الوسم: الرائحة

انا بخبركم عن سالفة وحده الله يستر عليها كانت معانا في الكليه هالبنت كانت طيبه وخلوقه ودمها خفيف بعد وشاطره في دراستها لكن مشكلتها ريحتها فظيييعة ريحة عرق فظييعه يعني من تمشي عدال حد الريحه تنتشر في كل مكان وكنا كلنا نتجنبها ما كنا نحب نقعد عدالها وما كان عندها صداقات دايما كنت اشوفها تمشي بروحها لانه فعلا الريحه تخلي الناس تبتعد عنج في البدايه محد كان يرمس عنها علشان ما نجرح ولا نحش فيها بس بعدين ما قدرنا نتحمل وقعدنا مع بعض وتكلمنا عنها وقلنا لين متى يعني انا صراحه ما كنت احب اقرب منها ابدا وفكرنا نكتبلها ورقه بس في بنات ما طاعن قالوا اونه حرام ومادري شو وبنجرحها ….وطنشناها وتمت بريحتها … الله يعينها …الحين مادري عنها شي بس انشالله تكون اكثر نظافه.

وترا الريحه الكريهه ممكن تسبب الطلاق للزوجين سواء كانت الريحه من الزوجه او من الزوج وانا قاريه كذا مشكله مره في مجله وحدة تشتكي من ريحة فم زوجها وواحد يشتكي من ريحة زوجته وهذا ممكن يوصل للطلاق …. النظافه من الايمان …….

يعني مش معقوله بنت ناضجه ما تعرف كيف تهتم بنظافتها خصوصا الموضوع اللي كتبته الاخت كانت عن زميلتها في الشغل يعني وحده كبيره وتشتغل وتفوح ريحتها جدام الموظفات والموظفين …. ولا الشباب يتكلمون عنها يعني صراحه فضييحة ولو انا منها وعرفت انه الشباب يتكلمون عن ريحتي بروح اقدم استقالتي وبدور شغل ثاني محد يعرفني فيه بس بعد النظافه طبعا …… اما اذا كانت مشكلة هالاشخاص مش النظافه يعني يمكن هم يهتمون بالنظافه وكل شي بس جسمهم يطلع ريحه لازم يتعالجون وهالشي له علاج في كل مكان …. لانه فعلا الريحة الكريهة تخرب العلاقات بين الناس ………

وشكرا

اممم انا قرآت خبر فـ مكان مآآ
بأنه احيانا ً الريحه تطلع لآنه المرآه او الرجل ما ينظف نفسه عدل من بعد الحمام
اسفه لآني اقول هالكلام ..
بس و الله لو مامنه فايده ما كنت بقول ..

و اللي اقصده بالحمام ..
انه الناس اللي يستخدمون الحمام العربي ريحتهم افضل من اللي يستخدمون الحمام الافرنجي
عاد مادري فهمتوا او لآ =
يعني .. اللي يستخدم الحمام الافرنجي .. يستخدم الماي فقط !!
يعني يرش ع عمره بس .. من دون ما ينظف عدل مكان النجاسه ..

لا صج و الله
الماي بروحه ما يسوي شي

و نفس الشي يوم وحده بتنظف ضروسها .
بس لمده 20 ثانيه !!!!!!!!!!!

المشاركة الأصلية كتبت بواسطة غنوجة راك

طيب كلامكم صحيح ومية صحيح

بس ياهل ترى ازا الوحدة رفيقتها بالكلية ما قدرت تقولها عن ريحة فمها مثلا
طيب المتزوجة كيف بتقول لزوجها؟؟؟؟

او حتى الزوج كيف بده يحكي لزوجته؟؟؟
مو ممكن ينجرح الطرف التاني؟؟؟؟

او شو الطرق اللي ممكن نتبعها؟؟؟

اممم .. الموضوع اللي قرآته
كان يخص هالشي بالذآت

كان الزوج يشتكي من ريحه زوجته

المهم ما راح ادخل بالتفاصيل ..

لكن احس افضل طريقه اهي وحده لآ غيرهآآآ

انه الزوجه تقعد بيوم من الايام و تدخل الحمام و تأخذ لها دش طووووووووويل شوي
ولازم يكون بوجود الزوج .. عشان يحس بغيابها ههههههههههه
خيبه شقاعده تسوي فـ الحمام ..

المهم ..
يوم تطلع الحرمه .. طبعا ً بيسآلها شقاعده تسوين كل هالوقت ..
ترد عليه بكل بساطه ..
قاعده اتنظف ..
و بعدين تفتح له محاضره و تقوله : تعرف انه اكثر الناس ريحتهم مب شي لانهم ما يتسبحون عدل
تعرف انه بعض الناس فقط يعتمدون على الماي ..
للعلم انه السبوح يباله سالفه و فرك و مادري وشو .

طريقة تحضير وصفة التخلص من رائحة الفم الكريهة

يسخن ماء الورد ثم نضيف له البيكاربونات ثم القرفة او القرنفل نخلط الكل
يصفى الخليط و نضع المحلول في زجاجة و يمضمض به الفم