الوسم: الربط

خواتي انا مسويه ربط والحين صارلي ثلاث شهور ما اروح مواعيدي فالمستشفى(وحده عيّازه)……وانا قربت اخلص الثامن واحس بالام فظهري وماعرف متى لازم اصلا يفتحون الربط…..وقت الولاده والا قبل؟؟لاني اخاف انه تيني ولاده ويكون فيني واعوذ بالله سمعت انه عادي يسبب انفجار فالرحم…..قولولي عشان اعرف راسي من ريولي

انا الي اعرفه انه لازم يتبطل قبل الولاده
ضروري تروحين تراجعييييين بس الي اعرفه على اخر الثامن قبل التاسع يبطلوونه
عسى الله يقومج بالسلامه وتقر عينج =)

في آخر الشهور الحامل تحتاج المراجعة كل أسبوعين عالأقل
وانتي تقولين ما راجعتي من ثلاث شهور !!
كيف مستحملة ؟؟ الله يهديج بس
لازم تراجعين ضروري هالفترة واسئلي الدكتورة متى تفتح الربط
والله يسهل عليييييييييج

ليش الغالية لازم ترجعين
وتلتزمين بمواعيد المراجعة علشان تطمنين على نفسج وعلى البيبي

مشكوراتي خواتي على اهتمامكن وردودكن وانشالله اني براجع جريب

لا تهملين عمرج والله انه شي خطيييير روحي راجعي المستشفى

هلا حبيبتي انا مسوية عملية ربط يوم كنت حامل وفتحوا الرباط بعد ما خلصت الاسبوع الاول من التاسع كنت مثلج خايفة تيني الولادة وهم ما فتحوه بس ما ربيت يلين خلصت التاسع الحمد لله والله يحفظلي ولدي

السلام عليكم ورحمه الله وبركاته

اب اب

ربط شو حبيبتي ؟؟
ان شاء الله البنات يفيدونج ^_^

هلا امهات وحوامل المنتدى !
انشالله بخير ؟
انا حامل بالشهر الرابع وكان عندي موعد اليوم بمستشفى الكورنيش ونصحتني الدكتورة ب عملية الربط لان المشيمة شوي نازلة عندي وقالتلي انها احسن بالنسبة لحالتي؟
وفيها بنج كامل يعني عملية !
بس انا خايفة ومب عارفة شو اسوي؟
ياريت اللي جربت هالعملية او تعرف عنها شي بليز تخبرني ؟
ولازم باي شهر ؟
ولازم لها راحة بعد الربط ولا امارس حياتي طبيعي ؟
يعني اللي عندها اي معلومة بليز لاتبخل علي !!!
بانتظار ردودكم………………………

الله بشفيج ان شاءالله …الغالية انا انصحج اتروحين عند كذا دكتوره ..لاني انا سقط اول مره وقالتلي الدكتوره اني محتاجه ربط ..ويوم رحت حق دكتوره ثانية (استشاريه يعني عندها خبره اكثر عن الدكتوره )) بصراحه وااايد طمنتني وقالتلي كل شئ سليم وانشاءالله ما تحتاجين لربط ..والاسبوع الياي عندي مراجعه ^_^ الله يثبت حملنا على خير انشاءالله ^_^

تسلمين الغالية الله يريح قلبج ويثبتلج حملج انشالله

ربي يثبت حملكن يارب

وربي يسهل عليكن…..

انا ربيعتي كانت مسويه ربط لانها اتسقط وعلى ما اظن انهم يعطونج موعد قبل الولاده عشان تفتحينها

لا تخافين حبيبتي انا كل حمل يسوولي ربط عادي ما أحس بشي يكون تخدير كامل ويفكونه في اول الشهر التاسع

الغاليه الموضوع وايد بسيط انا بنت عموتي سوتها الشهر الفات في الوصل والحمدلله الحين اهي في الشهر السابع وامورها وايد اوكي.. واتكونين في البنج وماتحسين ابدا تكونين مخدره وبعدين اتنشين عادي وفي التاسع يفتحونه..
الله يسهل عليج انشالله.

السلام عليكم
هلا خواتي كيفكم
عندي سؤال ياليت اللي اتعرف اتخبرني ضروري الله يخليكم
انا صار لي اجهاضين مره في الخامس والمره الثانيه سويت ربط في الرابع واجهضت في السادس
واحين انا حامل في الاسبوع السابع او الثامن وقالت لي الدكتوره بسويلج ربط باجر كذا دكتور قالي عادي في الاسبوع التاسع او العاشر وانا على حساب الدوره في الاسبوع التاسع والسونار اصغر شوي بس قالت عادي الاغلبيه نحسب على الدوره
فياليت اتخبروني عادي اسويهاا البنج مابياثر على البيبي الله يخليكم اللي تقرا تجاوبني

للرفع

ربي يتمم لج ع خير

بس اختي كيف اجهضتي بالسادس وانتي مسويه ربط خوفتيني

ربي يحفظلج البيبي …
و يثبته ….

حبيبتي احساس ومشاعر انشاء الله ماا عليج شر
والله ارادت رب العالمين ما اعرف كل شي كان طبيعي وفجاه لو النفس فاتحه شوي وفكوو الربط يمكن كان الربط متاخر سويته في الاسبوع 14 او يمكن انا كنت اتحرك ووايد اقعد على الارض بس انشاء الله الله يثبت حملي هالمره وحملج يااارب ويرزق كل محرومه

الله يثبت حملج

ويرزقنا اجمعين الذرية الصالحة المعافية

المشاركة الأصلية كتبت بواسطة lovely-gir

حبيبتي احساس ومشاعر انشاء الله ماا عليج شر
والله ارادت رب العالمين ما اعرف كل شي كان طبيعي وفجاه لو النفس فاتحه شوي وفكوو الربط يمكن كان الربط متاخر سويته في الاسبوع 14 او يمكن انا كنت اتحرك ووايد اقعد على الارض بس انشاء الله الله يثبت حملي هالمره وحملج يااارب ويرزق كل محرومه

الله يثبت لكن ويزقكم اياهم يابنات الربط عادي في الاسبوع 14 بس الخطير يفتح النفس القعدة على الارض خطير مش زين اعرف وحدة كانت مسويه ربط وتقعد تحت وربتفي الاسبوع 26 عشرون
اهم شئ الراحة ودايم منسدحة وان شاء الله مايي شر
يارب يثبت حملكم

منو سوت ربط بليزر اوتعرف عنه شي او تعرف حد سوااا يليت خوااااتي اتفيدوني ضروري وللي ماتعرف اقل شي ترفع الموضوع

اول مره اسمع عنه هم وين يسونه في اي مستشفى واي اماره

سبحان الله و الحمدلله ولا اله الا الله و الله اكبر ..
للرفع

مرحبا خواااتي
فديتكم ربيعتي مسووية ربط من سنة تقريباا طبعاا غصبن عنها وهية فخاطرهااا اتيب عيااال
بسس الدكتورة قالتلهااا لازززم ربط لانة خطر الحمل علي حياااتهااا بسس قالتلهااا الدكتورة
ممكن يصير حمل حتي لو في ربط بسسس بنسبة ضئيلة جداااااا بسس هية عندهااا امل باللة عز وجل ومااشي صعب برب العااالمين حتي لو فية خطورة بس خاااطرهااااا ادعولهاااا انة اللة يرزقهاااا بولد يمكن اللة يستجيب دعواااتكم فدعوة الاخت لاختهااا المسلمة عن ظهر غيب مستجاااابة
يارب ترزق اختي بالولد الصالح وتيسر لهاا حملها وولادتها فكل شي صعب بيدك سههههل
فيارب ارزقهااا ويسر لها وهبها من حيث لا تحتسب

ما عندي فكرة الغالية

حبيت ادعيلها الله يرزقها

الله يرزقها الذريه الصالحه يا رب..

تسلمووووون فديتكم مااقصرتواا

و الله انا سمعت الدكتورة اللي مسويه ربط نسبة الحمل ضعيفة جداااااااا………و المفروض كانت ما تسويها وهي عارفه عواقب العمليه …

الله يرزقهآ ..

اذا عليها خطر شو تبا تحمل .. يعني الحمل أهم من صحتها ؟؟؟؟؟

من العنوان خواتي ابغي اعرف منو سوا العمليه وفي اي مستشفى
لانه المستشفى الحكومي اللي اراجع فيه يقولون انهم منعوا هالعمليه
وانا ماابغي اخذ موانع لانها ماناسبتني وانا عندي بطاقة ثقة يعني حتى لو خاص ممكن تخبروني

اعرف وحده سوت العمليه بس ما اعرف وين سوتها(علاقتي فيها سطحيه) بس قالتلي انها تبا اتفج الرباط في مستشفى كوزموسيرج بوظبي لان دورتها صارت متلخبطه وسوالها وايد مشاكل وقالولها عملية فج الرباط وايد خطيره بس هي مصره انها اتسويها لان هرموناتها تاثرت وايد وهي بعدها صغيره بداية الثلاثينات
موفقه اختي وفكري زين في الموضوع واستخيري

الغاليه انا الوالده سوت في بومباي وايد شطار
وتخيلي عقب 10 سنوات فتحت الربط بالمنظار وبدون عمليه فتح بطن
وعقب 6اشهور حملت ويابتلنا حمودي الله يحفضه اهنه في البلاد ما عدنا حد مضمون
سيري بومباي مني كشته ومني علاج وعندهم دكتوره مايا وااااااااايد فنانه انصحج فيها
لاي علاج يخص الحريم
والله يوفقج

مشكورات خواتي على الرد

الوزاره منعت الربط في الدوله في كل المستشفيات الحكوميه والخاصه

الوالده سوته في الهند بالمنظار بدون جراحه من 12 سنه

الغاليه عملية ربط الرحم حرام ولا تسوينها عشان الله مايبليج في عيالج…

السلام عليكم خواتي
حبيت اخذ رايكم الي عنده فكرة بالموضوع الخياطة
انا الحين في اسبوع 15 وقبل كان عندي اجهاضات ومسوية ربط بس اخر مرة انفتحت الخياطة ويبت ولدي اخر الشهر السابع والحمدلله والحين الدكتورة الاسشارية قالت ما تحتاجين خياطة وطول عنق الرحم زيني بس انا محتارة اخاف يستوي فيني نفس قبل وينفتح الرحم واجهض شوروا علي الي عنده فكرة وجزاكم الله خير

عليكم السلام

بسألج أختي كيف كان روتينج عقب الربط ؟ "أنا أدور حد يفيدني "
و ولدج عاش ؤلا ؟

مشكورة اختي الصدر الحنون2 ربي يثبت حملج ويرزقج الذرية الصالحة
شو اقولج اختي غير الحمدلله …انا كنت في ولدي كله راقده واكثر ارقادي كان في المستشفى وكانوا يعطوني ابر التجلط لان حركتي قليلة جدا وخايفين على من الجلطة لا سمح الله لان كانوا مانعيني من الحركة، وكانوا يعطوني تحاميل تريح الرحم بس عطوني متاخرين مو من البداية بس سبحان الله في الشهر السابع نزل علي دم ويوم فحصوني عرفوا ان الربط مفتوح اشوي،، ومن بعدها قرروا يولدوني والحمدلله ولدوني وحطوا ولدي في الحضانه والف الحمدلله الحين اهو ابخير بعد رعاية واهتمام بين البيت والمستشفى،بس حبيت اخبرج الي عندهم اجهاضات يعطونج ابر للرئة اذا كانوا خايفين لاقدر لله يولد الجنين قبل اوانه عسب يتكيف مع البيئة ..بس نصيحة اختي اتجنبي الامساك ولا تضغطين على عمرج و حركتج بسيط جدا ،والحريم يختلفون من وحدة للثانية ماشاء الله في حريم يكملون عادي..والحين انا عطوني تحاميل من البداية بس ربط قالوا ما احتاج بس خايفة ..يالله الله ايب الي فيه الخير .وايسر لكل حامل يارب العالمين

وين الباقين بغيت مشاركاتكم

نصايحكم خواتي والي مر بمثل هذه الحالة

سبحان الله وبحمده

للرفع

يا حريم وحواااااااااااااااااااااااااامل

ان شاءالله يفيدوونج

للرفع

انا بعد ابغي اعرف

: )

للرفع

الغالية انا خالتي سوت ربط عنق الرحم و تبين الصدق متبهدلة الحين لانه صارلها مشاكل واايد في الهرمونات و الدوره و طلعلها تكيسات في المبايض يعني لو تشوفين الادوية اللي صارت عندها بتقولين صيدلية يعني لو انها تحمل و تتعب اهون من اللي تشوفه بعد الربط و هم بالمستشفى ما عطوها شرح وافي عن هالموضوع بس قالولها بما انج طول حملج تكونين تعبانة و بالمستشفى الربط احسن حل لج
و الله يكون في عون الجميع

للرفع …………………للرفع

السلام عليكم ورحمة الله وبركاته

للرفع

وعليكم السلام ..

أختي ع علمي يلي تربط مااتقدر تفك الربط ..
يارتنااا رابطه كم حااولت تفكه ماااقدرت ..

اذا حابه تمنعي لمدة سنه أو اقل انصحك بالحبوب .. اذا بتمعني فوق السنه والسنتين والثلاث والاربع انصحك باللولب
لكن ربط الرحم لااااااااااااااااا اعرف اللي تربط ماتقدر تفك وحتى لو فكيتي مابيكون الرحم قابل للحمل اتوقع يكون فيه ضمور

الربط يسوونها للي خطر عليها الحمل مرة ثانية ويهدد حياتها هذا معناته ان مستحيل تحمل

الغالية ما ترومين تحملين مره ثانية ، لانه ما يرومون يفتحون الربط
تخبرت الدكتوره ، لانهم في مستشفى الوصل قالولي اسويها
بس ما سويتها ولا بسويها ان شاء الله
والله يوفقج