فظيعة ، وكنت احاتي السكر والالتهابات لانهم قالولي سبب للولادة المبكرة طلعلي شي ثاني بعد يسبب الولادة المبكرة ، يعني شبح الولادة المبكرة يلاحقني من ألحين .
ويمكن هذا تفسير احلامي اني بأول ما حملت اشوف نفسي اروح اولد واقولهم في الاحلام ان موعدي بعده !
وما كنت اعرف ان عندي السكر والالتهابات كانت مجرد احلام . بس الظاهر اني كان لازم انتبه لانها تكررت معي أكثر من مرة وانا من النوع اللي اشوف الشي قبل حدوثه .
عسى حاستي السادسة تخذلني هالمرة وما اولد مبكر ، دعواتكم كل وحدة تمر ع موضوعي اني اتمم حملي للتاسع واشوف طفلي بأتم صحة وعافية .
ولكم بالمثل .
الحمد لله عكل حال نتعب ف الحمل عسى يكون تعبنا تكفير لذنوبنا ورفعة لقدرنا ، لان الصابر يحصل أجر الصايم والقايم ، والحمد لله عكل حال ، راضية بقضاء رب العالمين ، بس ابي اخذ بالاسباب بعد التوكل وتسليم الامر لرب العالمين .
والحمد لله حمدا كثيرا طيبا مباركا فيه …،

الله يسهل عليج وتربين بالسلامة ان شاء الله

حبيبتي الله يسهل عليج ان شاءالله وتقومين بالسلامه ،،

وتولدين طبيعي وتفرحين بضناج سليم معافى

الله يسهل عليج وتكملين تسع شهور وتشوفين ضناج

الله يسهل عليج ان شاءالله وتولدين طبيعي وتقومين بالسلامه وتفرحين بضناج سليم معافى يارب ياكريم

السلام عليكم
شحالكم بنات وحريم

السلام عليكم والرحمه

هيه الغالية لاتحاتين وحده من الأهل كان رحمها مقلوب والحين من فتره ربت ويابت ولد الحمدلله ,,
لاتحاتين بس لاتهملين وصايا الدكتور…

مشكوووووووووووووورة الغالية يعني عادي اقدر احمل ما في اي مشكله ؟؟؟

الغاليه كيف اتحملين و الرحم مقلوب ما يستوي
و اذا صاار حمل "يطيح لا سمح الله"
لانه الرحم بغير وضعه الطبيعي
انا كان عندي الرحم محتاااااااس و امسحتني يدوه و الحمدلله ..
حتى يوم بتمسحج بتحسين بشي تبغي تعدله و بتسمعين شرا النقعه بس ما يعور واااايد
و انشالله خير حبوبه..

آمين يارب,,, يعني ما اقدر احمل جي …؟؟؟؟

بليييييييييييز فيدوني الدكتورة قالت لي عادي تقدرين ,,, ما في اي مشكلة ويوم بيكبر بطنج الرحم بيرد لمكانه الطبيعي,,,

خلي حد يمسحج ويرده مكانه لإن إختي إتأخر حملها لنفس السبب ولكن بعد ما مسحتها حرمة حملت ويابت عيال

يعتمد الغاليه يمكن محتاس شوي بس مش مقلوب تماما

جربي و انش اء الله يا رب يعتدل و نشوفج بكروشتج

السلام عليككم خواتي

للرفع

عد العلاج
كل ما تدخلين الحمام استخدمي بعده غسول خاص بالمنطقه
يحافظ على توازن المنطقه ويمنع حدوث التهابات جديده

انا ابيع ملح .. واذا تبين راسليني على الخاص… ملح عادي وملح بالكركم وملح بالاعشااب…. والشارجه وعجماان لتوصيل فقط مجااانااا

وينظف يضوق يقي من الاتهابات الروائح

اختي استعملي غسول بيكربونات الصودا يوميا بتقضي ع البكتيريا والفطريات وعقب كل دوره حطي تحاميل ملح ان شاء الله بيخوز عنج

ما انصح اختي بالخلطات لان حرمه اخويه من الخلطات ياها كيس في الرحم

غيري الدكتوره

تغسلي المنطقة بماي دافي مع ملح

وان شاءالله يومين ثلاث بيروح الالتهاب

السلام عليكم

للللللللللللللللرفع

مبدعه مشكوره على دخول الموضوع..
الزهراء شكرا على الرفع..

ابــــــــــــــــــــــــــــــــــــــــــــــــ ـــــــــــــــــــ
سبحان الله وبحمد,, سبحان الله العظيم..

أحتاجك … مشكوره على الرفع

وياليت اللي حالتها مثل حالتي اتخبرني شو سوت…

للرفععععععع